Morgunblaðið - 23.12.2014, Blaðsíða 21

FRÉTTIR 21Innlent
MORGUNBLAÐIÐ ÞRIÐJUDAGUR 23. DESEMBER 2014
Ármúli 32, 108 Reykjavík
Sími 568 1888
www.parketoggolf.is
Andri Steinn Hilmarsson
ash@mbl.is
650 nýjar leiguíbúðir fyrir háskóla-
nema munu rísa á næstu fimm árum
en fulltrúar frá Reykjavíkurborg,
Háskóla Íslands og Félagsstofnun
stúdenta skrifuðu undir viljayfirlýs-
ingu þess efnis í gær. Nem-
endaíbúðirnar, eða öllu heldur leigu-
einingarnar, þar sem í sumum
tilfellum geta nokkrar leigueiningar
rúmast innan einnar nem-
endaíbúðar, eru fyrirhugaðar á
tveimur svæðum; 400 þeirra munu
rísa á háskólasvæðinu og 250 í
næsta nágrenni.
Nemendaíbúðirnar 650 koma til
viðbótar þeim hundrað sem eru að
fara í uppbyggingu við Brautarholt
og fjölgar því íbúðum fyrir nem-
endur um 750 á næstu árum.
Rebekka Sigurðardóttir, upplýs-
ingafulltrúi Félagsstofnunar stúd-
enta, segir viðmið stofnunarinnar
vera að útvega 15% nemenda hús-
næði. Byggja þarf 2.000 leiguein-
ingar til viðbótar til að viðmiðið ná-
ist en markmið stofnunarinnar er að
fjölga leigueiningum um eitt þúsund
á næstu árum. Í dag rekur Félags-
stofnun stúdenta um 1.100 leigu-
íbúðir og í þeim búa um 1. 800 ein-
staklingar. Þær nemendaíbúðir sem
byggðar verða á næstu árum eru
fyrst og fremst hugsaðar fyrir barn-
laust fólk og því gert ráð fyrir stúd-
íóíbúðum og paraíbúðum.
800 einstaklingar voru á biðlista
eftir nemendaíbúð síðastliðið haust.
Staðsetning liggur ekki fyrir
Efnt var til hugmyndasamkeppni
um skipulag háskólasvæðisins síð-
astliðið vor. Sex tillögur bárust og
tvær þeirra voru valdar en hvorug í
fyrsta sæti þar sem dómnefnd
fannst áherslum sínum ekki gerð
fullnægjandi skil. Því liggur ekki
fyrir hvar námsmannaíbúðirnar
munu rísa. Dagur B. Eggertsson
borgarstjóri segir hópana tvo, sem
stóðu að tillögunum tveimur, hafa
verið ráðna til að vinna að bestu
lausnum á svæðinu, með sérstaka
áherslu á að finna lóðir fyrir náms-
mannaíbúðir. Þá liggur ekki heldur
fyrir hvar íbúðirnar 250 verða í
borginni en Dagur segir þær verða í
bland við annað.
„Við sjáum á ákveðnum reitum í
miðborginni og á ákveðnum eftir-
sóttum svæðum að hætta er á að þar
verði bara hverfi fyrir ríkt fólk,“
segir Dagur og bætir við að þar vilji
borgin beita sér og úthluta íbúðum
til stúdenta og kanski þeirra sem
velja búseturétt og hafa minna á
milli handanna. „Þannig að þetta
verði ekki einsleit og leiðinleg hverfi
heldur fjölbreytt og skemmtileg,“
segir Dagur og bætir við að fjölgun
nemendaíbúða sé í takt við stefnu
borgaryfirvalda um uppbyggingu
heilbrigðs leigumarkaðar.
Ísak Rúnarsson, formaður Stúd-
entaráðs Háskóla Íslands, segir
viljayfirlýsinguna stórt skref og
vera mikilvægan þátt í því að efla
háskólasamfélagið á Íslandi.
Morgunblaðið/Árni Sæberg
Háskólasvæðið Reykjavíkurborg, Félagsstofnun stúdenta og Háskóli Ís-
lands undirrituðu í gær viljayfirlýsingu um uppbyggingu 650 íbúða.
750 nemendaíbúðir
rísa næstu fimm ár
Nemendaíbúðir
» Ekki liggur fyrir hvar íbúð-
irnar verða nákvæmlega en
400 þeirra verða á háskóla-
svæðinu og 250 í nágrenni við
það.
» 800 einstaklingar voru á
biðlista eftir námsmannaíbúð
síðastliðið haust.
» Félagsstofnun stúdenta
hyggst fjölga nemendaíbúðum
um eitt þúsund á næstu árum.
 250 íbúðir í bland við aðra byggð
Lágt hlutfall unga af veiddum rjúp-
um í haust bendir til lélegrar við-
komu hjá rjúpunni sumarið 2014.
Líklega ræður þar miklu hret sem
gerði um mánaðamót júní og júlí,
að mati Ólafs K. Nielsen, vistfræð-
ings og rjúpnasérfræðings hjá
Náttúrufræðistofnun Íslands.
Starfsmenn Náttúrufræðistofn-
unar hafa aldursgreint 1.980 rjúpur
sem veiddar voru í haust. Þeir gera
ráð fyrir að fá um 1.000 vængi til
aldursgreiningar til viðbótar úr
veiðinni 2014, að því er fram kemur
í pósti til rjúpnavina.
Ungahlutfall er að meðaltali 71%
en það sveiflast frá því að vera 62%
á Austurlandi, þar sem búið var að
greina 213 fugla, og upp í 75% á
Suðurlandi þar sem 138 fuglar
höfðu verið skoðaðir. Langflestar
rjúpur höfðu verið aldursgreindar
á Norðausturlandi eða 950 fuglar
og þar var ungahlutfallið 72%. Á
Vesturlandi var ungahlutfallið 71%,
á Vestfjörðum 68% og á Norðvest-
urlandi 71%.
Sem kunnugt er voru rjúpnaveið-
ar leyfðar samtals í tólf daga í
haust, eða þrjá daga um fjórar
helgar. Illa viðraði til veiða lengst
af veiðitímanum. gudni@mbl.is
Léleg viðkoma hjá rjúpunni í ár
Morgunblaðið/Árni Sæberg
Rjúpa Hret sem gerði í sumar dró
líklega úr viðkomu rjúpunnar.
Sorphirða Reykjavíkur verður að
störfum á aðfangadag til að bæta
upp þær tafir sem orðið hafa á
þjónustunni vegna færðar og veð-
urs síðustu daga. Kemur þetta fram
í tilkynningu frá Reykjavíkurborg.
Segir þar ennfremur að mikið
magn úrgangs yfir aðventuna, jól
og áramót geri hirðu erfiða. Til
stóð að losa tunnur í Breiðholti í
dag en vegna tafa verður fyrst
hreinsað í Laugarneshverfi. Óljóst
er hvort hægt verður að ljúka sorp-
hirðu í Breiðholti fyrir jól, en hirða
hefst aftur eftir jól laugardaginn
27. desember nk.
Íbúar eru hvattir til að setja allt
tilfallandi umframsorp sem ekki
rúmast í gráu tunnunum í sér-
merkta poka sem hægt er að kaupa
hjá stöðvum N1 í Reykjavík og hjá
þjónustuveri Reykjavíkurborgar.
Aðfangadagur jóla verður að þessu sinni
nýttur til þess að hirða sorp borgarbúa
Morgunblaðið/Golli
Ófærð Snjór og hálka hafa gert sorphirðu-
mönnum borgarinnar erfitt fyrir.