Dagblaðið Vísir - DV - 20.04.2012, Blaðsíða 8

8 Fréttir 20.–22. apríl 2012 Helgarblað
Gæti fengið „ofsakvíðakast“
n Þurfa að víkja úr dómsal á meðan fórnarlamb ber vitni
E
instaklingarnir sex sem eru
ákærðir í Hells Angels-málinu
svokallaða verða að yfirgefa
dómsalinn á meðan fórnar-
lambið gefur skýrslu við aðalmeðferð
málsins, samkvæmt úrskurði Hæsta-
réttar. Séð verður til þess að ákærðu
geti fylgst með skýrslutöku um leið og
hún fer fram, svo og að ákærðu geti
lagt spurningar fyrir fórnarlambið.
Á meðal ákærðu í málinu er Einar
„Boom“ Marteinsson, fyrrverandi for-
seti Hells Angels á Íslandi, og Andrea
Krístín Unnarsdóttir sem einnig er
þekkt sem Andrea „slæma“ stelpa.
Það var réttargæslumaður fórnar-
lambsins sem krafðist þess við fyrir-
töku málsins að ákærðu víki úr sal og
féllst dómurinn á að nærvera ákærðu
gæti orðið fórnarlambinu sérstaklega
til íþyngingar og haft áhrif á framburð
þess. Verjandi eins ákærða kærði úr-
skurðinn til Hæstaréttar og fór einn-
ig fram á að heimild framlagningu
skýrslu  Europol  á ensku yrði felld úr
gildi og framlagningu gagnsins, án
þýðingar, yrði synjað.
Á meðal gagna sem lögð voru fram
við fyrirtöku málsins var vottorð sál-
fræðings sem hefur haft fórnarlambið
til meðferðar frá deginum eftir árás-
ina. Í vottorðinu segir að atvik máls-
ins hafi haft víðtæk og alvarleg áhrif
á brotaþola og að hún þjáist af alvar-
legri áfallastreituröskun og þunglyndi
vegna árásarinnar. Þá segir einnig að
þurfi fórnarlambið að gefa skýrslu í
nærveru ætlaðra gerenda séu raun-
verulegar líkur á því að hún muni
upplifa ofsakvíðakast, sem skerða
myndi getu hennar til að greina frá
reynslu sinni.
Viðurkennir
að hafa
áreitt barn
um árabil
n Íslenskur karlmaður grunaður um kynferðisbrot í Svíþjóð og á Íslandi
E
mbætti saksóknara í Växsjö
í Svíþjóð hefur til rann-
sóknar meint barnaníð
rúmlega fimmtugs íslensks
karlmanns. Maðurinn er
grunaður um að hafa á árunum
2007–2011 misnotað, áreitt og
nauðgað stúlku. Stúlkan, sem er
fjórtán ára, mun hafa kært málið
sjálf. Árið 2007, þegar misnotkunin
er talin hafa byrjað, var stúlkan því
aðeins tíu ára.
Á Íslandi og í sænsku
Smálöndunum
Brotin áttu sér stað bæði í Svíþjóð og
á Íslandi og er kæra stúlkunnar tví-
þætt. Annars vegar hefur hún kært
manninn fyrir kynferðislega mis-
notkun á Íslandi og í Alvesta í sænsku
Smálöndunum. Hins vegar hef-
ur hún kært manninn fyrir að hafa
nauðgað sér á árunum 2007–2011 á
Íslandi.
DV hefur haft samband við yfir-
völd í Svíþjóð sem vilja ekki tjá sig
um málið að svo stöddu. Vísuðu þau
í gæsluvarðhaldsúrskurð sem gef-
inn hefur verið út og DV hefur und-
ir höndum. Þar kemur fram að mað-
urinn hafi viðurkennt kynferðislega
áreitni en neiti að hafa misnotað eða
nauðgað stúlkunni.
Handtekinn á
föstudaginn langa
Maðurinn var handtekinn á föstu-
daginn langa og yfirheyrður yfir
páskahelgina. Maðurinn naut að-
stoðar íslensks túlks við yfirheyrsl-
urnar. Var maðurinn úrskurðaður
í gæsluvarðhald þann tíunda apríl
síðastliðinn. Í gæsluvarðhalds-
úrskurðinum kemur fram að sak-
sóknara og lögreglu sé falið að
kanna ásakanir um kynferðislega
misnotkun á Íslandi
og í Svíþjóð, auk
nauðgunar á Íslandi.
Er ekki tekið sérstak-
lega fram að rann-
sókn á áreiti sé um að
ræða.
Í gæsluvarðhaldi
Maðurinn er í varð-
haldi í Växsjö og hafa
sænsk yfirvöld til 24.
apríl næstkomandi
til þess að rannsaka
málið og birta mann-
inum ákæru. Sak-
sóknara er gefinn svo
skammur tími til rannsóknar þar
sem talsverður tími er liðinn frá
því að málið var kært. Er það tekið
fram að maðurinn sé úrskurðað-
ur í gæsluvarðhald þar sem það sé
vinnuregla í slíkum málum. Hins
vegar sé einnig ástæða til að óttast
að ákveðin áhætta felist í að mað-
urinn gangi laus; að sönnunargögn
fari til spillis eða hann haldi ætluð-
um brotum sínum áfram. Brot sem
þessi varða allt að tveggja ára fang-
elsisvist í Svíþjóð hið minnsta.
Íslensk yfirvöld vita af málinu
Lögregluyfirvöldum á Íslandi er
kunnugt um málið, en það hefur
þó ekki ratað inn á borð þeirra og
hafa sænsk yfirvöld ekki farið fram
á rannsókn hérlendis. Í samtali við
DV sagði Björgvin Björgvinsson, yfir-
maður kynferðisbrotadeildar lög-
reglunnar á höfuðborgarsvæðinu:
„Þetta hefur ekki komið til okkar og
við höfum ekki verið beðin um að
rannsaka það.“ Ekki er þó ólíklegt að
sænsk yfirvöld hafi samband við ís-
lensku lögregluna vegna málsins í
nánustu framtíð.
„Árið 2007, þeg-
ar misnotkunin
er talin hafa byrjað, var
stúlkan því aðeins tíu ára.
Ásta Sigrún Magnúsdóttir
blaðamaður skrifar astasigrun@dv.is
Kærður fyrir brot á Íslandi og
í Svíþjóð Maðurinn hefur verið
kærður fyrir brot sem áttu sér stað á
Íslandi og í sænsku Smálöndunum.
Växjö
Alvesta
Fimmtán ára Stúlkan
sem kærði segir brotin
hafa átt sér stað á
árunum 2007–2011. Árið
2007 var stúlkan 10 ára.
(Myndin er sviðsett)
Í Héraðsdómi Reykjaness Einar
„Boom“ Marteinsson, fyrrverandi forseti
Hells Angels á Íslandi, við þingfestingu
málsins.
Sjóður fyrir tekjulágar konur:
Stuðningur til
menntunar
Mæðrastyrksnefnd Reykjavíkur
hefur stofnað Menntunarsjóð
til að styrkja tekjulágar konur
til frekari menntunar svo að
þær eigi betri möguleika á góðu
framtíðarstarfi. Sjóðurinn var
kynntur í húsakynnum nefnd-
arinnar á sumardaginn fyrsta,
fimmtudag.
Stofnfé og höfuðstóll sjóðsins
er 5 milljónir króna og byggist á
gjöf Elínar Storr til Mæðrastyrks-
nefndar Reykjavíkur.
„Í starfi okkar fyrir Mæðra-
styrksnefnd Reykjavíkur höfum
við kynnst fjölda hæfileikaríkra
kvenna sem þurfa að leita til
nefndarinnar sökum bágs efna-
hags, en gætu átt kost á betri lífs-
kjörum ef þær fengju stuðning
til að afla sér meiri menntunar,“
segir Elín Hirst, formaður sjóðs-
ins.
Menntunarsjóður Mæðra-
styrksnefndar Reykjavíkur ætlar
að efna til sérstaks átaks til að
afla sjóðnum tekna með sölu
Mæðrablóms, en gert er ráð fyrir
að slíkt átak verði haldið árlega
í tengslum við mæðradaginn;
annan sunnudag í maí.
Að þessu sinni hefur Stein-
unn Sigurðardóttir fatahönnuð-
ur hannað fallegt rautt Mæðra-
blóm sem selt verður á völdum
stöðum í tilefni mæðradagsins.
Hönnunin er gjöf Steinunnar til
Menntunarsjóðs Mæðrastyrks-
nefndar Reykjavíkur.
Óskað verður eftir sjálfboða-
liðum til að fjöldaframleiða
blómið og eru allir velkomnir að
taka þátt í Ráðhúsi Reykjavíkur
þriðjudaginn 24. apríl frá klukk-
an 17 til 21. Íslenskir hönnuðir
verða verkstjórar og leiðbeina
við verkið. Auglýst verður eftir
umsóknum í vor og fyrsta úthlut-
un verður fyrir nám sem hefst á
haustönn 2012.
Á myndinni má sjá Steinunni
Sigurðardóttur fatahönnuð, sem
hannaði Mæðrablómið, ásamt
sjálfboðaliðum búa til Mæðra-
blóm.