Tímarit Máls og menningar - 01.12.1958, Qupperneq 146

Mál og menning
FÉLAGS ÚTGÁFAN
Við þurfum ekki yfir því að kvarta að við lifum á stöðnunartímum, hinsvegar þykir okk-
ur nóg um hve allt er ótryggt og á fleygiferð. Það er ekki auðvelt að leggja fastan
grundvöll að neinu sem háð er efnahagssveiflum þjóðfélagsins, og þá hvað sízt bókaútgáfu.
Félög með föstu árgjaldi eru í rauninni ekki starfhæf lengur. Hækkun sem ákveðin er f
árshyrjun verður lítils virði í árslok. Árgjald Máls og menningar, 150 krónur, sem staðið
hefur síðustu tvö ár, er nú einnar bókar verð, og ekkert tímarit sem að gagni kemur er
lengur hægt að gefa út fyrir lægra áskriftargjald. Þarf ekki annað en nefna að þessi síð-
ustu tvö ár hefur bókapappír hækkað um 66% til að sjá í hverjar ógöngur bókafélag hlýtur
að komast með fast árgjald, nema það njóti þá hárra styrkja og starfi á óheilbrigðum
grundvelli. Fyrir árgjald sitt hefur Mál og menning gefið út dýrar bækur eins og Hand-
ritaspjall og æfisögu Þorsteins Erlingssonar og tímarit sem svarar árlega myndarlegri bók
og hlýtur þó einatt að verða miklu kostnaðarsamara. Þessu getur ekki haldið áfram, nema
auka skuldasöfnun. Það verður að gera eitt af tvennu, að minnka útgáfuna, sem innifalin
sé í árgjaldsverðinu, eða hækka verulega árgjaldið, og hvað kemur það lengi að gagni?
Er nokkur leið eftir önnur en ákveða söluverð hverrar bókar um leið og hún fer á markað-
inn?
BÓKAFLOKKURINN
Fyrir nokkrum ártim, þegar margir útgefendur drógu saman seglin, fór Mál og menning
í sókn og tók upp nýjan hátt á útgáfu sinni í því skyni að gera hana fjölbreyttari og gefa
félagsmönnum kost á frjálsu vali um allmargar bækur árlega á sem lægstu verði. Þá var
stofnaður Bókaflokkur Máls og menningar, og hafa önnur félög síðan tekið þá aðferð upp.
Þessi bókaflokkur hefur nú komið út sjö ár og verið alls gefnar út í honum 58 bækur, 34
eftir íslenzka höfunda og 24 þýddar, og er þar margt ágætra bóka og safnið í heild eigu-
legt. Af íslenzku bókunum eru 20 skáldrit, sögur og 1 jóð, en 14 fræðirit, flest sagnfræðilegs
efnis. Þýddu hækurnar skiptast í 16 skáldrit, sögur ljóð og leikrit, og 8 fræðirit, ferðasög-
ur og æviminningar, en eftir löndum skiptast þær þannig: 5 enskar, 2 franskar, 5 rússnesk-
ar, 2 þýzkar, 1 amerísk, 1 dönsk, 1 írsk, 1 sænsk, 2 kínverskar, 1 indversk og að auki 3
Ijóðasöfn með kvæðum víðsvegar að.
Útgáfa bókaflokksins hefur haft ýmsa kosti, hún hefur verið öruggari en útgáfa ein-
stakra bóka, tryggt sölu á allhærra upplagi, enda verðið lágt. Hinsvegar hefur hún líka
haft galla í för með, verðlagið verið allflókið, misjafnt eftir því hve margar bækur menn
völdu sér, og of margar hækur fylgzt að til þess menn gætu áttað sig á þeim. Er því efst
á baugi hjá stjóm félagsins að hætta útgáfu bókaflokksins og breyta enn til eða jafnvel
minnka útgáfu. Þeir sjö árgangar sem komnir em hafa verið skemmtilegur þáttur í útgáfu
félagsins. Við vitum að ýmsir munu sakna bókaflokkanna, en þá er að gleðjast yfir öðru
nýju sem kann að koma. Kr E 4
320