Tímarit Máls og menningar - 01.07.1977, Page 96

Tímarit Máls og menningar
á þeirra eigin stjórnlist. Kínverska tilraunin brýtur algerlega í bág við
þá hefð sem við hlutum í arf frá Oðru alþjóðasambandinu og sem Þriðja
alþjóðasambandið lagaði síðar að breyttum aðstæðum og endurbætti.
Þessi hefð gefur mjög takmarkaða mynd af hinni sósíalísku byltingu
og hún setur ekki á oddinn kröfuna um algera umsköpun framleiðslu-
háttanna og lífsmátans. Kommúnistaflokkarnir megna ekki lengur að
kljást við slík vandamál. Þeir standa fastir í allt öðrum viðhorfum til
vandamálanna — og þetta gildir einnig um deilur þeirra við Sovétríkin.
Sú þrætubók hreyfir ekki við þeim grundvallarvandamálum sem máli
skipta.
Þröstur Haraldsson snaraði.
Leiðrétting
I formálanum að köflunum um Svejk góðadáta í herbúðunum er missögn sem
vert er að leiðrétta nú þegar frekari rannsóknir hafa leitt sannleikann í ljós.
Þar er ranghermt að eina kosningaloforð Haseks í bæjarstjórnarkosningunum
1911 hafi verið um mótmæli gegn jarðskjálftunum í Mexíkó. Þeim jarðskjálftum
var raunar aldrei mótmælt — því miður — mest vegna þess að fulltrúi flokks-
ins náði ekki kjöri.
Sannleikurinn sem frekari rannsóknir nú hafa leitt í ljós er hinsvegar þessi:
Kjörorð og kosningaloforð flokksins í fyrrnefndum kosningum vori sem hér segir:
1. Enn vantar okkur 15 atkvæði.
2. Kjörseðlar fást á kosningaskrifstofu vorri.
3. Það sem ekki fæst frá Vínarborg fæst hjá okkur.
4. Syrgjum í dag fallinn frambjóðanda.
5. Ef þér kjósið frambjóðanda vorn lofum vér því að jarðskjálftunum
í Mexíkó skal verða mótmælt opinberlega.
6. Sá sem greiðir oss atkvæði sitt fær lítið vasafiskabúr.
Þetta er staðfest af dagblöðum í Prag 1911 sem geta þess að ofangreindur
kjörorða- og kosningaloforðalisti hafi hangið a. m. k. á einni bjórkrá (útí glugga)
á kosningadaginn. Þetta leiðréttist hérmeð.
Þorgeir Þorgeirsson.
206