Morgunblaðið - 26.03.2015, Side 12

12 DAGLEGT LÍF
MORGUNBLAÐIÐ FIMMTUDAGUR 26. MARS 2015
Þegar leiðinn og drunginn sækir að
sálinni þá hefur löngum þótt gott ráð
að hlæja hressilega til að bola þess-
um tilfinningum burt. Þegar svo ber
undir þá er tilvalið að skoða heima-
síðu grínistans og uppistandarans
Jerry Seinfeld. En uppistandarar eiga
greinilega upp á pallborðið hjá Ís-
lendingum um þessar mundir því
uppselt hefur verið á sýningar
tveggja stórstjarna sem hafa komið
til landsins fyrir stuttu. Því er ekki úr
vegi að kíkja á gott grín frá árinu
1989.
Á heimasíðu Jerry birtast nokkrar
upptökur af uppistandi grínistans,
flestar frá árinu 1989 en grínið eldist
vissulega vel. Þrjár upptökur birtast á
hverjum degi og aðrar þrjár þann
næsta.
Heimasíðan er einföld og skýr í
notkun og gott að rifja upp kynnin af
þessum skelegga grínista sem lék
sjálfan sig í samnefndum þáttum sem
sýndir voru hér landi fyrir allnokkru.
Á síðunni segir Jerry frá því að
hann hafi sjálfur fallið fyrir uppi-
standi 10 ára gamall. Á þessum aldri
reyndi hann allt hvað hann gat til að
komast yfir efni frá uppistöndurum
og tileinka sér þá gríntækni sem þeir
notuðu. Heimasíðan er tileinkuð öll-
um þeim ungu krökkum sem hafa
heillast af uppistandinu, jafnframt
bendir hann á að þetta sé hans fram-
lag til að viðhalda lífsnauðsynlegum
kjánagangi.
Vefsíðan www.jerryseinfeld.com
Grín Svona leit grínistinn Jerry Seinfeld út fyrir a.m.k 20 árum.
Gott að rifja upp gott grín
Þórunn Kristjánsdóttir
thorunn@mbl.is
Ég hef lært að fara út fyr-ir þægindarammann enmaður getur miklu, miklumeira en maður heldur,“
segir Sigrún Inga Gunnarsdóttir sem
tekur þátt í nýliðaþjálfun í Hjálpar-
sveit skáta í Kópavogi.
Sigrún Inga var ekki á þeim
buxunum að ganga í björgunarsveit í
fyrstu en lét þó tilleiðast að kíkja á
einn kynningarfund fyrir áeggjan
kærasta síns, Haraldar Ketils Guð-
jónssonar. Eftir fundinn varð ekki
aftur snúið og hafa þau skötuhjú nú
lokið helmingi nýliðaþjálfunarinnar
og líkar dável enda félagsskapurinn
ákaflega skemmtilegur.
Sigrún Inga er hjúkrunarfræð-
ingur að mennt og starfar á Barna-
spítalanum. Hún segir að vel hafi
tekist til að púsla þjálfuninni saman
við vinnuna.
Miklar tilfinningasveiflur
í snjóhúsagerð
Um síðustu helgi hélt hópurinn
að Skálafelli, byggði snjóhús og gisti í
því yfir nótt. „Það var einstök upp-
lifun, virkilega gaman en jafnframt
mjög erfitt. Við vorum rúma sjö
klukkutíma að moka snjóinn því það
var svo mikið frost í honum en upp-
haflega var reiknað með að við yrð-
um þrjá tíma að því,“ segir Sigrún
Inga.
Hópurinn hafði gengið í fjóra
tíma til að komast á fýsilegan stað til
að byggja snjóhúsið. Þegar þau höfðu
bisað við að búa til snjóhúsið þá fóru
ýmsar hugsanir í gegnum huga Sig-
rúnar Ingu, í aðra röndina fannst
henni þetta æðislegt, eða þá að það
væri ekki „séns“ að gera þetta aftur.
Eftir snjóhúsagerðina tók við
heldur köld svefnaðstaða. „Það gekk
ekkert rosalega vel að sofna og ég
held að það eigi við um flesta. Það tók
mig um fimm tíma, en eftir það náði
ég að dotta aðeins.“ Hún bendir á að
kuldinn hafi verið helsta ástæðan fyr-
ir svefnleysinu og hún hafi því ekki
náð að slaka almennilega á.
Nýliðaþjálfunin nær yfir fjórar
annir og tekur sinn tíma. Farið er
aðra hverja helgi út í náttúruna þar
sem leyst eru hin ýmsu verkefni, auk
þess er fræðsla á hverju þriðjudags-
kvöldi. Næsta verkefni sem bíður
hópsins er ísklifur á Sólheimajökli.
Hún segist hlakka mikið til enda sé
það passlega mikið út fyrir þæg-
indarammann en hún verður að sjálf-
sögðu vopnuð ísexi.
Hver og einn þarf að útvega sér
sjálfur sinn búnað en það getur verið
nokkuð kostnaðarsamt. Sigrún Inga
viðurkennir að jólagjafalistinn í ár
hafi verið nokkur frábrugðinn listan-
um á árunum á undan þar sem ýmis-
legt hafi ratað inn á hann eins og ör-
yggishjálmur, ísexi og bakpoki svo
fátt eitt sé nefnt.
Útivist í sumar
„Maður lærir að meta aðstæður
í náttúrunni rétt, t.d. hvort það er
möguleg snjóflóðahætta eða ekki. Þá
hef ég líka áttað mig á því að það er
hægt að stunda útivist allan ársins
hring með réttan búnað. Ég er þegar
farin að plana sumarið með göngu-
ferð og ferðalög um landið í huga,“
segir Sigrún Inga að lokum, spurð
hvað hún hafi lært af þjálfuninni.
Fimm tíma að sofna
í ísköldu snjóhúsi
Hjúkrunarfræðingurinn Sigrún Inga Gunnarsdóttir var ekki sannfærð í fyrstu um
að nýliðaþjálfun Hjálparsveitar skáta í Kópavogi væri fyrir sig en lét þó tilleiðast að
fara á kynningarfund fyrir tilstilli kærasta síns. Hún sér ekki eftir því eitt andartak
og tekst nú á við krefjandi verkefni eins og að búa til snjóhús og gista í því.
Morgunblaðið/Kristinn
Par í nýliðaþjálfun Sigrún Inga Gunnarsdóttir og Haraldur Ketill Guðjónsson eru mjög ánægð með þjálfunina.
Morgunblaðið/Kristinn
Í snjóhúsi Lítið var sofið um nóttina í snjóhúsinu sem þær voru sjö tíma að
byggja en það var þó alveg þess virði prófa eitthvað nýtt.
Í byrjun september á hverju ári
tekur sveitin inn nýja einstaklinga
í nýliðaþjálfun hjálparsveitarinnar
í Kópavogi. Á því eina og hálfa ári
sem þjálfunin stendur yfir öðlast
nýliðarnir reynslu og þekkingu
sem nauðsynleg er til að geta tek-
ist á við verkefni sem björgunar-
sveitir þurfa að leysa allan ársins
hring.
Nýliðarnir þurfa að hafa náð 18
ára aldri en aldursbil þátttakend-
anna er býsna breitt, flestir eru
þeir frá 18 til 40 ára. Ásóknin í
starfið hefur verið mjög góð und-
anfarið, að sögn formanns nýliða-
deildarinnar. Á síðustu árum hafa
að jafnaði 14 til 20 manns útskrif-
ast úr þjálfuninni.
Á fyrra árinu fer fram mest af
þjálfun í ýmsum aðstæðum en á
því seinna er ríkari áhersla lögð á
að kynna starfsemi sveitarinnar
sem nýliðarnir taka öflugan þátt í.
Stöðug ásókn í nýliðaþjálfun
HJÁLPARSVEIT SKÁTA Í KÓPAVOGI
Skannaðu kóðann
til að fara inn á
vefsíðuna.
Engjateigi 9 – Reykjavík
Miðvikudaginn 15. apríl kl. 17:00
Dagskrá fundar:
Engjateigi 9 105 Reykjavík
www.lifsverk.is
Hefðbundin aðalfundarstörf
Önnur mál, löglega upp borin
Aðalfundur
Kosið verður um þrjá varamenn í stjórn sjóðsins á fund-
inum. Þeim sjóðfélögum sem hafa hug á að bjóða sig
fram á aðalfundi er boðið að kynna sig stuttlega á
vefsvæði sjóðsins og eru þeir beðnir um að hafa samband
við starfsmenn sjóðsins.
Í sjóðnum er virkt sjóðfélagalýðræði og hafa allir sjóð-
félagar sem mæta á aðalfund jafnan atkvæðisrétt.
Nú fer fram rafrænt stjórnarkjör á sjóðfélagavef sjóðsins
og hafa sex frambjóðendur boðið sig fram í aðalstjórn.
Rafrænu stjórnarkjöri lýkur kl. 18:00, 30. mars nk.
Stjórn Lífsverks lífeyrissjóðs.