Tímarit Máls og menningar - 01.12.1993, Page 22

Friedrich Hölderlin
Hinn eini
Hannes Pétursson þýddi
Hvað er það sem fjötrar mig
við fornar, sæluríkar strendur
svo mjög, að ég ann þeim
umfram landi mínu?
Því líkt og í himneska
hlekkjavist seldur er ég þar
sem Apollon gekk um
að öllu sem konungur
og til saklausra unglinga
sté Seifur niður og Hinn hái
gat syni og dætur að helgum
hætti meðal mannanna.
Því margar eru þær háu
hugsanir sem kviknuðu
með Föðurnum, og til manna
komu miklar sálir
honum frá. Um Elis
heyrði ég rætt og Olympíu,
efst stóð ég á Pamassos,
og ég fór
fjöllin við Istmos,
og einnig fyrir handan,
hjá Smyrnu og suður um,
við Efesos, lagði ég mína leið;
j
20
TMM 1993:4