Morgunblaðið - 29.05.2015, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 29. MAÍ 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Útför Halldórs Ásgrímssonar, fyrrverandi for-
sætisráðherra og formanns Framsóknarflokks-
ins, var gerð frá Hallgrímskirkju í gær að við-
stöddu fjölmenni. Séra Pálmi Matthíasson
jarðsöng. Karlakórinn Fóstbræður og Sigrún
Hjálmtýsdóttur sungu við athöfnina. Kistuna
báru úr kirkju samstarfsmenn Halldórs úr
stjórnmálum og stjórnarráðinu ásamt forsætis-
ráðherra, Sigmundur Davíð Gunnlaugsson,
Finnur Ingólfsson, Jón Kristjánsson, Einar K.
Guðfinnsson, Davíð Oddsson, Guðmundur
Bjarnason, Jón Sveinsson og Helgi Ágústsson.
Halldór Ásgrímsson jarðsunginn
Morgunblaðið/Golli
Björn Jóhann Björnsson
bjb@mbl.is
Skemmtiferðaskipið Ocean Diamond
kom til hafnar á Seyðisfirði í gær, á
leið sinni frá Hamborg í Þýskalandi.
Enn eitt skipið, gæti einhver hugsað
með sér, en hið sérstaka við Ocean
Diamond er að rekstur þess er á
hendi íslensks fyrirtækis, Iceland
ProCruises. Skipinu verður siglt
nokkrar ferðir kringum Ísland í sum-
ar, með heimahöfn í Reykjavík, en
fyrsta ferðin er frá Miðbakka næsta
miðvikudag.
„Þetta eru þáttaskil í íslenskri
ferðaþjónustu,“ segir Óttar Sveins-
son, talsmaður Iceland ProCruises,
en fyrirtækið er að mestu í eigu Guð-
mundar Kjartanssonar hjá Iceland
ProTravel í Þýskalandi.
Ocean Diamond tekur um 220 far-
þega og áhöfnin er um 100 manns.
Skipstjórinn er norskur og hót-
elstjórinn þýskur, sem og kokkurinn.
Matur um borð verður að sögn Óttars
að miklu leyti unninn úr íslensku hrá-
efni og leiðsögumenn og skemmti-
kraftar verða íslenskir.
Farþegaskipti í Reykjavík
Í fyrstu siglingu sinni fyrir Iceland
ProCruises hafði skipið viðdvöl í
Frakklandi og á Englandi, Írlandi og
Skotlandi. Farþegar eru að mestu
leyti frá Þýskalandi, Bretlandi og
Bandaríkjunum. Áður en skipið kem-
ur til Reykjavíkur næstkomandi mið-
vikudag mun það hafa viðkomu á
Húsavík, í Grímsey, á Siglufirði og
Akureyri, í Vigur í Ísafjarðardjúpi og
þann 2. júní verður komið við í Flatey
á Breiðafirði. Þaðan liggur leiðin til
Reykjavíkur.
Að sögn Óttars verða sjö hring-
ferðir í sumar og þrjár ferðir til
Grænlands í ágúst og september.
Flogið verður með farþegana til Ís-
lands og skipt um hópana í Reykjavík
á tíu daga fresti. Í hringferðunum
mun skipið leggjast að í Stykk-
ishólmi, á Ísafirði, Siglufirði, Ak-
ureyri, Seyðisfirði, Höfn og í Eyjum,
auk þess að fara að Flatey á Skjálf-
anda. Þá eru 20 Zodiac-gúmbátar um
borð, sem Óttar segir gefa tækifæri
til að sigla með farþega á staði sem
hefðbundin skemmtiferðaskip hafa
ekki gert til þessa. Áhersla verður
lögð á að fara með farþega í land í
hverri höfn.
Óttar segir bókanir fara vel af stað.
„Miðað við að þetta er fyrsta árið þá
lítur þetta vel út, og þegar er farið að
bóka í ferðir á næsta ári, þar af eru
þrjár fullbókaðar,“ segir hann.
Demanturinn mættur til landsins
 Íslenskt fyrirtæki stendur fyrir siglingum skemmtiferðaskips kringum Ísland í sumar  Bókanir
líta vel út og strax búið að fylla þrjár ferðir 2016  Leiðsögumenn og skemmtikraftar íslenskir
Morgunblaðið/Pétur Kristjánsson
Íslandsferðir Ocean Diamond við bryggju á Seyðisfirði í gær. Þaðan liggur
leiðin norður fyrir og til heimahafnar í Reykjavík kemur skipið 3. júní nk.
Sjúklingum og aðstandendum þeirra
á sjúkrahóteli Landspítalans við Ár-
múla var gert að yfirgefa hótelið
þegar keppendur og fylgdarlið sem
hingað er komið til að keppa á Smá-
þjóðaleikunum kom. Hótelið var tví-
bókað og kom það forráðamönnum
Landspítalans í opna skjöldu þegar
sjúklingum þeirra var sagt að aðrir
þyrftu herbergin. Smáþjóðaleikarn-
ir fara fram 1.-6. júní.
Sjúkrahótelið er hugsað sem úr-
ræði fyrir þá sem þurfa heilsu sinn-
ar vegna að dvelja fjarri heima-
byggð vegna rannsókna og
meðferða. Það nýtist einnig þeim
sem hafa dvalið á sjúkrahúsi sem lið-
ur í frekari endurhæfingu og bata.
Ekki er hægt að gista á hótelinu
nema læknir eða hjúkrunarfræðing-
ur hafi skrifað upp á tilvísun þess
efnis.
„Við vissum ekki af þessu og erum
að bregðast við eins og er. Þetta
kom svolítið aftan að okkur og við
erum að átta okkur á stöðunni,“ seg-
ir Anna Sigrún Baldursdóttir,
hjúkrunarfræðingur og starfsmaður
á skrifstofu forstjóra LSH. Verkfall
hjúkrunarfræðinga og starfsmanna í
BHM sé nægur vandi og því megi
lítið útaf bera.
„Við erum auðvitað í vandræðum
vegna verkfallsins,“ bætir hún við en
vandamálið var svo nýtt af nálinni að
engar lausnir voru komnar. Hvorki
náðist í Óskar Örn Guðbrandsson,
verkefnastjóra leikanna, né Rögnu
Ingólfsdóttur, verkefnastjóra kynn-
ingarmála. benedikt@mbl.is
Sjúklingar yfirgefa sjúkrahótel LSH
Morgunblaðið/Golli
Tvíbókað Hótelið nýtist þeim sem hafa legið á sjúkrahúsi en búa úti á landi.
 Enn bætist við vanda Landspítalans
 Sjúkrahótelið reyndist vera tvíbókað
Umhverfis- og skipulagsráð Reykja-
nesbæjar hefur samþykkt breyt-
ingar á deiliskipulagi fyrir lóð Thor-
sil í Helguvík. Niðurstaða ráðsins er
að fyrirhuguð stóriðja í Helguvík
muni vera innan þeirra meng-
unarmarka sem krafist er í lögum,
reglum og starfsleyfi. Einnig hefur
Umhverfisstofnun auglýst tillögu að
starfsleyfi fyrir nýtt kísilver Thorsil.
Í fundargerð umhverfis- og skipu-
lagsráðs Reykjanesbæjar frá í gær
er farið ítarlega yfir athugasemdir
sem bárust og síðan segir „í ljósi alls
þessa sem að framan getur og þess
að deiliskipulagsbreytingin sam-
ræmist aðalskipulagi samþykkir um-
hverfis- og skipulagsráð breyting-
una á deiliskipulagi í Helguvík“. Alls
bárust ráðinu 287 athugasemdir frá
einstaklingum, sem eru nánast sam-
hljóða í megindráttum, og frá sjö fé-
lögum og fyrirtækjum.
Segir í fundargerðinni að rétt sé
að loftmengun aukist með tilkomu
kísilvers að Berghólabraut 8 en síð-
an er vitnað í álit Skipulagsstofn-
unar um mat á umhverfisáhrifum
Thorsil í Helguvík þar sem segir „að
í matsskýrslu Thorsil sé sýnt fram á
að styrkur ryks og köfnunarefnisox-
íða vegna samlegðaráhrifa með kís-
ilverksmiðju United Silicon og álveri
Norðuráls verði innan marka reglu-
gerðar...“
Deiliskipu-
lagi breytt
í Helguvík
 Starfsleyfi fyrir
Thorsil auglýst
Ferðamönnunum tveimur sem slös-
uðust alvarlega í bílslysi við Hellis-
sand í gærmorgun er haldið sofandi
á gjörgæslu Landspítalans. Fólkið
er af kínversku bergi brotið og var
á ferð ásamt fjórum öðrum þegar
bíllinn valt. Þau voru flutt á sjúkra-
hús með þyrlu Landhelgisgæsl-
unnar. Samkvæmt upplýsingum frá
Landspítalanum eru þau þungt
haldin og verður haldið sofandi
áfram.
Yfirlögregluþjónn hjá lögregl-
unni á Vesturlandi segir að umferð-
aróhöppum þar sem útlendingar
koma við sögu hafi fjölgað mikið í
vetur. Skýringin sé meðal annars
sú að þeir séu óvanir veðri og veg-
um landsins.
Tveir ferðamenn
þungt haldnir eftir
veltu við Hellissand