Morgunblaðið - 23.12.2014, Blaðsíða 60

ÞRIÐJUDAGUR 23. DESEMBER 357. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Fær hvergi vinnu vegna útlitsins
2. Íslendingur vann EuroJackpot
3. Hestarnir allir komnir á þurrt
4. Biðst afsökunar á Færeyjaflandri
»MEST LESIÐ Á mbl.is
FÓLK Í FRÉTTUM
 Fjölskylduleikritið Sitji guðs englar
eftir Guðrúnu Helgadóttur verður
flutt í Útvarpsleikhúsinu á Rás 1 í sex
þáttum á sex dögum, frá aðfangadegi
til og með 29. desember. Þættirnir
byrja kl. 15 alla daga og er upptakan
frá árinu 1999. Í leikritinu segir af
stórmerkilegri fjölskyldu í Firðinum
en þó mest hinni alvörugefnu Heiðu,
eins og segir í tilkynningu frá Út-
varpsleikhúsinu. „Úti í heimi geisar
stríð, amerískir hermenn þramma um
bæinn og mannlífið tekur öðrum
breytingum. Í heimi barnanna eiga
sér líka stað miklar sviptingar, gáska-
full gleðin ræður ríkjum en sorgin
nær að varpa skugga sínum á leik
þeirra,“ segir um leikritið og að það
sé í senn bráðfyndið, spennandi og
þroskandi. Leikgerðin er eftir Illuga
Jökulsson, leikstjóri er Hallmar Sig-
urðsson, tónlist er eftir Stefán S.
Stefánsson og um hljóðvinnslu sá
Grétar Ævarsson. Fjöldi leikara tekur
þátt í flutningnum og þá bæði full-
orðnir og börn. Í aðalhlutverkum eru
Rúrik Haraldsson, Þóra Friðriksdóttir,
Edda Heiðrún Backman, Valdimar
Örn Flygenring og Brynhildur Guð-
jónsdóttir.
Sitji guðs englar í
Útvarpsleikhúsinu
 Kvartett saxó-
fón- og klarinett-
leikarans Hauks
Gröndal leikur á
djasskvöldi Kex
hostels í kvöld kl.
20.30. Auk Hauks
eru í kvartettinum
Ásgeir J. Ásgeirs-
son sem leikur á
gítar, Þorgrímur Jónsson á kontra-
bassa og Erik Qvick á trommur. Þeir
munu m.a. flytja fjölbreyttan jóla-
djass.
Þorláksmessudjass
Á miðvikudag (aðfangadagur jóla) Hæg norðaustlæg eða
breytileg átt. Dálítil él á víð og dreif, einkum fyrir norðan og aust-
an. Frost 2 til 16 stig,kaldast inn til landsins.
SPÁ KL. 12.00 Í DAG Norðaustan 8-13 m/s og él en léttskýjað á
Suður- og Vesturlandi. Frost víða 0 til 5 stig en sums staðar frost-
laust við sjávarsíðuna.
VEÐUR
Tíu efstu í kjöri Samtaka
íþróttafréttamanna eru birt-
ir í dag en niðurstaða kosn-
ingarinnar verður opinberuð
laugardagskvöldið 3. janúar.
Sundfólk á þrjá fulltrúa í
hópnum, handboltinn tvo,
knattspyrnan tvo og frjáls-
íþróttir, fimleikar og körfu-
knattleikur einn fulltrúa
hver grein. Jón Arnór
Stefánsson er meðal
tíu efstu í níunda
skipti. » 2-3
Íþróttamaður
ársins – tíu efstu
Aron Rafn Eðvarðsson, landsliðs-
markvörður í handknattleik, segir að
umfjöllun sænskra fjölmiðla um veik-
indi hans hafi verið stormur í vatns-
glasi. Lá í flensu í þrjá daga og lokaði
síðan marki Guif í sigurleik
gegn Sävehof. Segir að
Svíarnir séu vonsviknir yfir
því að hafa fengið Ís-
land á HM í Katar og
þar með í sinn
riðil. » 3
Fregnir af veikindum
stormur í vatnsglasi
Allt er á öðrum endanum í Noregi
vegna sigurs kvennalandsliðsins sem
virðist hafa komið þjóðinni í opna
skjöldu. Liðið fékk konunglegar mót-
tökur á Gardermoen-flugvelli við
heimkomuna í gær. Þórir Hergeirsson
landsliðsþjálfari er lofaður í hástert
fyrir framgöngu landsliðsins. „Bjóðið
Þóri lífstíðarsamning,“ sagði Frode
Scheie, sérfræðingur TV2. »1
Vilja að Þóri verði boð-
inn lífstíðarsamningur
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Karl Jónasson er örugglega einn fárra
manna á tíræðisaldri sem aka reglu-
lega um göturnar á höfuðborgarsvæð-
inu. Eins er næsta víst að fáir á hans
aldri bruni um á átta gata Audi, 335
hestafla. „Ég hef alltaf átt góða bíla en
er samt ekki með bíladellu,“ segir
hann og bætir við að kominn sé tími til
að endurnýja kaggann því hann sé að
verða níu ára. „Ég fékk hann nýjan og
þetta er ágætis bíll.“
Hjónin Karl og Guðný Aradóttir
eru bæði 95 ára, hún síðan í apríl en
afmælisdagur hans er í dag, á Þor-
láksmessu. Þau eru hress, hann eldar
gjarnan hafragraut fyrir þau á
morgnana og tvisvar í viku ekur hann
úr Grafarvoginum í Sjúkraþjálfun
Garðabæjar, þar sem hann stundar
líkamsrækt. „Ég er hvorki í veiði né
golfi og þetta er því nær eina mark-
vissa hreyfingin,“ segir hann. „Þetta
er svona dútl á tækjum, göngubretti
og svoleiðis, og svo fæ ég nudd tvisv-
ar til þrisvar í mánuði.“
13 ára í prentsmiðju
Karl bjó með foreldrum sínum og
tveimur systrum í Reykjavík en flutti
ungur til móðursystur sinnar í
Hornafirði og bjó hjá henni og manni
hennar til tíu ára aldurs. „Þau voru
ung og barnlaus, komu til Reykjavík-
ur og vildu fá þennan strák. Þaðan á
ég mjög góðar minningar,“ segir
hann. Karl byrjaði síðan að vinna í
Félagsprentsmiðjunni 13 ára og hóf
að læra þar prentverk 15 ára. Eftir að
hann var orðinn útlærður prentari fór
hann til Akureyrar og varð stúdent
frá Menntaskólanum á Akureyri
1944. Hann stofnaði fyrirtækið Vöru-
merkingu 1962 og vann þar þangað til
fyrirtækið sameinaðist öðru fyrirtæki
og nýir eigendur tóku við fyrir um
tveimur árum. Áður átti hann og rak
Prentsmiðju Björns Jónssonar á Ak-
ureyri, sem var þá elsta starfandi
prentsmiðja landsins, stofnuð 1852, í
15 ár. „Þegar ég var fertugur vildi ég
breyta til, seldi prentsmiðjuna og við
fluttum aftur suður,“ segir hann.
Þegar tíðin er rysjótt eins og að
undanförnu segist Karl halda sig að
mestu heima við. Nú er bíllinn enda á
kafi í snjó og auk þess flughálka í
skorningunum á bílastæðinu við
blokkina. „Ég dunda mér við að lesa
og fylgist með fréttum í tölvunni,“
segir hann. Segist hafa gaman af
gömlum fróðleik, ævisögum og ýmsu
öðru. „En ég er ekki mikill tölvumað-
ur, hangi ekki yfir henni og er hvorki
með netfang né á fésbókinni.“
Fjölskyldan kemur saman í dag í
tilefni 95 ára afmælis Karls. „Það
verða samt engin sérstök veisluhöld,
ekki að þessu sinni,“ segir hann. Rifj-
ar upp að í æsku hafi eiginlega aldrei
verið haldið upp á afmælið. „Þegar ég
ólst upp unnu allir baki brotnu fram
að jólum, fram á eftirmiðdag á að-
fangadag, og ekki tími fyrir veislu.“
„Ég hef alltaf átt góða bíla“
 Karl Jónasson er 95 ára í dag og ekur um á átta gata tryllitæki  Segir að
tími sé kominn til þess að fá sér nýjan bíl  Fjölskyldan kemur saman í dag
Morgunblaðið/Ómar
Afmæli Hjónin Karl og Guðný Aradóttir eru bæði 95 ára og eiga von á fjölskyldunni í heimsókn í dag í tilefni afmælis hans.