Dagblaðið Vísir - DV - 26.02.2010, Síða 20

20 FÖSTUDAGUR 26. febrúar 2010 FRÉTTIR
Þú gætir dottið í lukkupottinn
Í hverri viku drögum við út einn heppinn sem fær matarkörfu
frá Bónus að andvirði 15 þúsund krónur!
Skráðu þig í netklúbb DV á DV.IS
Vertu með í netklúbbi DV!
MÁL FALSAÐRA VEGABRÉFA
Morðið á Hamas-liðanum Mahmoud al-Mabhouh hefur verið gagnrýnt víða innan Evrópusambandsins.
Þó virðist sem morðið sjálft fari ekki fyrir brjóstið á evrópskum ráðamönnum heldur sú staðreynd að
tilræðismennirnir notuðu við verkið fölsuð vegabréf. Þeir voru ekki einir um það því fórnarlambið átti
mörg vegabréf.
Vestræn ríki hafa farið mikinn í
gagnrýni á Mossad, leyniþjón-
ustu Ísraels, og á Ísraelsríki vegna
morðsins á Mahmoud al-Mabhouh
í Dúbaí þann 19. janúar. Það sem
einna helst hefur farið fyrir brjóst-
ið á vestrænum ríkisstjórnum er að
við verknaðinn voru notuð fölsuð
vegabréf, meðal annars bresk, írsk
og frönsk.
Samkvæmt frétt á vefsíðu Reut-
ers hefur Mahmoud al-Mabhouh
ekki verið hótinu skárri en bana-
menn hans hvað vegabréf varð-
ar því hann viðhafði sömu vinnu-
brögð og þeir; notaði vafasöm
vegabréf og dulargervi í ferð sinni
til Dúbaí þar sem ætlunin var að
afla Hamas-samtökunum vopn.
Þetta hefur Reuters eftir ónafn-
greindum trúnaðarvini Mabhouh.
Að sögn trúnaðarvinarins tók
Mabhouh eigið öryggi afar alvar-
lega og skipti þá engu hvort hann
skaut að bifreið sem hafði verið
ekið ítrekað fram hjá heimili hans
í Sýrlandi eða forðaðist herbergis-
þjónustu á hótelum.
Skurðaðgerð, litaðar linsur,
litað hár
„Hann var vanur að nota litaðar
linsur og lita á sér hárið þegar hann
ferðaðist til Evrópulanda,“ sagði
trúnaðarvinurinn sem að eigin
sögn eyddi tveimur árum í útlegð
með Mahmoud al-Mabhouh.
Mahmoud al-Mabhouh útveg-
aði Hamas-samtökunum og sam-
tökum hliðhollum þeim fé og vopn.
„Hann var með mörg vegabréf fyrir
ólík þjóðerni – öll arabísk. [...] Ný-
lega gekkst hann undir skurðað-
gerð til að breyta á sér nefinu. Það
varð mjórra,“ hafði Reuters eftir
trúnaðarvininum.
Lögreglan í Dúbaí hefur ekki
upplýst með formlegum hætti
hvaða vegabréf Mahmoud al-Mab-
houh notaði við komuna til lands-
ins en Reuters hefur eftir bróður
hans að Mabhouh hefði komið til
Dúbaí með palestínskt vegabréf og
samkvæmt því hefði fjölskyldunafn
hans verið Hassan.
Trúnaðarvinur Mahmoud al-
Mabhouh sagði hann hafa lifað
óvenjulegu lífi: „Hann var tortrygg-
inn, varkár, og hann sagði aldrei
nokkrum manni, ekki einu sinni
konu sinni, frá fyrirætlunum sín-
um.“
Stækkandi hópur grunaðra
Síðan morðið komst í hámæli hef-
ur vart liðið sá dagur að ekki fjölgi
í hópi grunaðra morðingja. Sam-
kvæmt yfirvöldum í Dúbaí voru
það tuttugu og sex einstaklingar
sem fylgdust með ferðum Mah-
moud al-Mabhouh og stóðu síðan
að morðinu á honum. Hópurinn
notaði fölsuð bresk, írsk, frönsk,
þýskt og áströlsk vegabréf.
Fólk með sömu nöfn og margir
hinna grunuðu búa í Ísrael og full-
yrðir það að persónuupplýsingum
þess hafi verið stolið. Misnotkun
vegabréfanna hefur vakið hörð við-
brögð hjá Evrópusambandinu og
nú síðast hjá áströlskum yfirvöld-
um og ríkisstjórnir sumra þeirra
landa sem tengjast málinu fyrir
tilstilli fölsuðu vegabréfanna hafa
kallað sendherra Ísraels á sinn
fund.
Krítarkort frá sama banka
Af þeim sem grunaðir eru um
morðið á Mahmoud al-Mabhouh
notuðu tólf bresk vegabréf, sex not-
uðu írsk vegabréf, þrír notuðu ástr-
ölsk, fjórir frönsk og einn notaði
þýskt vegabréf. Sex konur eru í hópi
hinna meintu tilræðismanna.
Hin grunuðu komu með flugi
til Dúbaí frá München, París, Róm,
Mílanó og Hong Kong.
Lögreglan í Dúbaí telur að nýj-
asta viðbótin í hópi grunaðra hafi
haft með hendi flutningastjórnun
vegna verkefnisins. Margt af þessu
fólki hafi í fórum sínum krítarkort
sem gefin höfðu verið út af sama
bandaríska bankanum sem ekki
hefur verið upplýst hver er.
Ísraelar hafa sagt að Mabhouh
hafi leikið lykilhlutverk í smygli á
flugskeytum frá Íran til Gaza og að
hann hafi verið viðriðinn í ráni og
morði á tveimur ísraelskum her-
mönnum fyrir tuttugu árum.
Drápið lofað
Ísraelskir embættismenn hafa vís-
að á bug fullyrðingum um aðild
Mossad, utanríkisleyniþjónustu
landsins, að drápinu á Mahmoud
al-Mabhouh, en hafa ekki með
neinum afgerandi hætti neitað ein-
hverju hlutverki í því sambandi.
Ríkisstjórn Ísraels hefur alla
jafna haldið sig við „tvíræðni“ hvað
varðar starfsemi Mossad og sú er
einnig raunin nú. En Tzipi Livni,
fyrrverandi forsætisráðherra og
leiðtogi stjórnarandstöðuflokks-
ins Kadyma, gekk þó svo langt á
þriðjudaginn að lofa drápið á Mah-
moud al-Mabhouh: „Sú staðreynd
að hryðjuverkamaður var drepinn,
og þá skiptir engu máli hvort það
var í Dúbaí eða á Gaza, eru góð-
ar fréttir fyrir þá sem berjast gegn
hryðjuverkum.“
Trúnaðarvinur Mabhouh, sem
Reuters vitnar í, sagði að hann
hefði verið á sífelldum ferðalögum
og bókað ferðirnar sjálfur á ferða-
skrifstofum eða á netinu, en að
hann hefði ekki farið til Íran síðast-
liðin þrjú ár. Stuðningur Írans við
Hamas hefur ekki verið neitt laun-
ungarmál.
KOLBEINN ÞORSTEINSSON
blaðamaður skrifar: kolbeinn@dv.is
Hann var tor-trygginn, var-
kár og hann sagði
aldrei nokkrum manni,
ekki einu sinni konu
sinni, frá fyrirætlunum
sínum.
Sífellt fjölgar grunuðum Fjöldi
meintra tilræðismanna í Dúbaí er
kominn í tuttugu og sex.
Maður margra vegabréfa Mahmoud al-Mabhouh notaði vafasöm vegabréf
líkt og meintir morðingjar hans. MYND: AFP
með erlendu