Morgunblaðið - 03.01.2015, Side 84

LAUGARDAGUR 3. JANÚAR 3. DAGUR ÁRSINS 2015
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 790 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
VEÐUR » 8 www.mbl.is
»MEST LESIÐ Á mbl.is
1. Óheppni aðalástæða krabbameins
2. Vinapartí varð að 1.500 manna …
3. Kveikja í íslenska fánanum
4. Föst í ólæstri geymslu í tvo daga
 Styrkhafar úr sjóði Önnu K. Nordal,
Bjarni Frímann Bjarnason, lágfiðlu-
og píanóleikari, og söngvarinn Krist-
ján Jóhannesson, flytja fjölbreytta
efnisskrá ásamt Jónasi Ingimund-
arsyni þar sem lágfiðla, píanó og
söngur koma við sögu, á tónleikum í
Salnum í dag kl. 16. Bjarna Frímanni
verður afhent viðurkenning styrkt-
arsjóðs Önnu K. Nordal á tónleik-
unum og er afhendingin tilefni tón-
leikanna og sú 15. úr sjóðnum sem
styrkir efnilega tónlistarnema. Krist-
ján hlaut styrkinn í fyrra. Aðgangur
að tónleikunum er ókeypis. Á mynd-
inni sjást Jónas, Kristján og Bjarni.
Hlýtur viðurkenn-
ingu á tónleikum
 Nemendagalleríi Listaháskóla Ís-
lands, Kaffistofunni á Hverfisgötu
44, verður breytt í sólarströnd um
helgina á myndlistarsýningunni
Wish you were here sem Rakel
Mjöll Leifsdóttir og Birgir Sigurjón
Birgisson standa að. Á henni verða
hljóðverk og vídeóverk tengd minn-
ingum og tímaflakki sýnd innan um
gerviströnd, eins og segir í tilkynn-
ingu. 400 kg af hvítum sandi með
pálmatrjám hefur verið komið fyrir
í galleríinu og verður í kvöld haldin
sólstrandarteiti með
gjörningum og tón-
leikum frá kl.
19 til 22.
Sýningin
verður
opnuð í
dag og
á morg-
un kl.
12.
Nemendagalleríi
breytt í sólarströnd
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Heldur hvassara norðvestantil. Víða él, en yfirleitt þurrt á aust-
anverðu landinu. Hægari vindur og úrkomulítið í kvöld. Frost 0 til 10 stig.
Á sunnudag Vaxandi suðaustanátt, víða 13-18 m/s síðdegis. Snjókoma og síðar slydda
eða rigning, einkum sunnan- og vestanlands. Hlýnandi í bili.
Á mánudag Sunnan og suðvestan 10-18 m/s. Snjókoma eða él sunnan- og vestantil, en
úrkomulítið á norðaustanverðu landinu. Hiti 1 til 5 stig við suðaustur- og austurströndina.
Í kvöld verður lýst kjöri íþrótta-
manns ársins hjá Samtökum
íþróttafréttamanna (SÍ) í 59. sinn
í árlegu hófi samtakanna og
Íþrótta- og ólympíusambands Ís-
lands í Gullhömrum. Alls hafa 39
íþróttamenn hlotið nafnbótina
íþróttamaður ársins frá því Vil-
hjálmur Einarsson þrístökkvari
var fyrst valinn árið 1956. »2
Íþróttamaður ársins
kjörinn í 59. sinn
„Ég hef ekki verið í svona
góðu formi síðan ég sleit
krossbandið í febrúar 2013,“
segir Vignir Svavarsson sem
hefur komið ferli sínum á
flug á nýjan leik með Midt-
jylland í Danmörku í vetur.
Vignir yfirgaf Þýskaland síð-
asta sumar eftir sex ára dvöl
og hélt aftur til Danmerkur
þar sem hann eyddi fyrstu
þremur árunum sem at-
vinnumaður. »3
Vignir kom ferl-
inum aftur á flug
Steven Gerrard yfirgefur enska
knattspyrnufélagið Liverpool í vor
eftir að hafa verið í röðum þess frá
átta ára aldri. Gerrard staðfesti end-
anlega í gærmorgun að
þetta væri síðasta tíma-
bil hans hjá félaginu en
hann myndi spila
áfram fótbolta ann-
ars staðar.
Reiknað er
með að hann
fari til Banda-
ríkjanna í sum-
ar. »4
Hverfur á braut eftir
aldarfjórðungsdvöl
Sigurður Bogi Sævarsson
sbs@mbl.is
„Svona spilamennska er hörkupúl
langt fram eftir nóttu og helst á færi
ungra manna, en mér finnst gaman
að taka svona spretti öðru hvoru.
Með þessu held ég puttunum lið-
ugum, en ég hef að mestu lagt raf-
magnsgítarinn á hilluna,“ segir
Gunnar Þórðarson tónlistarmaður.
Þessa helgina leikur hann á Kringlu-
kránni með félögunum í hljómsveit-
inni Gullkistunni, sem kemur saman
að jafnaði einu sinni á ári, það er
fyrstu helgina í janúar, og spilar lög
frá árunum 1966 til 1970. Þar eru
áberandi lög Rolling Stones og Bítl-
anna. Fyrri dansleikurinn var í gær-
kvöldi og annar er í kvöld, laugar-
dagskvöld.
„Mér finnst viðeigandi að slá í með
Rolling Stones lagi eins og You bet-
ter move on. Svo er líka sjálfsagt að
taka Hljómalög, til dæmis Fyrsta
kossinn og Bláu augun þín. Það er
víst af nægu að taka – og rokk og bít
eru í aðalhlutverki,“ segir Gunnar.
Með honum í Gullkistunni eru Ás-
geir Óskarsson Stuðmaður, Jón
Ólafsson kenndur við sveitina Pelic-
an og Óttar Felix Hauksson úr Pops.
Kringlugestir klappi
Upp eru runnin tímamót í lífi
Gunnars Þórðarsonar sem verður
sjötugur á morgun, 4. janúar. Lík-
legt má því telja að á miðnætti
klappi Kringlugestir hressilega fyrir
afmælisbarninu, sem síðustu áratugi
hefur verið í aðalhlutverki íslensks
tónlistarlífs. Annars segir Gunnar að
tímamót þessi verði, að dansleiknum
á Kringlukránni frátöldum, rólegur
og góður fjölskyldudagur. Að
minnsta kosti sé ekkert stórt á döf-
inni.
„Fyrst spilaði ég á böllum árið
1963, svo þetta er orðin hálf öld og
tveimur árum betur. Nei, mér finnst
stemningin á skemmtunum ekki
hafa breyst ýkja mikið. Mannfólkið
er alltaf sjálfu sér líkt. Helsta breyt-
ingin er sú að sveitaböllin, sem eitt
sinn voru, hafa lagst af, en þeim mun
meira er um tónleika og spilirí á
kaffihúsum eða slíkum stöðum.“
Meira en 3.000 taktar
Gunnar er enn af fullum krafti í
tónlistinni, þó með öðrum hætti en
var fyrr á árunum. Er nú að veru-
legu leyti kominn inn á hið sígilda
svið og dægurtónlistin orðin auka-
geta. Í fyrra var flutt óperan Ragn-
heiður, þar sem ævi og örlög Ragn-
heiðar Brynjólfsdóttur voru sú saga
sem Friðrik Erlingsson spann í
kringum texta við tónverk Gunnars.
„Í venjulegu dægurlagi eru sextán
taktar en í Ragnheiði meira en 3.000.
Vissulega er tónlistarvinna auðveld-
ari með tölvunni, þar sem maður
pikkar nóturnar inn. En tölvur
semja ekki músíkina. Hugsun manns
sjálfs þarf alltaf að vera melódísk.“
Heldur gítarputtum liðugum
 Gunnar sjötugur
og leikur fyrir
dansi um helgina
Morgunblaðið/Golli
Tónlist „Hugsun manns sjálfs þarf alltaf að vera melódísk,“ segir Gunnar, þjóðskáld margra vinsælla laga.
Tónleikar í tilefni af 70 ára af-
mæli Gunnars verða haldnir í
Hörpu 29. mars næstkomandi.
Þar verða hans þekktustu lög
flutt af landsliði íslenskra hljóð-
færaleikara og söngvara, auk
þess sem Gunnar stígur sjálfur á
svið. Einnig er væntanleg vegleg
safnplata í tilefni stórafmælisins
sem mun hafa að geyma öll bestu
lög Gunnars á einum stað.
Og af nægu er að taka.
Strandamaðurinn Gunnar flutti
ungur til Keflavíkur og hóf þar
ferilinn með Hljómum en síðan
komu Trúbrot og ýmsar fleiri
sveitir. Þá hefur Gunnar samið
nærri 700 lög sem komið hafa út
á hljómplötum, auk þess sem
hann hefur útsett lög, sett upp
sýningar og svo mætti lengi telja
þau margvíslegu tónlistarverkefni
sem Gunnar hefur tekið þátt í í
tímans rás.
Margir minnast tilleggs Gunn-
ars á Vísnaplötunum góðu sem
komu út fyrir tæpum fjörutíu ár-
um og seldust vel. Þá eru vel-
þekktar plöturnar Himinn og jörð
og Borgarbragur, lög í Eurovision
fyrr á árum, sýningar á Broadway
og Hótel Íslandi og svo mætti
áfram telja margt gott úr safni
tímans sem vinsælt hefur orðið.
Hefur samið yfir 700 lög
SAFNPLATA OG STÓRTÓNLEIKAR Í HÖRPU