Tímarit Máls og menningar - 01.12.1993, Qupperneq 47

Árið 1963 birti hann heimspekiritið
Díalektík hins hluttœka. Bók þessi, sem var
fyrirbrigðafræðilegt andóf gegn kennisetn-
ingum marxismans hafði gífurleg áhrif um
alla Evrópu á sjöunda áratugnum, einkum
um eða upp úr 1970.
Kosik gegndi mikilvægu hlutverki í Prag
á því tímabili sem náði hámarki með Vorinu
í Prag árið 1968. Hann skrifaði á því tíma-
bili röð ritgerða þar sem hann sem varpar
ljósi á þennan atburð og bendir á mikilvægi
hans í þeirri allsherjarkreppu sem heimur
nútímans var þá þegar kominn í. Þessi skrif
hans verða gefin út á bók í Prag á næstunni.
Eftir innrás Rússa í Tékkóslóvakíu árið
1968 var Kosik rekinn frá störfum og svipt-
ur stöðu sinni við háskólann í Prag. Þegar
Rússar og bandamenn þeirra gengu sem
ötulast fram í því að koma aftur á „eðli-
legu“ ástandi í landinu réðst lögreglan inn
til hans og gerði þúsund blaðsíðna handrit
hans að heimspekiriti upptækt. Hann brást
við með því að skrifa Jean-Paul Sartre opið
bréf. Sartre brást snarlega við og skrifaði
grein í stórblaðið Le Monde. Þetta hafði þau
áhrif að lögreglan skilaði handritinu ári síð-
ar.
Eftir hrun kommúnismans tók hann aftur
upp þráðinn og hóf á ný að kenna heim-
speki við háskólann í Prag. Ári síðar var
hann rekinn.
A.F.
TMM 1993:4
45