Morgunblaðið - 26.03.2015, Side 58

58 UMRÆÐAN
MORGUNBLAÐIÐ FIMMTUDAGUR 26. MARS 2015
Opið bréf til Illuga
Gunnarssonar.
Sæll Illugi.
Í lok síðasta árs ósk-
aði ég eftir viðræðum
við ráðuneytið um nýj-
an þjónustusamning
fyrir Menntaskólann
Hraðbraut. Til fundar
um málið var boðað 11.
febrúar sl. Viðræður
voru jákvæðar og fjallað m.a. um gott
starf skólans á meðan hann starfaði.
Þú sagðir hress í lok fundarins að þú
mundir taka afstöðu til „beiðni Hrað-
brautar um nýjan þjónustusamning á
grundvelli fjár-hagslegrar hag-
kvæmni fyrir ríkið“. Gladdist ég við
að ákvörðunin ætti að byggjast á
grunni sem mér fannst málefnalegur.
Gekk ég af fundi algerlega sann-
færður um að málið væri loks í höfn
enda er Menntaskólinn Hraðbraut
fjárhagslega hagkvæmasti fram-
haldsskóli landsins fyrir ríkið, sam-
kvæmt mínum útreikningum.
Nú hef ég fengið
synjun um nýjan þjón-
ustusamning án þess að
útreikningar „fjárhags-
legrar hagkvæmni“
væru látnir fylgja með.
Þótt ég sé mjög undr-
andi á að hægt hafi ver-
ið að komast að þessari
niðurstöðu vænti ég
ekki annars en að þú
hafir staðið við loforð
þitt um að niðurstaða
máls þessa yrði byggð á
útreikningum á fjár-
hagslegri hagkvæmni.
Hér að neðan er útreikningur minn
á hagkvæmni Hraðbrautar fyrir ríkið
og þau ungmenni sem velja skólann.
Set ég útreikninginn fram í formi
dæmis um nám ungmennanna Jóns
og Gunnu. Þau eru í dag 25 ára. Fyrir
níu árum völdu þau sér framhalds-
skóla. Jón ákvað að fara í MR (4 ár)
en Gunna ákvað að fara í Hraðbraut
(2 ár). Þau luku bæði stúdentsprófi og
fóru síðan í fimm ára nám í verkfræði
í Háskóla Íslands. Gunna lauk meist-
araprófi í verkfræði vorið 2013 en Jón
mun ljúka sama prófi í vor, tveimur
árum á eftir Gunnu. Reikningsdæmið
lítur þá svona út fyrir ríkið (sleppt er
að fara yfir kostnað við háskólanám
Jóns og Gunnu þar sem sá liður er
eins hjá þeim báðum og hefur því
ekki áhrif hér):
1. Kostnaður ríkisins af framhalds-
skólanámi Jóns og tekjur ríkisins af
Jóni þessi 7 ár síðan hann lauk grunn-
skóla:
a. Stúdentspróf Jóns var tekið á
fjórum árum frá MR sem var á þess-
um tíma næst ódýrasti framhalds-
skóli landsins. Prófið kostaði ríkið kr.
3.209.600.
b. Þar sem Jón hefur verið í fullu
námi síðan hann lauk grunnskóla hef-
ur hann ekki haft nægar tekjur til að
skila ríkissjóði tekjuskatti þennan
tíma.
2. Kostnaður ríkisins af framhalds-
skólanámi Gunnu og tekjur ríkisins af
Gunnu þessi 7 ár síðan hún lauk
grunnskóla:
a. Stúdentspróf Gunnu var tekið á
tveimur árum frá Hraðbraut sem var
á þessum tíma ódýrasti framhalds-
skóli landsins. Prófið kostaði ríkið kr.
3.118.100 eða 2,85% lægri upphæð en
í MR.
b. Gunna lauk námi sínu í verk-
fræði vorið 2013. Hún fékk vinnu á
verkfræðistofu og hefur verið í fullu
starfi síðan. Laun hennar hafa verið
prýðileg þennan tíma eða kr. 500.000
á mánuði. Heildartekjur hennar
þennan tíma, sem Jón verður lengur í
námi en hún, eru því kr. 500.000 * 24
mánuðir = kr. 12.000.000. Tekju-
skattsgreiðslur Gunnu (fyrir utan
aðra skatta) til ríkisins síðustu tvö ár
nema því kr. 216.952 á mánuði * 24
mánuðir = kr. 5.208.848. Það er kr.
2.088.748 hærri upphæð en ríkið
greiddi Hraðbraut fyrir nám Gunnu.
Enginn annar skóli í landinu getur
bent á slíka hagkvæmni enda, jafn
ótrúlegt og þér kann að finnast það,
þá sýna útreikningar mínir að tekjur
ríkisins muni vaxa við að gera þjón-
ustusamning við Hraðbraut!
c. Ljóst er að ævitekjur Gunnu,
vegna styttri námstíma, verða um 5%
hærri en ævitekjur Jóns. Hagsmunir
Gunnu af styttri námstíma eru því
einnig miklir.
Eins og fram var komið hefur þú
neitað Hraðbraut um nýjan þjónustu-
samning. Það hefur væntanlega verið
gert „á grundvelli fjárhagslegrar
hagkvæmni fyrir ríkið“ eins og þú lof-
aðir á fundi okkar. Sjálfur tel ég þetta
vera stórmál fyrir ríkissjóð og æsku
landsins. Einnig er þetta stórmál fyr-
ir eigendur Menntaskólans Hrað-
brautar sem beðið hafa eftir nýjum
þjónustusamningi með hundraða
milljóna fjárfestingu frá árinu 2012.
Með loforð þitt og ofangreinda
hagsmuni í huga tel ég fullvíst að að
baki ákvörðun þinni liggi vandaðir út-
reikningar. Óska ég hér með eftir að
fá að sjá þá.
Virðingarfyllst.
Eftir Ólaf
H. Johnson » „…jafn ótrúlegt og
þér kann að finn-
ast það, þá sýna út-
reikningar mínir að
tekjur ríkisins muni
vaxa við að gera þjón-
ustusamning við
Hraðbraut!“
Ólafur H. Johnson
Höfundur er skólastjóri
Menntaskólans Hraðbrautar.
Er Hraðbraut hagkvæmur skóli?
kÖku
gerÐ hp
www.flatkaka.is
Er fjáröflun í gangi?
hér er hugmynd að vörum til fjáröflunarsölu
þjóðlegt, gómsætt og gott
Pantaðu á flatkaka.is
BRIDS
Umsjón Arnór G.
Ragnarsson| brids@mbl.is
Páskastemning
í Gullsmáranum
Mjög góð þátttaka var í Gull-
smára mánudaginn 23. mars. Spilað
var á 15 borðum. Úrslit í N/S:
Guðlaugur Nielsen – Pétur Antonsson 346
Jón Bjarnar – Katarínus Jónsson 309
Gunnar Sigurbjss. – Sigurður Gunnlss. 288
Guðrún Hinriksd. – Haukur Hannesson 280
Þórður Jörundss. – Jörundur Þórðarson
279
A/V
Unnar Guðmss. – Guðm. Sigursteinss. 338
Sigurður Njálsson – Óskar Karlsson 321
Sigurður Gíslason – Reynir Bjarnason 309
Birgir Ísleifsson – Jóhann Ólafsson 308
Jón I. Ragnarss. – Sæmundur Árnason 299
Ekki verður spilað í Gullsmára
fimmtudaginn 26. mars vegna bæj-
arkeppni við Reykjavík. Spilað
verður í húsi Bridssambandsins
við Síðumúla.
Mánudaginn 30. mars verður svo
páskastemning í Gullsmára. Frítt
kaffi og meðlæti og páskaegg í verð-
laun.
Sextán borð hjá
eldri borgurum í Rvík
Mánudaginn 23. mars var spilað-
ur tvímenningur á 16 borðum hjá
bridsdeild Félags eldri borgara í
Reykjavík.Efstu pör í N/S
Haukur Harðarson – Ágúst Helgason 381
Magnús Oddsson – Oliver Kristóferss. 370
Helgi Hallgrss. – Ægir Ferdinandss. 365
Björn Árnason – Auðunn R. Guðmss. 359
A/V
Magnús Jónsson – Óli Gíslason 379
Bjarni Guðnason – Guðm. K. Steinbach 376
Jóhannes Guðmannss. – Friðrik Jónss. 363
Albert Þorsteinsson – Bragi Björnsson 362
Fyrir mörgum,
mörgum árum fékk
Edda heitin Scheving
listamannalaun í þrjá
mánuði og ég man vel
hvað hinn íslenski
dansheimur gladdist
með henni. Þið kann-
ist öll við stéttaskipt-
inguna í Indlandi, há-
stétt og lágstétt. Á
þessum tímum var
listdans (nú oftast
kallaður ballett) hástétt. Aðrir
dansar eins og samkvæmisdans,
þjóðdansar o.fl. voru lágstéttin,
hið sama gilti um tónlist. Klassísk
tónlist var hástétt, öll önnur tón-
list lágstétt. Lágstéttartónlist var
tekin miklu alvarlegar eftir að
Sinfóníuhljómsveit Lundúna lék
nokkur lög sem Bítlarnir höfðu
samið. Þá sögðu tónlistarvitring-
arnir „Nú, þetta er líka tónlist.“
Ég valdi danslög fyrir RÚV í 17
ár og eitt sinn eignaðist ég disk
með sígildum lögum, öll útsett
sem danslög. Spilaði þau flest í
þætti mínum, en var strax á
mánudegi kallaður fyrir tónlistar-
stjóra, sem lét mig vita að ef ég
spilaði aftur sígild lög sem dans-
lög gæti ég átt mig. Ríkisútvarpið
legðist ekki svo lágt að spila
Perluveiðarana sem tangó eða Für
Elisa sem vals og svo framvegis.
Að sjálfsögðu fannst mér þetta út
í hött, en hlýddi. Mörgum árum
síðar spilaði ég þessi danslög hjá
Útvarpi Sögu og spurði síðar um
daginn stjórnandann þar hvort ég
yrði nú rekinn en fékk svarið að
lögin hefðu verið flott
og ég þyrfti ekki að
óttast brottrekstur,
tímarnir breytast.
Hér kemur ástæðan
fyrir skrifum mínum
því Grindavík hefur
kosið danskennarann
Hörpu Pálsdóttur
sem handhafa menn-
ingarverðlauna bæj-
arins árið 2015.
Laugardaginn 14.
mars var ég við-
staddur í troðfullri
Grindavíkurkirkju þegar Hörpu
Pálsdóttur voru afhent þessi verð-
laun við mikinn fögnuð áhorfenda.
Það gladdi mig vissulega mikið að
Harpa Pálsdóttir fengi þessi verð-
laun því hún var þjálfuð af mér og
ég veit að hún á þessi verðlaun
skilið. Mest er ég þó hrifinn af
Grindavíkurbæ fyrir að veita
danskennara þessi verðlaun. Ég
veit að samkvæmisdans nýtur
miklu meira álits en áður fyrr en
samt er þetta alveg frábær við-
urkenning, ekki eingöngu fyrir
Hörpu persónulega heldur ekki
síður fyrir dansinn í heild sinni.
Nú á ég minninguna um Eddu
Scheving að fá listamannalaun og
Hörpu Pálsdóttur að fá viðurkenn-
inguna menningarverðlaun ársins.
Húrra Grindavík!
Húrra Grindavík!
Eftir Heiðar Róbert
Ástvaldsson
Heiðar
Ástvaldsson
»Klassísk tónlist var
hástétt, öll önnur
tónlist lágstétt.
Höfundur er danskennari.