Tímarit Máls og menningar - 01.11.1945, Side 42

168
TÍMARIT MÁLS OG MENNINGAR
smáþjóð sem vorri réttinn til að lifa og þroskast frjáls og farsæl. Og
vér treystum því, á meðan ágengni og yfirdrottnun enn kunni að vera
til í veröldinni og ógna oss sem öðrum smáþjóðum, þá bresti oss
hvorki kjark né samheldni til að firra þjóðfrelsi vort grandi, —• og
hvað sem á dynur, þá skulum vér varðveita frelsisástina eigi síður
en forfeður vorir gerðu, — þeir, sem lögðu hornsteina þess lýðveldis,
sem vér reistum í gær.
Gamla lýðveldið okkar var skapað af höfðingjunum, — og voldug-
ustu höfðingjarnir tortímdu því.
Það eruð þið, fólkið sjálft, sem hafið skapað nýja lýðveldið okkar.
Frá fólkinu er það komið, — fólkinu á það að þjóna — og fólkið
verður að stjórna því, vakandi og virlct, ef hvorttveggja, lýðveldinu
og fólkinu, á að vegna vel.
Það er ósk mín í dag, að fólkið sjálft, fjöldinn, sem skapaði íslenzka
lýðveldið, svo samtaka og sterkur, megi aldrei sleppa af því hend-
inni, heldur taka með hverjum deginum sem líður fastar um stjórn-
völ þess. Þá er langlífi lýðveldisins og farsæld fólksins tryggð.