Tímarit Máls og menningar - 01.11.1945, Blaðsíða 15

GEGN AFSALI LANDSRÉTTINDA OG EYÐINGU ÞJÓÐARINNAR 141
keppnisfærir til verzlunar og siglinga eftir að ríki efldust í Evrópu.
Gamli sáttmáli felur í sér skuldbindingu frá Hákoni V. um að sigla
landið upp.
Afhending Islands til hernaðarþarfa stórveldis, einsog Banda-
ríkjanna, þýðir að ísland hlýtur að verða vígvöllur í næsta stríði
þessa stórveldis, livenær sein það verður og gegn hverjum sem það
kynni að verða háð. Utanríkisráðherra Bandaríkjanna, Byrnes,
hefur lýst yfir því hátíðlega fyrir fám dögum, að það rnuni að
minnsta kosti ekki verða Ráðstjórnarríkin, kveður Bandaríkin ekki
munu'taka þátt í neinni ríkjasamsteypu (blökk) sem sé beint gegn
hagsmunum þess lands eða leitt geti til ófriðar við það. Þegar slík-
ur maður talar, þá er það enginn fleiprandi Hitler, heldur ábyrgð-
arfullur og baldinorður „Engilsaxi“. Enda vitum við íslendingar
fullvel, að nær mundi höggvið öðru stórveldi en Ráðstjórnar-
ríkjanna ef ísland væri gert Bandaríkjavirki. En gegn hverjum sem
skeytum Bandaríkjahers kynni að verða beint frá íslandi, þá er
víst, að það verður mjög sterkur aðili, sá einn aðili sem Bandaríkin
telja sig hafa ástæðu lil að óttast, sá aðili sem hvorki þeir né vér
höfum neina tryggingu fyrir að verði unninn.
Afhending á höfnum og flugvöllum hér við Faxaflóa til Banda-
ríkjahers, þar á meðal Fossvogs við Reykjavík (flugbátahöfn), mundi
tákna það, að höfuðborg vor yrði eitt af fyrstu kjarnsprengjuskot-
mörkum í næsta stríði. Hernaðarsérfræðingar segja að næsta stríð
muni hefjast öllum að óvörum, sá telji sér sigurvon, sem verður
fyrri til að atómiséra hinn. Ef Reykjavík (Fossvogur og grennd)
verður hernaðarbækistöð, munum vér íbúar þessarar borgar ekki
frétta um næsta stríð. Við munum verða orðnir að dufti fyrir fyrstu
kjarnsprengjunni áður en við fréttum um stríð. Ekki skorkvikindi,
aukin heldur meir, mun lifa í Reykjavík og grennd daginn eftir
upphaf næsta stríðs ef hér verður amerísk hernaðarbækistöð. Slikt
morð hvers einasta mannsbarns í Reykjavík, hvers lifandi kvikindis,
kjósa þeir menn íslandi, sem vilja ljá einum aðilja landið til vænl-
anlegs heimsstríðs gegn öðrum. Afhending íslands til hernaðar-
reksturs eins aðilja gegn öðrum í fyrirhuguðu stríði táknar útþurrk-
un mikils hluta íslenzku þjóðarinnar.
Lausn kjarnorkunnar hefur gerbreytt svo öllum raunveruleik