Tímarit Máls og menningar - 01.06.1979, Blaðsíða 48

Tímarit Máls og menningar
Þá verður Oli bara að vera eins og hann er gerður af guðs náð, segir
Oli pabbi.
/ / / /
Eg leiði Ola út. Oli pabbi og Ola mamma eru bæði sest í róluna og
farin að róla. Það er óhollt fyrir Ola að sjá þau róla bæði. Óli má ekki sjá
hvað þau verða ringluð í kollinum. En hann sér köttinn í stiganum. Kött-
urinn er að vappa eftir handriðinu. Honum finnst vera meira gaman að
vappa þar en hanga uppi í ljósakrónu. Og Óli sýnir kettinum bíl. En
kötturinn horfir ekki á bíla.
Það hefur rignt úti. Þar eru margir pollar. Óli vill ekki vera úti. Hann
er hræddur við polla. Óli grenjar í golunni. Eg veð út í poll og segi:
Öli, komdu að sulla.
En Óli stendur kyrr. Hann heldur eflaust að hann drukkni í pollinum.
Óli heldur kannski að vatnið muni gleypa hann. Eg lyfti Óla og ætla með
hann út í poll. Óli gargar og sparkar. Þá læt ég hann aftur niður. Síðan
sýni ég Óla stein.
Sjáðu, segi ég við Óla. Þetta er steinn.
Þetta er bíll, segir Óli.
Bíllinn þinn er steinn, segi ég. Horfðu nú á. Nú fer bíllinn sem er
steinn af stað. Bílnum finnst gaman að vera í pollum.
Eg hendi steininum. Hann skoppar að pollinum. Steinninn er lítill og
pollurinn gleypir hann.
Týndur, segi ég.
Óli hlær. Þá tek ég annan stein. Eg læt hann skjótast í pollinn. Óli
hlær. Eg læt Ola kasta steini. Nú verðum við Oli báðir bílar og steinar
í senn og brunum í pollinn. Og Óli gleymir að vera hræddur.
Steinn fór í poll, segi ég. Og pollurinn gleyti steininn. ÓIi fór í poll.
En pollurinn gleypti ekki. Óla. Vegna þess að Óli er ekki bíll. Óli er ekki
steinn. ÓIi er stór. Hann er stærri en pollur. Og Óli er enginn pollur.
Óli er bíll segir Óli.
ÓIi er úti í polli, segi ég. Hann er ekkert hræddur. Óli er ekki bíll.
Þegar ég kem inn, þá segi ég við mömmu:
Óli á það mörg leikföng að hann er hræddur við allt nema leikföng.
Ef heimurinn væri leikfang, þá hætti Óli kannski að vera hræddur.
Mamma horfir á mig. Hún er rugluð eftir að hún hefur rólað of mikið.
Hún þarf að fá sopa af meðalinu sínu. Svo segir hún:
Eg kaupi bara þroskaleikföng. En kannski eru þroskaleikföng bara ekki
nein þroskaleikföng. Óli þroskast ekkert.
174