Morgunblaðið - 23.12.2014, Blaðsíða 15

FRÉTTIR 15Innlent
MORGUNBLAÐIÐ ÞRIÐJUDAGUR 23. DESEMBER 2014
NÝ SKARTGRIPALÍNA
PURE aurum
Bankastræti 4 I sími: 551 2770
Pure aurum, ný glæsileg skartgripalína,
úr 18 karata gulli, hvítagulli og demöntum.
Frí heimsending af www.aurum.is
Ingvar Smári Birgisson
isb@mbl.is
Aukin hætta er á slysum í kringum
hátíðirnar þegar fólk er á þönum
um allan bæ að kaupa jólagjafir í
snjófærðinni. Klaki þekur inngang
fjölmargra verslana í Reykjavík og í
mörgum tilvikum er ekkert gert til
að tryggja öryggi viðskiptavina.
Tómas Hrafn Sveinsson, hæstarétt-
arlögmaður og aðjúnkt í skaðabóta-
rétti, segir að verslunareigendur
geti þurft að greiða skaðabætur
vegna slysa í hálku fyrir utan versl-
anir þeirra.
Skylda að gæta aðbúnaðar
„Verslunareigendur sem auglýsa
þjónustu sína og óska eftir að fólk
komi til sín bera skyldu til að hafa
aðbúnað og gæta að hálkuvörnum
svo að fólk detti ekki fyrir utan hjá
þeim. Þannig gætu þeir orðið bóta-
ábyrgir og margir dómar eru til þar
sem bótaábyrgð verslunareiganda
er viðurkennd. Ef verslunareigandi
vissi af klakanum og hann er á hans
umráðasvæði, t.d. beint fyrir utan
búðina, þá getur hann borið ábyrgð
á tjóni sem af því hlýst,“ segir Tóm-
as Hrafn.
Blómaval bar ábyrgð á tjóni
Blómaval í Sigtúni var dæmt
skaðabótaskylt árið 1996 vegna þess
að viðskiptavinur slasaðist er hann
hrasaði á hálku fyrir utan verslun-
ina með þeim afleiðingum að hann
ökklabrotnaði og hlaut varanlega
örorku. Fékk þá viðskiptavinurinn
skaðabætur dæmdar með vísan til
þess að hálkan hefði verið byrjuð að
myndast allnokkru áður en slysið
varð og að sérstök skylda hefði hvílt
á Blómavali að sandbera stéttina
eða bera á hana íseyðandi efni, enda
var það hvorki tímafrekt né kostn-
aðarsamt fyrir verslunina.
Andrés Magnússon, fram-
kvæmdastjóri Samtaka verslunar
og þjónustu, segir erfitt fyrir versl-
unareigendur að uppfylla skyldur
um góðan aðbúnað.
„Ég óttast að verslunareigendur
geri sér ekki allir grein fyrir þeirri
ábyrgð sem þeir bera í þessum efn-
um. Á hinn bóginn er mjög erfitt að
tryggja öryggi viðskiptavina í þess-
ari veðráttu sem sveiflast til og frá,
frá degi til dags, þar sem annan
daginn er glerhálka og hinn daginn
er snjókoma, þannig að það er
ekki auðvelt fyrir verslunareig-
endur að uppfylla fullar skyldur
sínar hvern einasta dag,“ segir
Andrés.
Hált var á götum borgarinnar í
gær. Samkvæmt upplýsingum frá
slysadeild Landspítalans í Foss-
vogi í gærkvöldi höfðu komið þar
inn nokkur fórnarlömb hálkuslysa
en ekkert þeirra var sagt af alvar-
legum toga.
Hálkan er á ábyrgð
verslunareigenda
 Verslunareigendur geta borið ábyrgð á slysum vegna
hálku fyrir utan verslanir sínar  Nokkur hálkuslys í gær
Morgunblaðið/Golli
Svellbunkar Margir dómar hafa fallið þar sem verslunareigendur eru látn-
ir bera ábyrgð á tjóni sem hlýst af hálku fyrir utan verslanir þeirra.
Íslenski tíu þúsund króna seðillinn
hefur verið tilnefndur sem besti nýi
seðillinn í alþjóðlegri samkeppni
sem fram fer á næsta ári. Þar keppa
ýmsar myntir og seðlar í nokkrum
flokkum. Keppnin er á vegum IACA
og var það breska seðlaframleiðslu-
fyrirtækið DeLaRue, sem prentar
seðilinn, sem tilnefndi íslenska tíu
þúsund króna seðilinn.
Gengur vel að koma í umferð
DeLaRue er eitt stærsta seðla-
prentunarfyrirtæki í heiminum og
prentar fyrirtækið seðla fyrir yfir
150 þjóðir.
„Við hér í Seðlabankanum erum
mjög ánægð með að þetta stóra fyr-
irtæki í framleiðslu á seðlum í heim-
inum skuli hafa ákveðið að tilnefna
tíu þúsund króna seðilinn okkar í
þessa keppni sem einstaklega vel
heppnað verk. Við erum einnig
ánægð með það hvernig til hefur
tekist að koma seðlinum í umferð,“
segir Már Guðmundsson seðla-
bankastjóri, en innleiðing á seðlinum
hefur gengið mjög vel. Er hlutdeild
tíu þúsund króna seðla um 30% af
verðmæti allra seðla í umferð utan
Seðlabankans. Eftir að seðillinn var
settur í umferð hefur hlutur fimm
þúsund króna seðla farið úr 86% í
um 60%. ash@mbl.is
„Tíuþúsundkallinn“
keppir til verðlauna
 Er 30% af verðmæti seðla í umferð
Morgunblaðið/Kristinn
Seðill Tíu þúsund króna seðillinn hefur verið tilnefndur til verðlauna.