Dagblaðið Vísir - DV - 21.12.2011, Síða 43

Minning | 43Jólablað 21.–27. desember 2011
Ó
lafur fæddist á Grund í
Glerárþorpi á Akureyri
en ólst upp í Garðshorni í
Glerárþorpi, í Hlíðunum
í Reykjavík og í Kópavog-
inum. Hann gekk í Hlíðaskólann,
lauk gagnfræðaprófi frá Víghóla-
skóla í Kópavogi, stundaði nám
við Handíða- og myndlistaskóla Ís-
lands í tvö ár og síðan við Tónlistar-
skólann í Reykjavík og lauk þaðan
tónlistarkennaranámi 1974.
Ólafur stundaði tónlistar-
kennslu í Kópavogi á árunum
1974–82 og 1992–93, var dagskrár-
gerðarmaður og framleiðslustjóri
við tónlistardeild RÚV á Rás 1 og
Rás 2 1982–90, stýrði tónlistarþátt-
um í ríkisútvarpinu um langt árabil,
var dagskrárstjóri á Aðalstöðinni
1990 –92, og var blaðamaður, ljós-
myndari og starfaði við umbrot og
hönnun, á Vikublaðinu – Helgar-
póstinum á árunum 1992 –97.
Ólafur var þekktastur fyrir að
vera einn af þremenningunum í
Ríó Tríóinu sem hann lék og söng
með í meira en fjörutíu ár. Hann
lék auk þess með ýmsum öðrum
hljómsveitum frá 1962, t.d. Rokk-
unum, Kuran Swing, Mannin-
um sem aldrei sefur, South River
Band, HonyNut og fleirum. Með
Ríó Tríóinu og þessum hljómsveit-
um lék hann inn á tugi hljómplatna
og gerði einnig tvær plötur í eigin
nafni. Þá var hann upptökustjóri og
vann við gerð fjölda sjónvarpsþátta
af ýmsu tagi.
Ólafur stofnaði Þúsund þjalir
ehf. - umboðsskrifstofu listamanna,
1997, og starfrækti hana um árabil.
Hann var mikill djassunnandi, var
frumkvöðull að stofnun þess sem
nú er Djasshátíð Reykjavíkur og átti
þátt í stofnun Léttsveitar Ríkisút-
varpsins.
Fjölskylda
Ólafur kvæntist 24.10. 1970 Bryn-
hildi Sigurðardóttur, f. 29.4. 1949, d.
11.8. 1994.
Synir þeirra eru Þorvarður Dav-
íð og Þórður Daníel, f. 30.4. 1979.
Dóttir Þórðar er Brynhildur Nadía,
f. 2.10. 2008, en sambýliskona
Þórðar er Sandra Sigurgeirsdóttir,
f. 1.7. 1986, og dóttir hennar er Erla
Talía Einarsdóttir.
Ólafur kvæntist 8.7. 2000, seinni
konu sinni, Dagbjörtu Helenu Ósk-
arsdóttur, f. 1.12. 1963. Foreldrar
Dagbjartar eru Anna Magdalena
Leósdóttir, f. 7.3. 1945, og Eyvindur
Óskar Benediktsson, f. 27.4. 1941.
Sonur Dagbjartar og uppeldis-
sonur Ólafs er Óskar Harðarson, f.
22.9. 1990.
Systkini Ólafs eru Jóhann Theo-
dór, f. 2.4. 1936; Björg, f. 30.4. 1938;
Ólafur Tryggvi, f. 25.9. 1946, d. 25.6.
1949; Helgi Sigurður Sigvaldi, f.
25.9. 1946; Kormákur Þráinn Braga-
son, f. 24.11. 1955.
Ólafur var sonur hjónanna
Helgu Sigríðar Sigvaldadóttur, f.
3.6. 1914, d. 22.12. 1986, og Þórðar
Halldórs Ólafssonar, f. 10.7. 1909, d.
3.6. 1953.
Ólafur var jarðsunginn frá Hall-
grímskirkju 13.12. sl.
Ólafur Tryggvi Þórðarson
Tónlistarmaður f. 16.8. 1949 – d. 4.12. 2011
Andlát
Merkir Íslendingar
Þ
orsteinn fæddist að
Hurðarbaki í Kjós
en flutti á öðru
ári að Hóla-
brekku við
Skerjafjörð þar sem for-
eldrar hans bjuggu síð-
an. Á þeirri torfu hafa
ýmsir meðlimir stórfjöl-
skyldunnar búið síðan,
s.s. Ögmundur Jónasson,
innanríkisráðherra og syst-
ursonur Þorsteins. Þorsteinn
var hins vegar síðar meir lengi búsett-
ur á Laufásvegi 4.
Foreldrar Þorsteins voru Ög-
mundur Hansson Stephensen og
k.h., Ingibjörg Þorsteinsdóttir. Ög-
mundur var sonur Hans Stephensen,
bónda á Hurðarbaki í Kjós, bróður
Sigríðar, ömmu Helga Hálfdanarson-
ar þýðanda og langömmu Hannesar
Péturssonar skálds. Hans var einn-
ig bróðir Mörtu, langömmu Sigurð-
ar Pálssonar skálds. Móðir Hans var
Guðrún, systir Þuríðar, langömmu
Vigdísar Finnbogadóttur. Önnur syst-
ir Guðrúnar var Rannveig, langamma
Þórunnar, móður Gylfa Þ. Gíslasonar
ráðherra, föður Vilmundar ráðherra,
Þorsteins heimspekings og Þorvaldar
prófessors. Fjórða systirin var Sigríð-
ur, langamma Önnu, móður Matth-
íasar Johannessen skálds og fyrrv.
Morgunblaðsritstjóra.
Ingibjörg var systir Péturs verk-
stjóra, langafa Helga Péturssonar, í Ríó
Tríóinu og fyrrv. borgarfulltrúa. Ingi-
björg var dóttir Þorsteins, b. á Högna-
stöðum í Þverárhlíð, bróður Hjálms,
alþm. í Norðtungu, langafa Eyjólfs
Konráðs Jónssonar alþm. og Ingi-
bjargar, móður Jóns Steinars Gunn-
laugssonar zhæstaréttardómara.
Móðir Þorsteins var Ingibjörg, syst-
ir Sigvalda, afa Sigvalda Kaldalóns
tónskálds og Eggerts Stefánssonar
söngvara. Annar bróðir Ingibjargar
var Bjarni, afi Bjarna Þorsteinssonar
tónskálds og langafa Gunnars í Þórs-
hamri, föður Þorsteins, leikara, arki-
tekts og fyrrv. leikhússtjóra Leikfélags
Reykjavíkur.
Þorsteinn Ö. lauk stúdentsprófi
frá Menntaskólanum í Reykjavík
1925. Þar smitaðist hann af leiklist-
arbakteríunni en á námsárum hans
þar höfðu skólaleikirnir frá tíð gamla
Latínuskólans, Herranótt, nýlega ver-
ið endurreistir. Þrjú síðustu ár sín í
menntaskóla tók Þorsteinn mikinn
þátt í þessu leiklistarstarfi, hafði um-
sjón með leikjunum og sá um fram-
kvæmdastjórn, auk þess sem hann
lék stór hlutverk tvö síðustu árin.
Þorsteinn hóf nám í læknadeild
Háskóla Íslands en féll ekki nám-
ið enda með hugann við leiklistina.
Næstu árin lék hann nokkur hlutverk
hjá Leikfélagi Reykjavíkur og Reykja-
víkur annál en stundaði annars þýð-
ingar, skrifstofustörf og fleira.
Þorsteinn fór til Danmerkur og
stundaði þar leiklistarnám við Kon-
unglega leikhúsið í Kaupmannahöfn
1934–35. Eftir heimkomuna varð
hann þulur við Ríkisútvarpið
sem þá hafði tekið til starfa
fáeinum árum áður. Jafn-
framt leikstýrði hann eða
lék í útvarpsleikritum sem
þá voru flutt einu sinni
til tvisvar í mánuði. Þá
sá Þorsteinn tvisvar um
barnatíma í Ríkisútvarp-
inu, fjögur ár í senn. Eftir
að Þorsteinn hætti þular-
störfum, 1946, tók hann við
umsjón útvarpsleikritanna, sem
þá orðið voru flutt einu sinni í viku, og
var hann eftir það leiklistarstjóri Rík-
isútvarpsins þar til hann lét af störf-
um fyrir aldurs sakir.
Sem leiklistarstjóri Ríkisútvarps-
ins fékk Þorsteinn snemma Lárus
Pálsson sér til samstarfs, sem lék og
leikstýrði fyrir Ríkisútvarpið um ára-
bil. Þessir tveir snillingar Thalieiu,
voru báðir vel meðvitaðir um þá stað-
reynd að útvarpsleikrit eru sérstök
listgrein sem útvarpið hafði skap-
að og sem þurfti að þróa með það í
huga. Útvarpsleikritin voru því unnin
af miklum metnaði eins og svo marg-
ar perlurnar úr þeim handraðanum
bera með sér.
Þorsteinn lék fjölda hlutverka
hjá Ríkisútvarpinu og hjá Leikfélagi
Reykjavíkur og nokkur hlutverk sem
gestur Þjóðleikhússins. Af fjölda
hlutverka Þorsteins hjá Leikfélagi
Reykjavíkur má nefna Browningþýð-
inguna undir leikstjórn Gísla Hall-
dórssonar en fyrir hlutverk sitt þar
var Þorsteini einróma veittur silf-
urlampinn, verðlaun Félags gagn-
rýnenda. Þá lék hann pressarann
í Dúfnaveislunni undir leikstjórn
Helga Skúlasonar og voru Þorsteini
veitt sömu verðlaun fyrir það hlut-
verk.
Eftir að Þorsteinn lét af störfum
lék hann í leikritinu Stundarfriði eftir
Birgi Sigurðsson sem sýnt var lengi í
Þjóðleikhúsinu og síðan sent utan og
sýnt víða í Evrópu við góðan orðstír.
Þorsteinn var í hópi ástsælustu
leikara þjóðarinnar um langt ára-
bil enda var hann af Alþingi kjörinn
í heiðurslaunaflokk listamanna árið
1988.
Kona Þorsteins var Dóróthea
Guðmundsdóttir Breiðfjörð og eign-
uðust þau fimm börn: leikkonurn-
ar Guðrúnu og Helgu, Ingibjörgu
kennara, og Stefán og Kristján, tón-
listarkennara og hljóðfæraleikarar
við Sinfóníuhljómsveit Íslands.
Systkini Þorsteins eru öll látin
en þau voru Hans, múrarameistari
í Reykjavík og síðar í Neskaupstað;
Kristján, dó í frumbernsku; Sig-
ríður, húsfreyja í Hólabrekku; Stef-
án, prentari í Reykjavík og formað-
ur Hins íslenska prentarafélags og
Menningar- og fræðslusambands
alþýðu; Guðrún, uppeldisfræðingur
og húsmóðir í Reykjavík, móðir Ög-
mundar ráðherra; Einar, formaður
Landsambands vörubifreiðastjóra.
Þorsteinn Ö. Stephensen
Leikari og leiklistarstjóri Ríkisútvarpsins f. 21.12. 1904 – d. 12.11. 1991
Vaktsími: 581 3300 & 896 8242 – www.utforin.is – Allan sólarhringinn
Komum heim til aðstandenda ef óskað er
ÚTFARARSTOFA ÍSLANDS
Sverrir Einarsson Kristín Ingólfsdóttir Jón G. BjarnasonHermann Jónasson