Frjáls verslun - 01.03.2006, Side 107

F R J Á L S V E R S L U N • 3 . T B L . 2 0 0 6 107
þannig að henti þessari fjölskyldugerð. „Við verðum einnig
varir við umræðu af öðrum toga. Fólk er farið að byggja sér
heilsársbústaði. Það er önnur og erfiðari umræða, og reyndar
allt annað mál, ef föst búseta fer að verða í hverfum sem skipu-
lögð hafa verið sem frístundabyggð, t.d. hvað varðar þjónustu
og almenningssamgöngur sem og margt annað.“
Ýmislegt lokkar
Sveitarfélögin hafa sum hver gert sérstakt átak í því að fá til
sín nýtt fólk. Að sögn Gunnlaugs auglýsti Vatnsleysustrand-
arhreppur einfaldlega til að láta vita af sér og íbúum hefur
fjölgað þar verulega. Í Sandgerði var svo farin önnur leið. Þar
var mönnum meðal annars markvisst bent á möguleika sveit-
arfélagsins umfram þéttbýlið með tilliti til útgerðar. Til dæmis
var skrifað til eigenda trillubáta með skráðan kvóta og því lýst
hversu hentugt samfélag Sandgerði væri fyrir atvinnurekstur
af þeim toga.
„Samkvæmt kenningum fræðimanna um íbúaþróun er það
oft svo að þegar fasteignaverð í bogum er komið yfir ákveðin
mörk þá verður þróunin sú að íbúum fjölgar í nærsveitunum
þar sem íbúðar- og lóðaverð er lægra. Menn vega og meta
kosti þess og galla að búa í bæ en vinna í borg og ferðast á
milli. Kostirnir eru rólegt umhverfi, ódýrara húsnæði og það
að öll þjónusta er nær en í borginni. Á hinn bóginn er kostn-
aðurinn við að komast í vinnuna hærri. Niðurstaða úr þessu
reikningsdæmi er farin að verða nærsveitunum hagstæðari en
var fyrir nokkrum árum,“ segir Gunnlaugur.
Bættar samgöngur Að lokum má heldur ekki gleyma því
sem hefur ef til vill orðið til þess að ýta undir þessa þróun
en það eru bættar samgöngur. Þar má meðal annars nefna
tvöföldun Reykjanesbrautar, Hvalfjarðargöngin og bættar
samgöngur til Akraness en þangað gengur nú strætisvagn frá
höfuðborginni. Umræða er einnig hafin um að taka upp stræt-
isvagnasamgöngur austur til Árborgar og á Suðurnes frá höf-
uðborginni. Loks má nefna vegabætur á Hellisheiði. Allt þetta
hefur jákvæð áhrif bæði hvað varðar öryggi og tíma þeirra
sem ákveða að ferðast á milli bæjar og borgar á hverjum degi.
„Vitaskuld kjósa margir að búa áfram í borgarsamfélaginu en
aðrir sjá kostinn við að búa aðeins fjær vegna fjölskyldusam-
setningar, efnahags eða af einhverjum öðru ástæðum,“ segir
Gunnlaugur Júlíusson að lokum.
Gunnlaugur Júlíusson er sviðsstjóri hag- og upplýsingasviðs Sambands
íslenskra sveitarfélaga.
Þjónustan við börnin og íþróttafólk er
góð í bæjunum í nágrenni borgarinnar.