Morgunblaðið - 26.03.2015, Page 98

98 MENNING
MORGUNBLAÐIÐ FIMMTUDAGUR 26. MARS 2015
Stundum er talað um að„standa með sjálfum sér“ tilþess að byggja upp sterkarisjálfsmynd en ekki hef ég
heyrt frasa á borð við „gakktu með
sjálfum þér“. Það er einmitt það sem
ung bandarísk kona, Cheryl Strayed
að nafni, gerði til þess að ná áttum í
lífinu og byggja sig upp. Hún gekk
einsömul eftir svokallaðri Kamba-
slóð (Pacific Crest
Trail) sem nær frá
Kaliforníu til Óregon
í grófum dráttum en
til eru nokkrar út-
gáfur af slóðinni. Sú
lengsta spannar
4286 kílómetra og er
hækkunin á þeirri
leið 4009 metrar frá
sjávarmáli. Þetta er með öðrum orð-
um enginn labbitúr heldur heljar-
innar ganga sem er ekki fyrir hvern
sem er og hvað þá fyrir konu á þrí-
tugsaldri sem aldrei fyrr hefur
klæðst gönguskóm.
Bókin er sannsöguleg og er um til-
tölulega venjulega unga stúlku sem
uppgötvar að líf hennar sé í einum
hrærigraut þegar móðir hennar
deyr úr krabbameini eftir afar stutt
veikindi. Umgjörðin utan um þann
heim sem Strayed lifir og hrærist í
virðist leysast upp á örskotsstundu.
Þá gerir Strayed tilraun til að flýja
yfir í annan heim og kynnist þar
óþverra á borð við heróín. Manni
skilst að það sé hægara sagt en gert
að segja skilið við heim heróínsins,
enda stjórni þar harður húsbóndi.
Veruleikaflótti stúlkunnar gengur
þó ekki eins vel og í verstu sögunum.
Dag einn tekst henni að rífa sig upp
úr sortanum og skipuleggur þessa
löngu göngu eftir Kambaslóð. Aldrei
hefði mig grunað að ferðasaga á
borð við þessa gæti verið svona
spennandi en þetta er fyrst og
fremst ferðasaga stúlku um óravídd-
ir mannshugans. Það er einstakt
hvernig hún sigrast á óttanum og
kemst að því smám saman hvaðan
óttinn er sprottinn. Er það ekki
stundum svo að mestur er ótti
manns við eigin huga?
Þýðing bókarinnar var í höndum
Elísu Jóhannsdóttur og er hún í
heildina nokkuð góð og flæðið í text-
anum fínt. Örfáar prentvillur hafa
fengið að vera óáreittar en skaða
innihald textans þó ekki.
Cheryl Strayed, höfundurinn
sjálfur og jafnframt aðalpersóna
bókarinnar, segir lipurlega og ein-
læglega frá. Margt í frásögninni var
án efa óþægilegt að rifja upp en hún
gerir þessu skil á einlægan hátt þó
að í skömmina skíni þegar vel er eft-
ir henni skyggnst. Hún gerir þeim
fáu persónum sem hún kynnist á
leiðinni glettilega góð skil og finnst
manni þær standa ljóslifandi fyrir
framan mann! Það er vel af sér vikið
og í hvívetna gætir höfundur að því
að fjalla um persónur af virðingu,
hvort sem vel hefur farið á með þeim
eða ekki. Bókin Villt gefur lesendum
tækifæri til að setja sig í spor ungrar
konu í tilvistarkreppu, hátt uppi á
Kambaslóð.
Ljósmynd/Larry D. Moore
Höfundurinn Cheryl Strayed.
Úr heróíni í göngu-
skó og hugarró
Sjálfsævisaga
Villt – Leitin sem endaði á
Kambaslóðinni við Kyrrahafið
bbbbn
Eftir Cheryl Strayed. Elísa Jóhanns-
dóttir þýddi. Salka, 2014. 320 bls.
MALÍN BRAND
BÆKUR
Skosk-ítalska fiðlustjarnan Nicola
Benedetti mun í kvöld leika einn
vinsælasta fiðlukonsert Mozarts,
fiðlukonsert nr. 5, með Sinfón-
íuhljómsveit Íslands í Eldborg-
arsal Hörpu. Stjórnandi á tónleik-
unum verður austurríski hljóm-
sveitarstjórinn Hans Graf, aðal-
stjórnandi Sinfóníuhljómsveitar-
innar í Houston. Graf stýrði
Sinfóníuhljómsveit Íslands við
góðar undirtektir í fyrra og var
honum boðið að snúa aftur við
fyrsta tækifæri, að því er fram
kemur í tilkynningu.
Mozart samdi fiðlukonsert nr. 5
þegar hann var aðeins 19 ára og á
tónleikunum verða einnig flutt tvö
verk af svipuðum toga sem samin
voru undir áhrifum myndlistar,
Trittico Botticelliano eftir ítalska
tónskáldið Respighi og sinfónían
Mathis der Maler eftir Paul Hin-
demith. „Trittico Botticelliano eft-
ir ítalska tónskáldið Respighi sæk-
ir innblástur í þrjú meistaraverk
ítalska endurreisnarmeistarans –
Vorið, Aðdáun vitringanna og
Fæðingu Venusar. Annar end-
urreisnarmálari, Mathias Grüne-
wald, er söguhetja í óperu Hin-
demiths sem vakti hörð viðbrögð
nasista við frumflutninginn í
Þýskalandi árið 1934. Samhliða óp-
erunni samdi Hindemith sinfóníu
út frá sama efni, innblásinn af
hinni óviðjafnanlegu Isenheim-
altaristöflu þýska meistarans,“
segir um þau verk í tilkynningu.
Benedetti skaust upp á stjörnu-
himininn þegar hún fór með sigur
af hólmi í keppninni BBC Young
Musician of the Year árið 2004 en
á var hún aðeins 16 ára. Hún hefur
m.a. leikið á lokakvöldi Proms-
tónlistarhátíðarinnar miklu í
Lundúnum og er á samningi hjá
hinni virtu plötuútgáfu Deutsche
Grammophon. Tónleikarnir í kvöld
hefjast kl. 19.30.
Skosk-ítölsk fiðlustjarna
leikur með Sinfó
 Benedetti leik-
ur fiðlukonsert
nr. 5 eftir Mozart
Stjarna Skosk-ítalski fiðluleikarinn Nicola Benedetti leikur á tónleikum
Sinfóníuhljómsveitar Íslands í Eldborgarsal Hörpu í kvöld.
Listmálarinn Haukur Dór fagnar
50 ára starfsafmæli sínu með opnun
sýningar í Smiðjunni listhúsi í dag.
Á sýningunni eru verk eftir Hauk
frá síðustu tíu árum. Haukur nam
myndlist við Edinburgh College of
Art, Konungle gu listaakademíuna í
Kaupmannahöfn og síðar Visual
Art Center í Maryland í Bandaríkj-
unum. Hann hélt fyrstu einkasýn-
ingu sína árið 1962 og hefur síðan
haldið fjölda einkasýninga og tekið
þátt í samsýningum myndlist-
armanna og leirlistamanna víða um
lönd, eins og segir í tilkynningu.
Undanfarin ár hafi hann helgað sig
málaralistinni alfarið.
,,Fyrsta sýningin mín var á
Mokka fyrir hálfri öld. Á Kjarvals-
stöðum hef ég haldið nokkrar stór-
ar sýningar sem eru mér allar mjög
minnistæðar og ég tel að þær hafi
skipt miklu máli fyrir mig,“ er haft
eftir Hauki í tilkynningu. Mestu
áhrifavaldar hans séu Afríkulist,
frumbyggjar Ástralíu og myndir
hellisbúa og þá m.a. á Spáni og í
Frakklandi. „Ég skynja þessi verk
sem tilraun til að ná tökum á nátt-
úru, öndum og veiðidýrum. Á sama
hátt eru myndir mínar tilraun til að
ná tökum á mínu eigin lífi. Það má
deila um hvort það hefur tekist eða
ekki,“ segir Haukur Dór.
50 Haukur Dór við eitt verka sinna. Hann fagnar 50 ára starfsafmæli.
Fagnar 50 ára starfs-
afmæli með sýningu
Skipholt 50c • 105 Reykjavík • 582 6000 • www.computer.is
Síðan 1986
Sendum hvert
á land sem er
Fislétt fartölva
Acer Aspire ES1
• Skjár: 11,6 tommu HD (1366x768)
• Örgjörvi: Intel Dual Core 2,58 GHz Turbo
• Vinnsluminni: 4 GB (hámark í 8 GB)
• Harður diskur: 500 GB SATA3
• USB 3.0, HDMI, Bluetooth 4.0
• Myndavél, hljóðnemi
• Windows 8.1 64ra bita
• Aðeins 1280 grömm
• Örþunn og öflug
55.900 kr.