Tímarit Máls og menningar - 01.11.1986, Page 97

Bragi Ólafsson
hri •• 1 • ✓ X
Ivo Ijoo
LEIKFANGABÚÐ
Eg sé tvær stelpur dansa við búðargluggann.
A sunnudögum er búðin lokuð og eigandinn
liggur hálfur út úr rúminu.
Einkennileg hljóð rísa og hníga úr barka hans,
annars er hljóð í götunni.
Stelpurnar tala ekki, geta ekki talað,
eru mállausar og önnur þeirra
setur fram hægri fótinn til að sýna hinni
hvernig dansað var fyrir mörgum árum,
við þessa sömu tónlist
sem heyrist ekki fyrir snarkinu
í barka búðareigandans sem hnígur og rís
og skellur í gólfið af miklum þunga.
Og skyndilega
hættir hin stelpan að dansa.
Hún bendir með augunum að glugganum
á litla köflótta harmonikkuleikarann,
sem allt í einu hefur fengið líf
einsog hljóðfærið og færist í átt að rúðunni.
Hann stígur nokkur klunnaleg skref og spilar
þar til glugginn verður sjáanlegur aftur,
fellir hann blindan og reisir við þögnina
á viðargólfi eigandans og í botnlausri götunni.
495