Tímarit Máls og menningar - 01.04.1984, Qupperneq 4

Ádrepur
Hluta af þessu hefti er ætlað að kynna færeyskar nútímabókmenntir. Turið
Joensen bókmenntafræðingur skrifar grein um þá rithöfunda sem athygli
hafa vakið á undanförnum árum í Færeyjum fyrir sögur, barnabækur og
ljóð, og hún valdi einnig sýnishornin sem hér birtast.
Sögukaflinn færeyski er hér í íslenskri þýðingu Þorvalds Kristinssonar
bókmenntafræðings, en í samráði við Turið var ákveðið að þýða ekki ljóðin,
leyfa lesendum að spreyta sig á þeim á frummálinu. Skýringar eru neðan-
máls á erfiðustu orðunum.
Listaverkin fallegu sem skreyta grein Turiðar eru birt með leyfi útgefanda
bókarinnar Föroysk list, Emil Thomsen. Kunnum við honum og öllum
löndum hans sem leyfðu birtingu listaverka sinna í mynd og máli allra bestu
þakkir.
S.A.
Þorgeir Þorgeirsson
Viska sem erfitt reynist að sætta sig við
Fyrirsögnin hérna ofanvið er tilvitnun í greinarkorn eftir Mílan Kúndera
sem Pétur Gunnarsson rithöfundur þýðir í seinasta hefti TMM. Aftanvið
þýðinguna birtir Pétur svo klausu um höfundinn og fleira. Þar stendur
þetta: Kúndera er höfundur sem vert væri að kynna hérlendis, allar skáld-
sögur hans bíða íslensks búnings og má það undarlegt heita þareð einn af
okkar hæfustu þýðendum er mentaður í Tékkóslóvakíu.
Þessi klausa mun vera sett þarna til að ögra Hallfreði Erni Eiríkssyni, en
hann nam húmanísk fræði í Tékkó á sinni tíð. Nema átt sé við Jón Gunnars-
son málfræðing. Báðir eru þessir menn náttúrlega fullfærir að svara fyrir sig
og sína vanrækslu á menningarinnar akri. Ef einhver væri.
122