Dagblaðið Vísir - DV - 21.12.2011, Síða 53

Ljósadýrð og fágætt skraut
Á
sta Kristrún Ragnarsdóttir
námsráðgjafi segist hafa safn-
að jólaskrauti í fjöldamörg
ár og eigi heilu fermetrana af
því. „Ég held að í kössum mælt eigi
ég um sjö fermetra af jólaskrauti,“
segir hún og skellir upp úr. Margt af
því hefur hún fengið frá Bandaríkj-
unum, Frakklandi og Noregi. „Ég hef
alltaf verið afar veik fyrir fallegu jóla-
skrauti. Í Bandaríkjunum er hægt
að kaupa jólaskraut árið um kring
og oft þurfti Valgeir að toga svona í
hálsmálið á mér þegar ég var í sem
mestum ham. Það er nú erfitt að
stöðva mig þegar ég sé fallegt jóla-
skraut og það sést best á þeim hlut-
um sem ég hef sankað að mér.“ Jóla-
skrautið fær að njóta sín hjá þeim
Ástu og Valgeiri í NemaForum þar
sem þau reka ráðgjafar- og veislu-
þjónustufyrirtæki. Í Nema Forum
hafa Ásta og Valgeir raðað búslóð
sinni á fallegan hátt og stemningin
er í senn hátíðleg og heimilisleg.
„Við höfum haldið jólaveislur,
fólki líður vel í þessu umhverfi og
ég nýt þess að skreyta hér allt hátt
og lágt. Rétt eins og heima hjá mér.
Hér rúmast allt það jólaskraut sem
ég á,“ segir hún og hlær. Athygli vek-
ur fallegur glerskápur. „Þessi gler-
skápur var alltaf heima hjá okkur og
við kölluðum hann árstíðarskápinn.
Inn í þennan skáp setti ég öll helstu
jóladjásnin og ljós með.“ Heima hjá
Ástu og Valgeiri hafa þau nú þeg-
ar skreytt jólatréð. „Við ákváðum að
vera ekkert að bíða eftir honum Þor-
láki. Ég skreytti tréð með fallegum
englahöfðum og könglum. Svo efst
á trénu eru tveir forláta silfurengl-
ar. Annan fékk ég frá litháískri konu
sem ég aðstoðaði um daginn við að
safna jólagjöfum fyrir munaðarlaus
börn í Litháen.“
Ásta Kristrún Ragnarsdóttir og Valgeir Guðjónsson:
Eiga sjö fermetra af jólaskrauti
Veik fyrir fallegu jólaskrauti Ásta Kristrún keypti mikið af skrauti þegar hún bjó í Bandaríkjunum þar sem það er til sölu árið um kring
Þykir vænt um engilinn Ásta Kristrún við englum prýtt jólatréð
Lífsstíll 53Jólablað 21.–27. desember 2011
Jólatilboð
Falleg olíumálverk í úrvali
á einstökum verðum
Allt orginal málverk
voruhusid.is
Sími 823 9448 Frí heimsending
GPS sportúr
með púlsmæli, kaloríubrennslu ofl.