Tímarit Máls og menningar - 01.06.1979, Side 63

Norniti í Múfftargötu
Einn góðan veðurdag er hún að lesa í Nornamogga og rekst þar á þessa
tilkynningu:
KÆRA FRÚ!
Ef þér eruð gömul og ljót
getið þér orðið ung og fögur!
Og það með því:
Að borða litla stelpu með tómatsósu!
Og þar neðanundir stóð með smáletri:
En gætið vel að!
Nafn þessarar litlu stelpu verður endilega að byrja
á stafnum N!
Og einmitt í þessu sama hverfi var lítil stelpa sem hét Nadja. Þetta var
eldri stelpan hans Papa Saíd (sem þið máske þekkið) en hann á nýlendu-
vörubúðina í Brokkagötu.
— Ég þyrfti að éta Nödju, sagði nornin við sjálfa sig.
Einn daginn þegar Nadja var að fara út í bakarí kom gömul kelling
og stoppaði hana:
— Góðan daginn, Nadja litla!
— Góðan daginn!
— Vilm gera dálítið fyrir mig?
— Hvað?
— Að fara fyrir mig og sækja flösku af tómatsósu hjá honum pabba
þínum. Þá þarf ég ekki að fara sjálf, ég verð svo þreytt!
Nadja var hjartagóð og gerði þetta undireins. En hún var ekki fyrr
horfin en nornin —- því þetta var hún — fór að hlæja og núa saman
höndunum:
— Æ, vonskan í mér! sagði hún. Nadja litla ætlar sjálf að sækja handa
mér sósuna til að éta með henni.
189