Dagblaðið Vísir - DV - 20.04.2012, Blaðsíða 62

Ekkert væl í anda Bridget Jones
n Sólveig Jónsdóttir hefur skrifað skvísubók fyrir fullorðna
S
ólveig Jónsdóttir fagnaði út­
gáfu sinnar fyrstu skáldsögu,
Korter. Í bókinni er sagt af
lífi fjögurra ungra kvenna í
Reykjavík, ástum þeirra og sorgum.
Sólveig gengst við því að bókin sé
skvísubók, en bætti því við í viðtali í
Kiljunni á miðvikudagskvöld að hún
væri skvísubók fyrir fullorðna. Egill
Helgason minntist á Bridget Jones
og Sólveig svaraði því skelegglega til
að í hennar bók væri ekkert væl eins
og einkenndi hina mistæku Jones.
Það er síðan skemmtileg tilviljun
að sjálf hefur Sólveig skrifað undir höf­
undarnafninu Jones og hélt lengi vel út
bloggi þar sem hún sagði af lífi sínu og
oft mátti einmitt lesa þar skemmtileg­
ar hrakfarasögur og lýsingar.
Bókina skrifaði Sólveig meðan hún
var við nám í þjóðernishyggju og þjóð­
ernisátökum í Edinborg. Í dag starfar
hún sem blaðamaður á Nýju Lífi og er
að eigin sögn hálfnuð með sína næstu
bók.
Í útgáfuhófið, sem haldið var í Ey­
mundsson í Austurstræti, mættu vinir
og kunningjar og fögnuðu með Sól­
veigu.
62 Fólk 20.–22. apríl 2012 Helgarblað
Lóa ólétt
Það er aldeilis barnalán hjá hljóm­
sveitinni FM Belfast. Árni Vil­
hjálmsson söngvari sveitarinnar
varð nýlega faðir og nú á söng­
kona hljómsveitarinnar, Lóa
Hjálmtýsdóttir, von á sínu fyrsta
barni ásamt kærasta sínum Árna
Hlöðverssyni en hann er líka í
hljómsveitinni. Barnið, sem er
strákur, er væntanlegt í enda júlí.
Það er því ljóst að það verður nóg
að gera í barnastússi hjá meðlim­
um hljómsveitarinnar á næstunni.
Ástríður
gengin út
Dagskrárgerðarkonan Ástríð­
ur Viðarsdóttir sem sló í gegn
þegar hún stýrði græna herberg­
inu þegar Söngvakeppni Sjón­
varpsins fór fram fyrr á þessu ári
er gengin út. Sá heppni er knatt­
spyrnumaðurinn Viðar Guðjóns­
son sem starfar sem blaðamaður
á Morgunblaðinu. Viðar er upp­
alinn Framari en hefur söðlað um
undanfarin ár og leikið með Fylki,
Víkingi og nú síðast Fjölni. Parið
hefur verið að hittast í þó nokkurn
tíma en opinberaði samband sitt á
Facebook í þessari viku.
Forsetadóttir
framleiddi
100 lítra af mjólk
Guðrún Tinna Ólafsdóttir forseta­
dóttir eignaðist í febrúarmánuði
tvíburana Grím Fannar og Fann­
eyju Petru. Fyrir áttu Tinna og
eiginmaður hennar þrjú börn.
Guðrún Tinna segir frá því hvernig
gengur með tvíburana í persónu­
legu og ítarlegu viðtali við Þóru
Sigurðardóttur á veftímaritinu for­
eldrahandbokin.is.
„Ég er búin að vera að gefa
brjóst að jafnaði 20–22 sinnum
á sólarhring, ásamt því að borða
á við 2 fullorðna karlmenn til að
hafa orku til að búa til alla þessa
mjólk og því hefur lítill tími gef­
ist til hreyfingar eða heimsókna
þótt auðvitað hafi nánustu vin­
konur og fjölskylda verið dugleg
að kíkja við í kaffi og njóta lífsins
með okkur. Kalli reiknaði út að
þessa fyrstu 70 daga hefði ég gefið
brjóst 1.470 sinnum og miðað við
mælingar hans framleitt ríflega
100 lítra af mjólk á þessum tíma.
Bleyjurnar eru orðnar rúmlega
800 á þessum fyrstu tíu vikum,“
segir Guðrún Tinna.
Stoltur höfundur
Sólveig Jónsdóttir.
myndir preSSpHotoS.biz
Létt í bragði Silja Aðalsteinsdóttir, Jónsi og Nanna ræða málin.
Þ
etta gengur mjög vel. Við
erum ósköp heppin með að
það hefur ekkert komið upp
á og allt gengið eins og best
verður á kosið og maður er
ósköp þakklátur með það,“ segir þing­
maðurinn Illugi Gunnarsson sem á
dögunum eignaðist dóttur ásamt eig­
inkonu sinni Brynhildi Einarsdóttur.
Stúlkan er fyrsta barn þeirra beggja og
Illugi segir þau vera í skýjunum með
frumburðinn og kunna vel við sig í
nýjum hlutverkum.
Gríðarleg hamingja
„Mér finnst þetta ósköp gaman, það
er ekki hægt að segja annað. Við vor­
um búin að bíða lengi eftir þessu
barni. Þetta er alveg gríðarleg ham­
ingja, eins og auðvitað er hjá öllum
þeim sem eignast börn. Þetta er mik­
ill gleði og hamingjugjafi,“ segir hann
stoltur. Sú litla átti að koma í heim­
inn 7. apríl en kom nokkrum dögum
fyrr, 29. mars. „Það virðist ekki há
henni, hún er jafn svöng og sefur jafn
vel þótt hún hafi fæðst aðeins fyrr.
Það munaði nú ekki mörgum dög­
um,“ segir hann.
ekkert fæðingarorlof
Illugi tekur ekkert fæðingarorlof núna,
en hann býr spölkorn frá vinnustað
sínum, Alþingi, svo það er auðvelt fyr­
ir hann að skjótast heim þegar laus
stund gefst. Hann segist hafa þurft að
íhuga það vel hvort hann myndi taka
fæðingarorlof.
„Það var val sem ég stóð frammi fyrir
og ég hugsaði það vel og lengi. Auðvi­
tað hefði ég kosið að gera það núna en
það stendur þannig á að það er stutt
eftir af þessu kjörtímabili og þann­
ig hlutir að gerast í stjórnmálunum
að mér fannst ekki ganga fyrir mig að
hverfa af vettvangi í einhverja mánuði.
En ég reyni bara eins og ég mögulega
get að nýta hverja stund sem ég á lausa
til að vera heima. Ég vil auðvitað reyna
eins og ég get að vera sem mest heima.
Þetta er svo ómetanlegur tími og ég
veit hann kemur ekki til baka. Mér
finnst þetta vera kraftaverk á hverjum
degi að horfa á barnið mitt þroskast og
miða áfram. Hver stund sem maður er
ekki að fylgjast með er auðvitað dauð
stund.“
Skírð á þjóðhátíðardaginn
Litla stúlkan þeirra Illuga og Bryn­
hildar dafnar vel og Illugi seg­
ir hana frekar líkjast móður sinni
en föður. „Mér sýnist hún heppin
með það að hún sé frekar lík móður
sinni,“ segir hann hlæjandi. Stúlkan
hefur ekki enn hlotið nafn en það
mun gerast á þjóðhátíðardaginn
sjálfan. „Við ætlum að skíra 17. júní
fyrir vestan. Í Holti í Önundarfirði,
enda var Brynhildur skírð í þeirri
kirkju.“
Hjónin hafa ekki alveg ákveð­
ið nafnið en það er allt í góðum
farvegi að sögn Illuga. „Við erum
langt komin með þetta. Við erum
að máta og prófa og sjá hvað okkur
finnst passa. Svo kemur þetta bara
í ljós 17. júní. Þetta er voða gaman,
allt saman,“ segir Illugi að lokum,
hæstánægður í nýju hlutverki.
KraftaverK á
hverjum degi
n Í skýjunum með frumburðinn n Tekur ekkert fæðingarorlof
Gríðarleg hamingja Illugi
Gunnarsson er ánægður í nýja
hlutverkinu en ætlar ekki að taka
fæðingarorlof. mynd SiGtryGGur ari