Dagblaðið Vísir - DV - 20.04.2012, Page 38

38 20.–22. apríl 2012 Helgarblað
Stórafmæli Óskar Elvar Guðjónsson hugbúnaðarsérfræðingur 60 ára 20. apríl
85 ára
21. apríl Elísabet drottning
fagnar stórafmæli um helgina.
74 ára
22. apríl Ofurtöffarinn og sjarmörinn Jack Nicholson
er einn sá allra vinsælasti í Bandaríkjunum.
28 ára
20. apríl Austurríska þokkadísin
Miranda Kerr er gift leikaranum
Orlando Bloom.
Ó
skar Elvar er uppalinn
að Melstað við Klepps-
veg. Melstaður stóð
um það bil þar sem
nú er Olís við Sæbraut.
„Þetta var alveg frábært,
Kleppsvegurinn rétt að byrja
að byggjast og stórkostlegt
leiksvæði með víðum völlum.
Vatnagarðarnir voru óhreyfð-
ir og bragginn sem Loftleiðir
notuðu fyrir flugskýli stóð
þar. Það var flott skautasvell í
Vatnagörðunum á vetrum og
við krakkarnir notuðum það
mikið. Svo voru trillukarlarnir
að gera út þarna líka og sóttust
í grásleppuna á vorin. Hann
Óli var þarna öllum lengur að
gera út trillu og frúrnar komu
oft ofan úr bæ til að kaupa af
honum rauðmaga í soðið. Ég
man að karlarnir sóttu mikið
út fyrir Engey.“
Allir kraftmiklir drengir
dragast að þar sem er fjara og
bátakarlar og skapa þar sinn
ævintýraheim. „Við smíðuðum
okkur bæði báta og fleka en
komumst aldrei langt á þess-
um farkostum. Við settum æv-
inlega stefnuna á Viðey en það
sökk alltaf undan okkur nánast
í fjöruborðinu. Það var ekki fyrr
en ég var orðinn 11 ára og kom-
inn á aðkeyptan slöngubát sem
við náðum út í Viðey en það var
stór stund eftir mikla fyrirhöfn
og mikla baráttu,“ segir Óskar
og æskuljóminn gerir vart við
sig í rósemdarsvipnum.
Það var því að vonum að
þegar hann var drengur stefndi
hann að því að verða bæði
smiður og sjómaður þegar
hann yrði stór. „Við smíðuðum
mikið, fyrir utan bátana gerð-
um við mikið af kofum. Nóg var
af efni í heilu kofaþyrpingarnar,
enda landrýmið ekki skorið við
nögl. Það var verið að byggja
allt í kringum okkur. Við hjálp-
uðum húsbyggjendum í hverf-
inu sem voru með fullar lóðir
af spýtum að grynnka aðeins
á haugunum. Seinna varð ég
svo sjómaður. Þegar ég var í
menntaskóla var ég öll sumur
kyndari á síðutogara, bv. Nep-
túnusi sem Tryggvi Ófeigsson
gerði út.
Þegar ég var yngri var ég
alltaf í sveit á sumrum að Mið-
húsum í Gnúpverjahreppi og
það var ómetanlegur skóli fyrir
lífið. Þar lærði maður eiginlega
undirstöðu þess að takast á við
allt það sem lífið færir manni.“
Eftir að í háskóla kom og
Neptúnusi hafði verið lagt réðst
Óskar á fjöll þar sem verið var
að koma upp virkjun við Sig-
öldu. „Þar var magnað að vera,
mikil vinna og margir merki-
legir karakterar sem maður
kynntist þar. Ég velti stundum
fyrir mér hvort svoleiðis menn
séu ennþá til,“ segir hann og
hlær að minningunni.
Óskar lauk stærðfræði
í Háskóla Íslands og hefur
starfað við hana síðan enda
lífið svo sem eitt allsherjar
reikningsdæmi ef út í það er
farið. „Eftir skóla kenndi ég
stærðfræði í MS í 11 ár. Árið
1985 hóf ég störf hjá Verk- og
kerfisfræðistofunni sem síð-
ar varð VKS. EN 1999 keypti
Kögun VKS og ég fylgdi með.
2010 sameinuðust Skýrr og
Kögun og enn fylgdi ég með.
Svo núna 2012 var skipt um
nafn og nú starfa ég hjá Ad-
vania. Samt er ég enn í starf-
inu sem ég byrjaði í fyrir 27
árum,“ segir hann brosmild-
ur.
„Merkasta upplifun mín er
vafalaust þegar ég í stærðfræði-
tíma upplifði stóra skilninginn
á stærðfræðinni. Það laukst
allt í einu upp fyrir mér hvað
stærðfræðin er miklu stærri
og merkilegri fræðigrein en ég
hafði ímyndað mér. Ég beinlín-
is táraðist af gleði og fögnuði,“
segir Óskar og horfir hugsandi
til lofts.
Ekki verður mikið um til-
stand í tilefni dagsins. „Ég
hélt vel upp á afmælin mín
í gamla daga. Síðast var
mikil veisla þegar ég varð
fimmtugur og það dugir al-
veg. Nú verð ég að heiman
á afmælisdaginn og reyni
kannski við æskudraum-
inn og munda hamarinn til
einhvers gagns,“ segir hann
glaður á brá.
Sökk undan okkur
á leið út í Viðey
Fjölskylda Óskars Elvars
Foreldrar: Unnur Óskarsdóttir húsmóðir f. 1933 ogGuðjón Ólafur Guð-
mundsson, sjómaður og útgerðarmaður f. 1928 d. 1975
Fósturfaðir: Halldór Birgir Olgeirsson vélstjóri f. 1931 – d. 2005
Síðari maður móður: Þorkell Indriðason, sjómaður og verkstjóri f.
1925
Maki: Hallbjörg Thorarensen leikskólastjóri f. 1953
Barn: Þórir Óskarsson tryggingastærðfræðingur f. 1975
Hans kona: Védís Helga Eiríksdóttir lýðheilsufræðingur f. 1976
Þeirra börn: Fjalar Hrafn f. 2003, Auður Ísold f. 2004 og Steinar Bragi f.
2011
Barn: Hallmar Óskarsson f. 1979 – d: 2004
Barn: María Óskarsdóttir stærðfræðingur f. 1986
Hennar maður: Friðrik Freyr Gautason eðlisfræðingur f. 1986
Þeirra barn: Hallmar Gauti f. 2010
20. apríl
1939 Heimssýningin í New York
hefst.
1945 Í seinni heimsstyrjöldinni
taka bandarískir hermenn yfir
Leipzig í Þýskalandi en þurfa
síðar að gefa borgina eftir í
baráttu við Sovétríkin.
1961 Gefið er leyfi í Bandaríkj-
unum fyrir FM-útsendingum í
steríó.
1972 Appollo 16 lendir á
tunglinu.
1976 Bítillinn George Harrison
syngur lagið um skógarhöggs-
mennina með Monty Python.
1977 Kvikmyndin
Annie Hall í leik-
stjórn Woody Allen
er frumsýnd.
1998 Þýski
hryðjuverkahópurinn Rauði her-
inn tilkynnir að hann sé hættur
störfum eftir 28 ár.
1999 Teiknimyndin A Bugs Life
er flutt af stafrænu formi yfir á
DVD en ekki VHS og verður þar
af leiðandi fyrsta hreina og klára
DVD-myndin.
1999 Eftir fjöldamorðin í
Columbine-menntaskólanum
liggja 15 krakkar í valnum og 24
eru særðir.
21. apríl
1910 Rithöfundurinn Samuel
Langhorne Clemens, betur
þekktur sem Mark Twain, deyr.
1944 Konur í Frakklandi fá að
kjósa í fyrsta skiptið.
1960 Borgin
Brasilía verður
höfuðborg lands-
ins Brasilíu.
1963 Bítlarnir
og The Rolling Stones hittast
í fyrsta skipti í Crawdaddy-
klúbbnum í Richmond á Englandi.
1973 Lagið Tie A Yellow Ribbon
Round The Old Oak Tree með
Dawn og Tony Orlando er
vinsælasta lagið á breska
smáskífulistanum.
1984 Eftir 37 vikur á toppi
Billboard-listans missir Thriller
í flutningi Michael Jackson
loks toppsætið og við tekur
Footloose.
1986 Fréttamaðurinn Geraldo
Rivera opnar peningaskáp
glæpamannsins Als Capone í
beinni útsendingu og finnur ekki
neitt.
22. apríl
1915 Notkun eiturgass í fyrri
heimsstyrjöldinni magnast
þegar klórgas er notað sem
eiturefnavopn í seinni baráttunni
um Ypres.
1930 Bandaríkin, Bretland og
Japan sættast á að minnka
sjóher sinn.
1952 Fyrsta atómsprengjan er
sprengd í beinni útsendingu í Nob
í Nevada-fylki.
1955 Bandaríska
þingið skipar svo
fyrir að öll mynt í
landinu skuli bera
setninguna: „In God
We Trust“.
1970 Fyrsti „Earth Day“ er
haldinn hátíðlegur.
1991 Intel gefur út 486SX-
tölvukubbinn.
1991 Johnny Carson tilkynnir
að hann muni brátt hætta með
kvöldþátt sinn.
1994 Richard Nixon, fyrrverandi
Bandaríkjaforseti, deyr.
2000 Símanúmerakerfið í
Bandaríkjunum er tekið rækilega
í gegn og skapast álíka glundroði
og þegar öll íslensk númer fengu
tölustafinn 5 fremst á númerið.
Merkis-
atburðir
Ekkert tilstand Óskar verður að heiman á afmælisdaginn
Njóttu með þeim sem þú elskar
Í
hverjum kafla bókar Þor-
bjargar Hafsteinsdóttur
næringarþerapista, sem
fjallað er um hér aftar í
blaðinu, eru uppskriftir
sem eiga að gefa lífsorku og
auka kraft. Allar uppskrift-
irnar eru án viðbætts sykurs.
Áður notaði Þorbjörg Xylitol
en hún hefur látið af því. Upp-
skriftirnar telur hún geta
virkað hverja og eina sem
leið að betri líðan. Í kafla um
vakningu er meðal annars að
finna uppskrift að Nori-rúll-
um með girnilegu grænmeti,
í kafla um kjark og þor er að
finna uppskrif að fiskisúpu
með bláskel og í kafla um
ástríður er að finna uppskrift
að glútensnauðri súkkulaði-
köku sem Þorbjörg leyfir les-
endum DV að spreyta sig á.
1 kaka
n 250 g döðlur
n 125 g smjör, kókossmjör eða
kókosolía
n 100 g dökkt súkkulaði, 80%
n 2 dl sjóðandi vatn
n 1 tsk. vanilluduft
n 1 dl espressó eða 2 msk. lífrænt
skyndikaffi og 1 dl sjóðandi vatn til
að leysa það upp í
n 2 tsk. chili
n 1 tsk. lakkrísrótarduft
n 1 tsk. vínsteinslyftiduft
n 4 tsk. malaður stjörnuanís (not-
aðu kaffikvörn) eða fenníkufræ
n 2 egg
n 300 g heslihnetur
n 2 eggjahvítur
Krem
n 100 g dökkt súkkulaði, t.d. frá
Rapunzel
n 1 msk. kókosolía, t.d. frá Rapun-
zel
n 1 msk. sterkt kaffi eða skyndikaffi
hrært út í sjóðandi vatn
Settu döðlur, vanillu, súkkulaði og
vatn í blandarann og láttu ganga
þar til áferðin er mjúk og krem-
kennd.
Settu deigið í skál og gættu þess að
ekkert verði eftir. Settu öll kryddin,
lyftiduftið og kaffið saman við.
Hrærðu eggin út í. Malaðu hesli-
hneturnar í mjöl og settu saman
við. Þeyttu eggjahvíturnar stífar og
bættu í deigið.
Settu deigið í múffuform eða köku-
form eftir smekk.
Bakað við 180 gráður í forhituðum
ofni, í 40 mínútur ef þú ert með
múffur og 55–60 mínútur ef þú ert
með kökuform.
Athugaðu með prjóni hvort kakan
sé bökuð. Ef deig er á prjóninum
þarf hún lengri tíma.
Krem: Bræddu súkkulaði í vatns-
baði. Bættu olíu og kaffi saman við.
Skreyttu kökuna með herlegheit-
unum og láttu kremið stífna áður
en þú berð fram.
n Glútensnauð súkkulaðikaffibollakaka
Girnilegt og glútens-
nautt Þessi súkkulaðikaka
bragðast jafn vel og þær
sykruðu og óhollu.