Morgunblaðið - 26.03.2015, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 26. MARS 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Vel hefur viðrað til útivistar, að minnsta kosti á
köflum að undanförnu, og hefur fólk notað tæki-
færi sem gefast til útivistar af ýmsu tagi.
Veðurstofan spáði í gær bjartviðri norðaustan-
og austanlands í dag. Heldur átti að kólna og var
spáð hita um eða rétt yfir frostmarki.
Á morgun var hins vegar spáð suðvestan 8-15
m/s og að hvassast yrði við suðvesturströndina.
Víða él og hiti um frostmark að deginum.
Hlaupið og spásserað um borgina
Morgunblaðið/Kristinn
Veturinn gefur eftir en hefur ekki alveg sleppt takinu
Vegagerðin hefur hætt við fyrir-
hugað útboð á brú yfir Jökulsá á
Fjöllum, á þjóðvegi eitt sunnan
Grímsstaða. Þetta má lesa út úr nýj-
asta tölublaði Framkvæmdafrétta,
þar sem farið er yfir fyrirhuguð út-
boð Vegagerðarinnar. Hefur útboð-
inu verið frestað um óákveðinn tíma.
Að sögn G. Péturs Matthíassonar,
upplýsingafulltrúa Vegagerð-
arinnar, má rekja þessa ákvörðunar
til eldsumbrotanna í og við Vatna-
jökul í vetur. Verið er að skoða
breyttar útfærslur á brúnni og nýja
staðsetningu í ljósi umbrotanna.
Fyrri áætlanir gerðu ráð fyrir nýrri
brú um 500 metrum sunnar en nú-
verandi brúarstæði.
„Menn telja ekki forsvaranlegt að
ráðast í framkvæmdir á þessu stigi,“
segir G. Pétur en Vegagerðin skoð-
ar núna brúarstæði norðan við
gömlu brúna sem gæti tekið við
miklu meira flóðvatni en fyrri hug-
myndir gengu út á. Sú brú átti að
kosta rúman milljarð króna, en að
sögn G. Péturs er ljóst að ný brú
verður mun dýrari. Hann segir nýj-
ar kostnaðaráætlanir ekki liggja
fyrir. Núverandi brú er komin til
ára sinna, byggð 1947, og nýrri brú
var m.a. ætlað meira burðarþol í
ljósi vaxandi vöruflutninga á milli
Norður- og Austurlands. Gamla
brúin átti að fá að standa fyrir hjól-
andi, ríðandi og gangandi vegfar-
endur.
„Menn vilja taka sér góðan tíma í
þetta og sjá hver þróunin verður í
Vatnajökli næstu misseri, þannig að
þetta mun bíða um sinn,“ segir G.
Pétur Matthíasson. bjb@mbl.is
Vegagerðin frestar nýrri brú yfir
Jökulsá á Fjöllum vegna flóðahættu
 Skoða nýtt stæði norðan við brúna  Ætlað að taka við meira flóði frá jökli
Brúargerð yfir Jökulsá á Fjöllum
Veglína 1 til skoðunar núna
Veglína 2 var í skoðun fyrir eldgos
Gul lína er núverandi vegur Heimild: Vegagerðin
Veglína 1
Veglína 2
„Við þurftum að hækka hjá okkur
eftir breytingar á virðisaukaskatts-
kerfinu. Við sluppum hinsvegar við
að hækka gosið því sykurskatturinn
var felldur niður,“ segir Baldur Ingi
Halldórsson, framkvæmdastjóri
Bæjarins bestu.
Þjóðarréttur Íslendinga, pylsa
með öllu, hækkaði um 20 krónur fyr-
ir skömmu og kostar núna 400 krón-
ur. Pylsa og kók kosta 600 krónur
sem Baldur segir að sé frábært verð
– sérstaklega fyrir starfsfólkið.
„Þetta er þægilegasta verð í lang-
an tíma. Starfsfólkið mitt er ánægt
og það er varla til skiptimynt,“ segir
hann.
Baldur segir að Bæjarins bestu
reyni að forðast hækkanir í lengstu
lög en pylsan sé búin að hækka um
80 krónur frá 2007. Þrátt fyrir það
blómstra viðskiptin og nánast stans-
laus röð er við aðalpylsuvagninn við
Tryggvagötu.
„Við getum ekki kvartað, það
fjölgar alltaf ferðamönnum sem
koma til okkar og Íslendingar eru
enn sólgnir í eina með öllu,“ segir
Baldur. benedikt@mbl.is
Pylsan
hækkar en
kókið ekki
 Þjóðarrétturinn
kostar nú 400 krónur
Morgunblaðið/Þorkell
Nammi Ein með öllu og kók.
14 starfsmönnum sem starfa við
vinnslu og pökkun hjá Fjarðalaxi á
Patreksfirði verður sagt upp störf-
um frá og með næstu mánaðamótum
vegna tímabundinnar óvissu um
staðsetningu nýs vinnsluhús. Þetta
kemur fram í tilkynningu frá félag-
inu. Þar segir að nýtt vinnsluhús sé
nauðsynlegt vegna aukinna umsvifa
Fjarðalax á Vestfjörðum. „Vonast er
til að hægt verði að bjóða þeim ný
störf um leið og ljóst verður hvar
starfsemin verður. Þess er vænst að
það skýrist á næstu vikum.“
14 sagt upp
störfum
Björn Jóhann Björnsson
bjb@mbl.is
Rúmlega 300 manns sóttu starfa-
kynningu í Reykjavík í vikunni sem
evrópska vinnumiðlunin EURES
stóð fyrir. Fjöldi starfa í Noregi var
til kynningar hjá ráðgjöfum EURES
og fulltrúum norskra fyrirtækja og
sveitarfélaga.
„Þetta var í færra lagi miðað við
síðustu kynningar en það hefur líka
áhrif að hvaða störfum er verið að
leita. Það var ekki eins fjölbreytt og
verið hefur oft áður,“ segir Þóra
Ágústsdóttir, verkefnisstjóri hjá
EURES á Íslandi, en ekki hafa verið
ákveðnar fleiri starfakynningar í ár.
Að þessu sinni var aðallega verið
að kynna störf fyrir iðnaðarmenn og
heilbrigðisstarfsfólk en einnig fyrir
kennara, kokka, barþjóna og fiskeld-
isstarfsmenn. Að sögn Þóru er minni
eftirspurn núna í Noregi eftir bíl-
stjórum, smiðum og háskólamennt-
uðu fólki. Blikur eru á lofti þar í landi
vegna aukins atvinnuleysis, lækk-
andi olíuverðs og lægra verðs norsku
krónunnar. „Annars höfum við hjá
EURES ekki fundið svo mikið fyrir
þessu ennþá. Eftirspurnin er enn í
ágætu jafnvægi, bæði frá Noregi og
síðan frá fólki hér á landi sem vill
fara út, hvort sem það er atvinnu-
laust eða ekki. Það eru margir sem
þekkja fólk sem farið er til Noregs.
Þetta er orðinn mjög fjölbreyttur
hópur,“ segir Þóra, sem finnur einn-
ig aukinn áhuga íslenskra fyrirtækja
á að ráða fólk til starfa frá Evrópu.
Þannig er t.d. mikil ásókn eftir kokk-
um.
Þóra segir Norðmennina sátta við
mætinguna á starfakynninguna og
fengu þeir margar áhugaverðar um-
sóknir. Að þessu sinni komu fulltrú-
ar norskra fyrirtækja og sveitarfé-
laga víða að í Noregi, m.a. frá
bænum Solund í Vestur-Noregi.
Enn áhugi á Noregi
 Ríflega 300 manns mættu á starfakynningu EURES
Morgunblaðið/Kristinn
Starfakynning Eftirspurn er enn í
Noregi eftir íslensku vinnuafli.
H
V
ÍT
A
H
Ú
S
IÐ
/S
ÍA
Dásamlegur á brauðið og
hentugur fyrir heimilið
Engin
fyrirhöfn
ms.is
TILBOÐ25
sneiðar