Morgunblaðið - 23.12.2014, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 23. DESEMBER 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Starfsmenn Flugfélags Íslands voru í gær í óða-
önn að koma jólapökkum, -pósti og matvöru um
borð í eina af vélum félagsins sem svo flutti varn-
inginn til Kulusuk á Grænlandi, en um er að
ræða sendingu frá ástvinum sem búsettir eru í
Danmörku. Vigfús Vigfússon, deildarstjóri hjá
Flugfélagi Íslands, segir stóran hluta sending-
arinnar halda svo áfram með þyrlu til Tasiilaq,
höfuðstaðar Austur-Grænlands. „Við erum alltaf
að keppast við að koma þessu á leiðarenda. Það
er því ánægjulegt þegar vel gengur og síðasta
vél fer á tíma án þess að eitthvað verði eftir á Ís-
landi,“ segir Vigfús og bendir á að um tvö tonn
af jólavarningi hafi farið frá Reykjavíkur-
flugvelli til Kulusuk fyrir síðustu helgi.
Pakkar og kveðjur frá ástvinum í Danmörku
Morgunblaðið/RAX
Síðasta vél Flugfélags Íslands til Kulusuk fyrir jólin fór frá Reykjavíkurflugvelli í gær
Andri Karl
andri@mbl.is
Alls óvíst er hvert framhald Al-
Thani-málsins svonefnda verður
eftir að í ljós hefur komið að sér-
fróður meðdómandi í fjölskipuðum
héraðsdómi átti persónulega og í
gegnum fyrirtæki sín í umfangs-
miklum lánaviðskiptum við Kaup-
þing banka og Sparisjóð Reykjavík-
ur og nágrennis.
Til aðalmeðferðar á ný?
Hæstaréttar er að meta hvort
ómerkja beri dóm Héraðsdóms
Reykjavíkur og vísa málinu til aðal-
meðferðar og dómsálagningar á ný.
Í Al-Thani-málinu eru þeir
Hreiðar Már Sigurðsson, fyrrver-
andi forstjóri Kaupþings, Sigurður
Einarsson, fyrrverandi stjórnarfor-
maður Kaupþings, Magnús Guð-
mundsson, fyrrverandi forstjóri
Kaupþings í Lúxemborg, og Ólafur
Ólafsson, sem var einn stærsti eig-
andi Kaupþings, ákærðir fyrir um-
boðssvik og hlutdeild í umboðss-
vikum. Héraðsdómur sakfelldi þá
alla og dæmdi í þriggja til fimm og
hálfs árs fangelsisvist.
Efast um hæfi Magnúsar
Samkvæmt dagskrá Hæstaréttar
stóð til að málflutningur færi fram
26. og 27. janúar næstkomandi. Sú
dagskrá kann að raskast í ljósi þess
að rétturinn fékk þær upplýsingar
að einn þriggja dómara í málinu,
endurskoðandinn Magnús G. Bene-
diktsson, átti í umfangsmiklum
lánaviðskiptum, meðal annars við
Kaupþing banka.
Tvö fyrirtæki sem hann tengist
náið voru tekin til gjaldþrotaskipta
snemma árs 2013 og síðastliðið vor.
Ekkert fékkst upp í kröfur annars
félagsins og er skiptum á hinu ekki
lokið. Skuldir þess síðarnefnda
námu 1,3 milljörðum króna í árslok
2012 og var eigið fé neikvætt um
650 milljónir króna. Meðal krafna í
félögin eru kröfur sem upphaflega
voru í eigu Kaupþings banka og
Sparisjóðs Reykjavíkur og ná-
grennis. Umrædd fyrirtæki fóru illa
út úr efnahagshruninu haustið 2008
og bæði sökum þess og þar sem
sakarefni Al-Thani-málsins lýtur að
viðskiptum Kaupþings banka hefur
spurning verið sett við hæfi Magn-
úsar til að dæma í málinu.
Skýrist í janúar
Samkvæmt heimildum mbl.is hef-
ur Hæstiréttur til skoðunar hvort
rétt sé að boða til málflutnings um
formhlið málsins eingöngu vegna
þessara nýju upplýsinga en telji
rétturinn að Magnús hafi verið van-
hæfur til að taka sæti í dómnum
kemur vart annað til greina en að
ómerkja niðurstöðu héraðsdóms.
Reikna má með því að afdrif Al-
Thani-málsins skýrist fyrri hluta
næsta mánaðar.
Al-Thani-dómur í óvissu
 Hæstiréttur metur hvort ómerkja eigi dóm í Al-Thani-málinu Sérfróður
dómari átti í umfangsmiklum lánaviðskiptum við Kaupþing banka og sparisjóðinn
Viðar Guðjónsson
vidar@mbl.is
Tveimur fundum samninganefnda
lækna og skurðlækna við samninga-
nefnd ríkisins lauk í gær án árang-
urs. Boðað hefur verið til fundar í
launadeilu lækna 29. desember
næstkomandi og hjá skurðlæknum
hinn 30. desember.
Þorbjörn Jónsson, formaður
Læknafélags Íslands, segir að fund-
urinn í gær hafi verið langur. „Okkur
þykir þetta ganga frekar hægt og í
okkar huga er alls óvíst hvort þetta
muni ganga. Við getum orðað það
þannig að það sé ekki mikil bjart-
sýni. En það er í það minnsta búið að
boða til annars fundar,“ segir Þor-
björn. Ef ekki semst munu umfangs-
meiri verkfallsaðgerðir en þær sem
gripið var til frá október til desem-
ber hefjast 5. janúar næstkomandi.
Fundur samninganefnda Skurð-
læknafélags Íslands og ríkisins í gær
var um tveggja tíma langur.
„Það var ekkert nýtt lagt fram í
dag (í gær),“ segir Helgi Kjartan
Sigurðsson, formaður Skurðlækna-
félags Íslands. Hann segir þungt
hljóð í samningamönnum félagsins.
„Við erum búin að vera með lausa
samninga frá því í febrúar og þetta
var þrítugasti fundurinn með samn-
inganefnd ríkisins. Lítið hefur þok-
ast,“ segir Helgi. Ef samningar nást
ekki munu skurðlæknar hefja verk-
fallsaðgerðir að nýju hinn 12. janúar
næstkomandi. „Það er ömurlegt til
þess að hugsa að fara með þetta á
bakinu inn í nýtt ár,“ segir Helgi.
Síðustu samningafundir
fyrir jól árangurslausir
Morgunblaðið/Árni Sæberg
Sáttasemjari Fundað var tvívegis
hjá sáttasemjara í gær.
 Boða fundi 29.
og 30. desember
Frá og með deg-
inum í dag verður
hægt að sam-
þykkja lækkun
höfuðstóls íbúða-
lána vegna að-
gerða ríkisstjórn-
arinnar, en
sendur verður
tölvupóstur á þá
sem rétt eiga á
leiðréttingu þeg-
ar opnað verður fyrir staðfest-
inguna.
„Þá sést hvert leiðréttingunni
verður ráðstafað og í kjölfarið getur
fólk samþykkt ráðstöfunina,“ sagði
Tryggvi Þór Herbertsson, verk-
efnastjóri höfuðstólslækkunarinnar,
í samtali við mbl.is í gær.
Að nokkrum dögum liðnum getur
fólk svo séð áhrif lækkunarinnar í
heimabönkum sínum eða inni á vef-
síðunni Leidretting.is.
„Svo á næsta greiðsluseðli, eftir
að búið er að færa þetta inn, sér það
hvernig greiðslubyrðin lækkar,“
sagði Tryggvi Þór ennfremur.
Staðfesta
má lækk-
un í dag
Tryggvi Þór
Herbertsson
 Áhrifin brátt sýni-
leg í heimabönkum
Minnstu mátti muna að illa færi þeg-
ar flutningabíll frá Póstinum fór út
af veginum undir Grænafelli á
Fjarðarheiði í gærkvöldi.
Bíllinn endaði þversum á veginum
og hluti hans utan vegar. Að sögn
vegfaranda sem kom að þurfti að
loka veginum í um klukkustund
vegna þessa. Lítil röð myndaðist þar
sem fáir voru á ferli. Þungavinnuvél
frá Vegagerðinni dró bílinn aftur á
veginn. Mjög mikil hálka var á þess-
um slóðum og ekki búið að salta eða
sanda heiðina. Engin meiðsl urðu á
fólki. vidar@mbl.is
Póstbíll utan
vegar í hálku
Ljósmynd/Valtýr Aron
Pósturinn Mikil hálka var á Fjarð-
arheiði í gærkvöldi er óhappið varð.