Frjáls verslun - 01.03.2006, Síða 77

F R J Á L S V E R S L U N • 3 . T B L . 2 0 0 6 77
tölvunni. Um leið hafa starfsmenn aðgang að gagnagrunnum fyrir-
tækisins og geta unnið alla sína vinnu og fært inn gögn rétt eins og
þeir væru staddir í höfuðstöðvunum,“ segir Karyn.
Vinnuafl ekki lengur staðbundið
Þetta veitir áður óþekkta möguleika til fjarvinnslu að hennar
sögn og sem dæmi nefnir hún að í Bandaríkjunum séu fyrirtæki
í auknum mæli að nýta sér mismunandi kostnað við starfsmanna-
hald eftir landsvæðum. Til að mynda geti fyrirtæki í auknum mæli
nýtt sér framlag fólks í miðríkjunum þar sem atvinnuleysi er mikið
og laun lægri en við strendurnar.
„Þetta þarf samt ekki að einskorðast við stórt land á borð við
Bandaríkin, heldur ætti það sama að gilda fyrir Ísland, svo dæmi
sé tekið. Ég hef til dæmis heyrt að fasteignaverð í Reykjavík hafi
rokið upp úr öllu valdi að undanförnu.“
„Með bættari samskipta- og fjarskiptatækni opnast hins vegar
möguleikar fyrir höfuðborgarbúa að flytja til landshluta sem eru
ekki jafndýrir. Þar fá þeir því meira fyrir launin sín og fyrirtæki geta
mögulega lækkað launakostnað með því að ráða fólk á svæðum
þar sem kostnaður við daglegt líf er ekki jafnmikill og í höfuðborg-
inni,“ segir Karyn.
Að auki eykur þetta atvinnutækifæri þjóðfélagshópa sem hingað
til hafa átt erfitt með að komast út á vinnumarkaðinn og nefnir hún
konur með ung börn sem dæmi. Enn einn kosturinn er svo að
starfsmennirnir eru ánægðir með sveigjanleikann sem þessu fylgir.
Þar með dregur úr starfsmannaveltu og kostnaður við þjálfun
starfsfólks minnkar.

Íslendingar áhugasamir
Karyn Mashima þekkir vel til í tæknigeiranum, en hún hefur 20 ára
reynslu af leiðtogastörfum hjá fyrirtækjum á borð við Xerox, Hew-
lett-Packard, AT&T og Lucent Technologies.
Hún er núna framkvæmdastjóri Avaya, sem er alþjóðafyrir-
tæki sem veltir fimm milljörðum dollara á ári og er með yfir
milljón fyrirtæki í viðskiptum um allan heim. Hún sagðist hafa
verið mjög hrifin af áhuga þeirra ráðamanna íslensku fyrirtækj-
anna sem hún hitti meðan á heimsókn hennar hingað til lands
stóð.
„Það var ótrúlegt til dæmis að sjá hversu áhugasamir gestirnir
á ráðstefnunni voru. Þeir fylgdust með allan tímann og spurning-
arnar voru stöðugar í öllum hléum. Á svipuðum ráðstefnum annars
staðar í heiminum er mun erfiðara að halda áhuga gestanna, sem
nota hvert tækifæri til að laumast í burtu,“ segir Karyn.
„Íslensk fyrirtæki átta sig á möguleikunum sem felast í bættri
samskiptatækni og ætla greinilega að vera í fararbroddi á þessu
sviði.“
Bætt þjónusta mikilvæg
Karyn bendir á að í harðnandi samkeppni fyrirtækja á alþjóða-
markaði verði sífellt erfiðara að greina sig frá keppinautunum.
Bættari samskiptatækni og betri nýting starfsmanna með hennar
hjálp geti hins vegar verið verulega öflugt verkfæri til að bæta
þjónustuna.
„Það er einmitt sá hluti sem hvað erfiðast getur verið að fram-
kvæma rétt, en um leið er umbunin mikil ef vel tekst til. Ánægð-
ari viðskiptavinir leiða til meiri viðskipta til lengri tíma og því er
mikilvægt fyrir flest fyrirtæki að hafa þjónustuna sem besta.“
Karyn segir að bættari samskiptalausnir og meiri möguleiki
starfsmanna á að vera í sambandi jafnvel þótt þeir séu ekki
staddir á skrifstofunni þýði að auðveldara sé fyrir þá að þjóna
viðskiptavinum sínum. Jafnframt er auðveldara að áframsenda
viðskiptavini, sem hringja, til þess sem þekkir best svörin.
„Eftir því sem sjálfsafgreiðsla viðskiptavina í gegnum Netið
eykst verða spurningar þeirra, þegar þeir hafa samband við fyrir-
tækið í gegnum síma flóknari, en við höfum áður þurft að glíma
við. Þess vegna er verulega mikilvægt að geta vísað viðskiptavinum
áfram á þá sem geta svarað spurningum þeirra. Nútíma samskipta-
tækni nýtt á réttan hátt getur einfaldað þetta ferli umtalsvert,“ segir
Karyn.
Þrátt fyrir að þetta hljómi flókið segir Karyn að nýjasta sam-
skiptatæknin henti ekki einungis stærstu og flóknustu fyrirtækj-
unum. „Við höfum þjónað allt frá fimm manna fyrirtækjum sem
hafa getað nýtt sér okkar lausnir, þannig að stærð skiptir litlu máli
í þessu samhengi,“ segir Karyn Mashima að lokum.
Karyn Mashima, framkvæmdastjóri Avaya.