Tímarit Máls og menningar - 01.07.1977, Page 114

Tímarit Máls og menningar
Þótt hvorugt þessara félaga geti verið fordæmi fyrir Máli og menningu er
þó rétt að gefa þeirra skipulagi gaum, ef það gæti orðið okkur til nokkurs
gagns.
Þessi pistill hefur þann tilgang að örva félagsmenn til að láta í sér heyra,
bæði um Mál og menningu sem slíkt og ekki síður um þau atriði sem rædd
eru hér að framan lítillega.
Slíkt samband gæti orðið upphaf nánari samskipta á milli framkvæmdaraðila
og félagsmanna.
Við minnum félagsmenn enn á ný á félagsgjöldin. Gíróseðlar hafa verið sendir
út til félagsmanna. Hvetjum við alla að greiða þá sem fyrst.
Þ.Ó.
Með síðasta hefti var tekin upp sú nýbreytni að Tímaritið var sent skorið til
félagsmanna. Fróðir menn segja okkur að hægt sé að binda heftið inn í sömu
stærð og áður þrátt fyrir þetta. Hinum vandlátu skal þó bent á að svolítiil hluti
upplagsins er óskorinn og eru þeir hinir sömu beðnir að láta ritstjórnina vita
ef þeir vilja framvegis fá óskorin eintök send. Bókabúðin og forlagið eru fús
að skipta á skornum og óskornum eintökum. Við biðjum einnig forláts á því
að nokkrar textasíður voru síðast teknar undir auglýsingar af vangá og heitum
því að slíkt mun ekki koma fyrir framar. Að endingu er rétt að minna félags-
menn á að tilkynna þegar í stað breytt heimilisföng.
Þ.H.
224