Dagblaðið Vísir - DV - 23.04.2010, Síða 33

ANNAÐ HRUN Á HÓTEL LAKA
HVAÐ SEGJA BÖRN-
IN UM ELDGOSIÐ?
Mjög hrædd við öskuna
Lilja er sjö ára nemandi í grunnskólanum á Hvolsvelli
„Eldgosið gýs upp úr jöklinum og það er rautt á litinn. Ég er pínuhrædd við eldgosið en ég er mjög hrædd
við öskuna. Ég hélt að hún ætlaði að
koma á okkur og þá yrðum við kannski
að fara eitthvað annað. Askan er hættu-
leg fyrir dýrin því kálfarnir eru svo litl-
ir að þeir geta dáið út af öskunni. Þegar
ég verð mjög hrædd fer ég til mömmu og
pabba. Mamma fór með mig inn í rúm
og ég sofnaði í smástund. Það var betra.
Ég þurfti að flýja á Heimaland og vekja
vinnumanninn því hann var í kjallaran-
um og var í hættu. Það var líka gott að
komast í skólann því ég var í löngu fríi.
Þá var ég að hjálpa pabba í fjárhúsinu og
mjólka kýrnar af því að ég komst ekkert af
því að það flæddi vatn. Pabbi er í björgun-
arsveitinni og hann passar okkur.“
Óttaðist um ömmu og afa
Freyja er sjö ára nemandi
í grunnskólanum á Hvolsvelli
„Ég er mjög hrædd við eldgosið. Af því að maður getur brennt sig ef
maður kemur nálægt því og ég var svo hrædd um að það myndi koma
á húsið hjá ömmu og afa. Við sáum í sjónvarpinu að það væri komið
eldgos en svo hringdu amma og afi í okkur og létu vita að það væri
allt í lagi með þau, þau sögðu það. Ef ég verð mjög hrædd horfi ég á
sjónvarpið og sé hvort það er allt í lagi með fólkið sem er nálægt eld-
gosinu. Ég fór líka að hjálpa ömmu og afa. Við vorum mjög mörg að
moka drulluna af bænum hjá ömmu og afa. Það var mikið af drullu
og við vorum alveg heilan dag. Það er smá eftir en afi ætlar að klára
það. Drullan var mjög grá.“
Erfitt að vera inni
Tara Karítas er fimm ára nemandi í leikskólanum á Vík
„Ég veit hvað eldgos, eldur og aska er og það er fullt hjá mér og á hús-
inu mínu. Ég á grímu en ég fer aldrei út. Ég var inni alla helgina. Það
er erfitt að vera svona lengi inni og gera ekki neitt. Ég teiknaði eld-
gos. En ég er ekkert hrædd. Pabbi hefur farið upp á eldgosið, en hann
flaug með afa.“
Missti kallinn sinn í öskuna
Birnir Frosti er fimm ára nemandi í leikskólanum í Vík
„Ég hef séð eldgos, ég sá meira að segja hraunfoss. Ég fór þang-
að og ég var ekkert hræddur. En þegar askan kom þurfti ég að
vera inni. Ég var bara að leika mér en það var leiðinlegast að ég
fékk eiginlega aldrei að fara í Super Mario Bros. Kallinn minn
datt bara óvart úr vasanum mínum og var í grasinu og þá varð
hann alveg svartur. Ég mátti fara út að sækja hann þegar askan
var farin.“
Eldgos og svört aska
Eva er fimm ára nemandi í leikskólanum á Vík
„Ég veit hvað eldgos er. Það heitir Eyjafjallajökull. Það kemur eld-
ur úr eldgosinu og svört aska og þá þurfum við að vera inni.“
Gríman er alltaf að detta niður
Þórhildur Alexandersdóttir er sex ára nemandi
í grunnskólanum á Vík
„Ég þarf að vera með grímu þegar ég fer út, en hún er alltaf að
detta niður. Ég þarf alltaf að laga hana. En ég er ekkert hrædd við
eldgosið. Mér fannst bara leiðinlegt að vera svona lengi inni.“
Í þriggja kílómetra fjarlægð frá
Kirkjubæjarklaustri reka hjón-
in Erla Ívarsdóttir og Gísli Kjart-
ansson Hótel Geirland. Þau hafa
eins og aðrir á svæðinu orðið fyr-
ir miklu tjóni af völdum eldgoss-
ins í Eyjafjallajökli. Tapið nemur
allt frá sjö hundruð þúsundum og
upp í milljón. „Frá fyrsta degi hef-
ur gosið haft áhrif á okkur. Fólk
kemst ekki til landsins og þeir sem
eru á landinu komast ekki til okkar
eða taka ekki áhættuna á því út af
gjóskunni.
Fréttflutningur erlendis hef-
ur líka örugglega haft áhrif þar á
þar sem við höfum fengið marg-
ar fyrirspurnir frá útlendingum
sem hafa starfað hér varðandi það
hvort Ísland sé að sökkva, hvort
það sé í lagi með okkur, hvort við
fáum mat og hvort við vöðum ösku
upp að mitti. Ég veit ekki hvar ýkj-
urnar eru, kannski er fréttaflutn-
ingurinn svona og kannski er fólk
að búa þetta til sjálft,“ segir Erla.
„Nú eru stjórnvöld allavega búin
að setja af stað ferli til þess að
fréttaflutningur verði sannari og
skili meiri árangri.
En verst er náttúrlega að vita
ekki hversu lengi þetta muni vara,
síðast stóð gosið yfir í átján mán-
uði með hléum. Það er vonandi að
það hætti sem fyrst. Við verðum
bara að þrauka og reyna að lifa það
af. Bjargráðasjóður kemur okkur
örugglega ekki til bjargar, við verð-
um bara að bíta í það súra epli.“
Þau hjónin hófu reksturinn fyr-
ir tuttugu og þremur árum og hafa
byggt hann smám saman upp síð-
an. „Efnahagshrunið hjálpar held-
ur ekki. En ég lít á þetta tímabil
sem eitt af þeim verkefnum sem
lífið býður upp á og ég veit að það
þýðir ekkert annað en að horfa
bjartsýn fram á veginn og svo sé ég
hvað kemur út úr því. Ég fer ekki
að örvænta fyrr en í byrjun júní, ef
fólk heldur svona glórulaust áfram
að afbóka. Ég held að það komi í
ljós á næstu vikum hvernig sumar-
ið verður og það fer auðvitað eftir
því hvernig gosið hagar sér.“
ingibjorg@dv.is
Erla Ívarsdóttir og Gísli Kjartansson á
Hótel Geirlandi hafa tekið á móti afbók-
unum fram í júní vegna eldgossins.
Bjargráðasjóður
bjargar okkur ekki
Í leikskólum og grunnskólum í Vík og á Hvolsvelli er greini-
legt að eldgosið hefur haft mikil áhrif á börnin, sem hafa
þakið heilu veggina með myndum af eldspúandi fjöllum.
Fegin að komast út Á leikskólanum í Vík í Mýrdal
fögnuðu börnin því að lífið var að komast aftur í samt
horf eftir að þau þurftu meira og minna að dúsa
inni á meðan mesta öskufallið varð um helgina. Hér
sjáum við frá vinstri, Vigni, Töru Karítas, Evu og Birni.
Gleymir ekki grímunni Þórhildur
Alexandersdóttir, sex ára nemandi í
grunnskólanum í Vík, er dugleg að nota
grímuna þegar hún fer út.
Eldgosamyndir
Þar sem börn
hafa ekki sömu
getu til þess að tjá
tilfinningar sínar
og upplifanir er
mikilvægt að
þau tjái sig í
gegnum leik og
myndir. Í leik- og
grunnskólum á
Hvolsvelli og í Vík
eru veggirnir fullir
af eldgosamynd-
um barnanna.
Óttast eldgosið Nemendur í grunnskólanum á Hvolsvelli hafa sumir
hverjir komist í návígi við eldgosið og öskuna. Lilja situr á skopparaboltan-
um. Hún er mjög hrædd við öskuna því hún óttast um afdrif kálfanna á
meðan Freyja sem situr við hlið hennar er hrædd um ömmu sína og afa.
Draumur í uppnámi Draumurinn
um heilsársheilsulind á Hótel Laka
verður varla að veruleika ef fram fer
sem horfir, fyrst varð efnahagshrunið
á Íslandi og í kjölfarið kom eldgos.
Afbókanir í hrönnum
Ferðaþjónustan á Kirkjubæjar-
klaustri er steindauð. Hér sést
inn í morgunverðarsalinn á
Geirlandi þar sem ferðamenn
hafa afbókað sig í hrönnum.
23. apríl 2010 FÖSTUDAGUR 33ELDGOSIÐ