Dagblaðið Vísir - DV - 20.04.2012, Blaðsíða 31

Spurning dagsins
Flissaði í fjórar
klukkustundir
Þetta hefur lengi
staðið til
Merle Butle um konu sína Patriciu sem vann 218 milljón dollara í happdrætti. –VísirTónlistarspekúlantinn Arnar Eggert Thoroddsen ætlar í tónlistarfræði í Edinborg. – Fréttablaðið
Gleðilegt sumar
„Nei, ég get ekki sagt það. Ég
kvíði mest fyrir sögu.“
Indíana Björk Birgisdóttir
16 ára nemandi í Kvennaskólanum
„Nei, ég get ekki sagt það.“
Magðalena Sif Lýðsdóttir
16 ára nemandi í Kvennaskólanum
„Neibb, ekki neitt. Eðlisfræðin er
flóknust.“
Kormákur Jarl Gunnarsson
16 ára nemandi í Kvennaskólanum
„Nei, ég er það ekki.“
Urður Bergsdóttir
17 ára nemandi í Kvennaskólanum
„Nei, ég er ekki byrjuð.“
Brynhildur Karlsdóttir
17 ára nemandi í MH
Ert þú farin/n
að undirbúa þig
fyrir prófin?
M
ér skilst að aflaverðmæti hjá
okkur Íslendingum, í janúar
einum saman, hafi verið
12,6 milljarðar króna. Þetta
eru semsagt peningar sem segja má
að komi uppúr sjó, þ.e.a.s. hluti af
okkar sameiginlegu auðlind. En hér er
kannski eðlilegt að geta þess að hagn-
aður útgerðarinnar, eftir að hún hafði
greitt 2 milljarða í ríkissjóð, var árið
2010, rétt rúmir 44 milljarðar. Kald-
hæðnin við þessar tölur er fólgin í því
að ríkið úthlutar mönnum veiðiheim-
ildum, menn veiða sinn hlut, leigja eða
selja það sem þeir fá úthlutað. Og svo
þegar kemur að því að setja á veiðigjald
þá grenja þeir sem tóku kvótann á leigu
eða „þurftu“ að kaupa hann á okur-
verði. Og ef talað er um að ríkið (þjóð-
in) eigi að fá stærri sneið af kökunni
þá er einsog verið sé að taka sælgæti
úr munni smábarns. Gráturinn er svo
innilegur og vonbrigðin slík að undrun
sætir.
Það hefur sýnt sig, þegar græðgi og
hugsunarleysi ráða ferðinni, að menn
virðast endalaust geta á sig blómum
bætt. Núna virðist miskunnsami Sam-
herjinn vera undir smásjá skattayfir-
valda.
Þjóðin hefur gefið fólki helling af
klinki og það fær aldrei nóg.
Og núna kemur að hinni eiginlegu
grein minni, kæru lesendur.
Í dag er staðan þannig hér á landi
að fólk í öllum flokkum keppist við að
tala illa um okkar ágæta DV. Og hvað
skyldi nú vaka fyrir þeim sem hallmæla
þeim dýrgrip sem þetta blað er? Jú,
sannleikurinn! Óttinn við sannleikann
er dragbítur í lífi hins íslenska eðalfífls.
DV segir þann sannleika sem þjóðin
þolir ekki að heyra. Og hver skyldi svo
vera hvati þessa sannleiksótta? Jú, kæra
þjóð, það er hugsunarleysið; heimskan
sem segir fólki að betra sé að fitna af
stolnu fleski en svelta af engu. Froðu-
fellandi heimskingjar sem hálsbrjóta
sig í helgislepju, það er fólkið sem sam-
félaginu þykir best að treysta. Þjófar,
lygarar og alvöru glæpamenn eru þeir
sem landinu skulu stjórna. Þeir sem
arðrændu íslenska þjóð og létu sjálf-
töku sína renna út í verðlagið, eru hetj-
urnar sem við treystum best til að auka
á misskiptingu auðæfa. Það fólk sem
helst styður kvótaþjófnaðinn í óbreyttri
mynd, það er fólkið sem í skoðana-
könnunum er að skora best.
Það er kominn tími til að hjálpa
Framsóknarflokki og Sjálfstæðisflokki
aftur til valda. Bjarni Ben hefur reynslu
af því að láta tugi milljarða falla á ríkis-
sjóð. Glæpaklíka helmingaskipta-
veldisins er það afl sem hækkað hefur
skatta hér meira en við getum ímyndað
okkur. Og hið augljósasta af öllu aug-
ljósu er, að siðblinda manna er svo
smitandi að okkur er uppálagt að bölva
þeim eina fjölmiðli sem sannleikann
segir.
Kæru Íslendingar, stöndum saman
og styðjum þá sem stela best.
Íslensk þjóð er yndisleg,
á afar fallegt vígi,
þykir bæði þrjósk og treg
og þrífst svo vel á lygi.
„Þjóðin
hefur gefið
fólki helling af
klinki og það fær
aldrei nóg
Blásið til sumars Víða um borgina marseruðu og blésu léttleikandi lúðrasveitir inn sumarið á fyrsta degi þess. Veðrið lék við íbúa höfuðborgarsvæðisins sem kunnu vel að
meta blíðuna. Mynd: Sigtryggur Ari JóhAnnSSonMyndin
Umræða 31helgarblað 20.–22. apríl 2012
Skáldið skrifar
Kristján Hreinsson
1 „Þetta er það sem barnaníð-ingar gera, einangra bráðina“
Móðir hinnar 18 ára gömlu Jordan
Powers er eyðilögð yfir því að stúlkan
skuli aftur vera flutt inn til kennara síns,
sem sakaður er um misnotkun.
2 „Líkaminn getur þetta ekki“Steinar B. Aðalbjörnsson næringar-
fræðingur um varhugaverðar aðferðir
sem fitnesskeppendur beita til að ná
árangri í íþróttinni.
3 Þetta eru bestu og verstu störfin
Það er best að starfa við að hanna hug-
búnað en verst að vinna við skógarhögg,
samkvæmt mælikvarða careercast.com.
4 „Ég sagði þeim að við værum að fara út af“
Einari Þór Hreinssyni rútubílstjóra tókst
að afstýra stórslysi við Nesjavelli þegar
bremsur rútunnar gáfu sig.
5 Ómáluð Jennifer Love-Hewitt Bandaríska leikkonan gerðist svo djörf
að birta mynd af sér þar sem hún var svo
til ómáluð. Það þykir fréttnæmt.
6 Geir Ólafs styrkir sambandið við sjálfan sig
Geir segist leggja það í hendurnar á guði
hvenær hann hitti þá einu réttu.
Mest lesið á DV.is
Þjóðin er svo vond
Ú
tgerðarmenn um allt land hafa nú
sameinast í einhverjum sárasta
harmagráti sögunnar. Ástæðan er
sú mannvonska sem skotið hefur
rótum hjá íslensku þjóðinni sem ætlar
að skattleggja auðlind sem henni kem-
ur ekki við. Almenningur hefur ein-
hvern veginn fengið þá ranghugmynd
að hann eigi bæði fiskimið Íslands og
fiskana sem þar synda. Það er svo að
skilja að fólkið vilji ekki vita að það eru
Friðrik J. Arngrímsson, framkvæmda-
stjóri þeirra útgerðarmanna, og fé-
lagar hans sem eiga fiskinn í sjónum
rétt eins og bændur landsins eiga hver
sinn rolluhóp. Frá örófi alda hafa út-
gerðarmenn eignast sín skip sem þeir
láta sjómenn róa á til fiskjar. Venjulega
hafa þeir tapað á atvinnusköpuninni og
þurft að leita til þjóðarinnar eftir hjálp.
En þess eru líka dæmi að þeir hafi grætt
og þá hefur hagnaðurinn stöku sinnum
runnið að hluta til samfélagsins aftur.
En það fer lítið fyrir þakklætinu.
Stöku útgerðarmenn hafa uppljóstrað
milli grátkviðanna að þeim líði eins
og Gyðingum í seinni heimsstyrjöld-
inni. Þetta undirstrikar alvöru máls-
ins. Þjóðin hefur tekið upp beinar of-
sóknir á hendur mönnunum sem á
skrifstofum sínum tryggja að skip rói
til fiskjar. Ef marka má framburðinn
er verið að reyna að útrýma útgerðar-
mönnum. Hver á þá að losa landfestar
og tryggja sjósókn á Íslandsmiðum?
Svo alvarleg er staðan að útgerðar-
menn í einstökum byggðarlögum hafa
neyðst til að hóta því að selja fiskiskip
og svipta sjómenn og verkafólk atvinnu
sinni. Þetta er þeim sem hóta og ógna
nauðung og þung mæða.
Allt þetta mál er dæmi um fá-
dæma skepnuskap þjóðar sem merkir
útgerðar menn sína með gulum stjörn-
um og skattleggur þá fram í rauðan
dauðann. Þjóðin er svo vond. Það er
löngu kominn tími á sátt milli þessar-
ar vinnandi stéttar og þjóðarinnar sem
lítið leggur til eigin framfærslu. Sam-
eiginlega verða nú allir að leggjast á ár-
arnar og bera fram þjóðargjöf til sátta.
Eðlilegt er að útgerðin verði skattlaus
á meðan hún er að rétta úr kútnum. Þá
er nauðsynlegt að þjóðin gefi útgerðar-
mönnum bæði fiskimið og fiskistofna
þegar í stað. Þeir hafa alltaf sinnt bless-
uðum þorskinum og ýsunni auk þess
að færa björg í bú. Íslandsmið fyrir út-
gerðarmenn er sú stefna sem allir verða
að fylgja og skammast sín fyrir ofsóknir
á hendur þeim sem bognir í baki og for-
smáðir standa undir þjóð sinni.
Svarthöfði
Þetta er kjöt-
gripasýning
Andrea Rún Carlsdóttir um keppni í módelfitness. – DV