Morgunblaðið - 23.12.2014, Blaðsíða 26
26 FRÉTTIRErlent
MORGUNBLAÐIÐ ÞRIÐJUDAGUR 23. DESEMBER 2014
Konur í sveitum pakistönsku lögreglunnar æfa vopnaburð en þeim er ætl-
að að taka þátt í bardögum við talíbana, liðsmenn TTP, í héruðum við
landamæri Afganistans. Hrottaleg árás á skóla í borginni Peshawar fyrir
skömmu virðist hafa aukið eindrægni meðal stjórnmálaleiðtoga, nú hvetja
allir áhrifamiklir leiðtogar í Pakistan til þess að hryðjuverkamenn talíbana
verði brotnir á bak aftur en þeir hafa margir bækistöðvar á afskekktum
fjallasvæðum í Waziristan-héraði. Þjarmað er að talibönum og stuðnings-
sveitum þeirra úr annarri átt. Afganskir stjórnarhermenn hafa byrjað að-
gerðir í landamærahéruðum í austurhluta landsins sem oft eru eins konar
varastöðvar pakistanskra talíbana þegar þeir eiga í vök að verjast í heima-
landi sínu. Þegar hafa að sögn tugir talíbana fallið. En segja má að landa-
mærin séu engin hindrun fyrir hryðjuverkasveitirnar, þær fara sínu fram.
AFP
Þjarmað að vígamönnum beggja vegna landamæranna
Konurnar taka þátt í að ráða niðurlögum talíbana
Íslamska ríkið,
IS, í Írak og Sýr-
landi segist hafa
komið upp um
samsæri ofstæk-
ismanna sem
vildu steypa leið-
toganum, Abu
Bakr-al-Baghd-
adi. Þeir hefðu
sakað hann um
að taka við fé frá
„villutrúarmönnum“. Fjórir hefðu
verið handteknir, þeir hefðu grafið
undan IS á svæðum sem samtökin
stjórna. Financial Times segir að
um hundrað erlendir liðsmenn IS
hafi verið líflátnir eftir að hafa
reynt að flýja frá höfuðstöðvunum í
borginni Raqqa í norðanverðu Sýr-
landi. kjon@mbl.is
Stöðvuðu samsæri
gegn leiðtoganum
Abu Bakr al-
Baghdadi
ÍSLAMSKA RÍKIÐ
Leynilegar viðræður hafa farið
fram milli stjórnar Alþjóðaknatt-
spyrnusambandsins, FIFA, og for-
seta sambandsins, Sepps Blatters,
að sögn BBC. Ekki er ljóst hvert til-
efnið er en hinn umdeildi Blatter
hefur sagt að hann ætli að bjóða sig
enn á ný fram til forseta í maí næst-
komandi.
Nýlega sagði bandarískur lög-
maður, Michael Garcia, sem starf-
aði fyrir siðanefnd FIFA, upp eftir
að hafa kannað meint spillingarmál
vegna væntanlegs mótahalds í
Rússlandi og Katar. kjon@mbl.is
Stjórn FIFA á leyni-
viðræður við Blatter
KNATTSPYRNA
Karl Blöndal
kbl@mbl.is
Morðin á tveimur lögregluþjónum í
New York fyrir helgina hafa opnað
gjá á milli Bill de Blasio borgar-
stjóra og lögreglunnar í borginni og
var sambandið ekki gott fyrir.
De Blasio hefur heitið því að gera
gagngerar breytingar á löggæslu í
New York og í kosningabaráttunni í
fyrra gerði hann mikið úr því að í tíð
forvera síns, Michaels Bloombergs,
hefði lögreglan gengið of langt.
Þegar de Blasio kom ásamt Willi-
am J. Bratton lögreglustjóra í
sjúkrahús í borginni til að ávarpa al-
menning vegna morðanna sneru lög-
regluþjónar á staðnum baki í þá.
Patrick Lynch, forseti fjölmenn-
asta stéttarfélags lögreglumanna í
New York, kenndi de Blasio um
morðin. Hann sagði að blóð lög-
reglumannanna væri á „tröppum
ráðhússins“, „í skrifstofu borg-
arstjórans“. George Pataki, fyrrver-
andi ríkisstjóri í New York, tók und-
ir gagnrýnina á borgarstjórann.
Skotnir um hábjartan dag
Lögreglumennirnir Wenjian Liu
og Rafael Ramos voru skotnir í höf-
uðið í gegnum rúðuna á lögreglubíl
þeirra um hábjartan dag í Brooklyn.
Morðinu hefur verið líkt við launsát-
ur. Maðurinn, sem skaut þá, Ismaa-
iyl Brinsley, flúði í lestarstöð, þar
skaut hann sig í höfuðið og dó.
Lögreglan í New York hefur sak-
að de Blasio um að vera of hliðhollur
þeim, sem hafa undanfarnar vikur
mótmælt ofbeldi lögreglunnar gegn
blökkumönnum, og gagnrýnt hann
fyrir að sýna lögreglunni ekki næg-
an stuðning. Mótmælin hafa að
mestu verið friðsamleg, en í þeim
hefur mikil reiði beinst að lögregl-
unni. Fyrir morðin á laugardag
höfðu stéttarfélagsleiðtogar látið
bréf ganga þar sem lögreglumenn
gátu farið fram á að borgarstjórinn
yrði ekki viðstaddur útför þeirra
skyldu þeir láta lífið við skyldustörf.
Bratton lögreglustjóri hefur varið
de Blasio, hann hafi ekki talað gegn
lögreglunni heldur aðferðum henn-
ar, í kosningabaráttunni. Bratton
sagði í gær að morðin væru „afleidd“
af mótmælunum. Skömmu síðar
skoraði de Blasio á mótmælendur að
láta af aðgerðum sínum.
De Blasio hefur brugðist við gagn-
rýninni með því að segja að nóg sé
komið af „óábyrgum, æstum mál-
flutningi, sem reitir fólk til reiði og
sundrar því“.
Gjá milli borgarstjóra og lögreglu
Morð á tveimur lögreglumönnum í New York rakin til mótmæla Lögregla sakar de Blasio borg-
arstjóra um skort á stuðningi Borgarstjórinn biður mótmælendur í borginni að láta af aðgerðum
AFP
Vinir? Bratton lögreglustjóri með
de Blasio borgarstjóra að baki sér.
Fylgist með
» Ismaaiyl Brinsley talaði við
nærstatt fólk rétt áður en hann
skaut lögreglumennina tvo til
bana og sagði „fylgist með því
sem ég ætla að gera“.
» Brinsley hafði lýst andúð
sinni á lögreglunni á netinu og
nefnt tvo menn, Michael Brown
og Eric Garner, sem lögreglan
varð að bana.
» Fjölskyldur þeirra hvöttu al-
menning til að grípa ekki til of-
beldis gegn lögreglu: „Við
þurfum að vinna saman að því
að koma á friði.“