Dagblaðið Vísir - DV - 11.04.2014, Qupperneq 8

Helgarblað 11.–14. apríl 20148 Fréttir
H
alla Sigrún Hjartardóttir,
fjárfestir og stjórnarfor-
maður Fjármálaeftirlitsins,
heldur áfram að auka um-
svif sín í atvinnulífinu. Líkt
og DV greindi frá í lok síðasta árs þá
tengdist hún fjórum fyrirtækjum og
eignarhaldsfélögum, meðal annars
Fjarðalaxi á Tálknafirði, en nú ligg-
ur einnig fyrir að hún var einn af
kaupendum Póstmiðstöðvarinnar
undir lok síðasta árs. Morgunblaðið
greindi frá þessu í síðustu viku.
Meðfjárfestar hennar í Póst-
miðstöðinni, sem meðal annars á
dótturfélag sem dreifir Fréttablað-
inu, eru þeir Einar Örn Ólafsson,
fyrrverandi forstjóri Skeljungs, og
Malcolm Walker, framkvæmdastjóri
og eigandi Iceland-keðjunnar
bresku, en Kristinn Þór Geirsson,
fyrrverandi starfsmaður Glitnis, er
framkvæmdastjóri félagsins sem
keypti Póstmiðstöðina.
Halla Sigrún starfaði áður í Glitni,
síðar Íslandsbanka, og Straumi. Hún
hætti í Straumi með skömmum fyrir-
vara í fyrra. Heimildir herma að upp
hafi komið vissir hagsmunaárekstrar
vegna aðkomu hennar að Fjarðalaxi
á Tálknafirði en fjárfestingarbanki
sá meðal annars um viðskipti sem
tengdust því fyrirtæki. Halla Sig-
rún eignaðist hlut í Fjarðalaxi í nóv-
ember í gegnum félagið Fiskisund
ásamt þeim Einari Erni Ólafssyni og
Kára Guðjónssyni en hann starfaði
með þeim í Glitni og Íslandsbanka.
Erlendir aðilar vildu Skeljung
Halla Sigrún er því orðin nokk-
uð umsvifamikil í atvinnulífinu og
vinnur þar meðal annars með Einari
Erni. Þau Einar Örn voru starfsmenn
fyrirtækjaráðgjafar Glitnis, síðar Ís-
landsbanka, sem annaðist meðal
annars sölu á meirihluta í olíufé-
laginu Skeljungi síðsumars 2008, rétt
fyrir bankahrunið.
Samkvæmt heimildum DV
höfðu erlendir aðilar sem starfa í
olíubransanum áhuga á að kaupa
meirihluta í Skeljungi og greiða fyr-
ir hlutinn í reiðufé. Þessir aðilar
funduðu með þeim Einari Erni og
Höllu Sigrúnu og lýstu yfir áhuga á
Skeljungi árið 2008. Ekkert varð hins
vegar af þeim viðskiptum þar sem
meirihlutinn í Skeljungi var seldur
til eignarhaldsfélagsins BG Partners,
meðal annars með láni frá Glitni og
með yfirtöku á eignum í Danmörku.
Eigendur þess félags voru þau Guð-
mundur Örn Þórðarson, Svanhildur
Nanna Vigfúsdóttir og Birgir Bielt-
vedt.
Hætti vegna trúnaðarbrests
Nokkrum mánuðum síðar varð Ein-
ar Örn svo forstjóri Skeljungs eftir að
hafa látið af störfum hjá Glitni vegna
trúnaðarbrests sem snerist með-
al annars um söluna á olíufélaginu.
Kári Guðjónsson lét þá einnig af
störfum í bankanum.
Svanhildur Nanna og Guðmund-
ur Örn seldu Skeljung svo til félags
sem Arion banki stýrir og lífeyris-
sjóðirnir eiga meðal annars hlut í á
síðasta ári. Söluverðið nam tíu millj-
örðum og margfölduðu þau Svan-
hildur Nanna og Guðmundur pund
sitt í viðskiptunum. Kaupverð þeirra
á Skeljungi nam um tveimur millj-
örðum króna á sínum tíma. Einar
Örn hagnaðist líka vel á sölunni en
hann hafði átt hlutabréf í Skeljungi
fyrir rúmlega 300 milljónir króna
sem hann seldi í viðskiptunum.
Skipuð af Bjarna Benediktssyni
Halla Sigrún var skipuð sem
stjórnar formaður Fjármálaeftirlits-
ins af Bjarna Benediktssyni í lok síð-
asta árs. DV hefur gert árangurs-
lausar tilraunir til að fá rökstuðning
Bjarna fyrir því að hafa skipað Höllu
Sigrúnu í þetta starf en strangar regl-
ur gilda um hæfi stjórnarmanna
FME og er þeim ætlað að koma í veg
fyrir hagsmunaárekstra. Í samtali við
DV í lok árs í fyrra vildi Halla Sigrún
ekki ræða fjárfestingar sínar við DV:
„Ég vil ekki tjá mig um fjárfestingar
mínar í fjölmiðlum.“
Athygli vekur að Einar Örn Ólafs-
son, einn nánasti viðskiptafélagi
Höllu Sigrúnar, er þekktur stuðn-
ingsmaður Bjarna Benediktssonar og
hýsti hann meðal annars stuðnings-
mannafélag hans fyrir kosningar á
heimili sínu í vesturbæ Reykjavíkur. n
Ingi Freyr Vilhjálmsson
ingi@dv.is
n Stórtæk í viðskiptum n Fjárfestir með stuðningsmanni fjármálaráðherra
„Ég vil ekki tjá mig
um fjárfestingar
mínar í fjölmiðlum.
Buðu reiðufé Erlendir aðilar vildu kaupa
Skeljung og borga með reiðufé þegar Einar
Örn Ólafsson stýrði fyrirtækjaráðgjöf Glitnis
árið 2008.
Umsvifamikill
stjórnarformaður
Halla Sigrún Hjartar­
dóttir, stjórnarformaður
FME, er orðin umsvifa­
mikil í atvinnulífinu og
á nú meðal annars hlut
í Póstmiðstöðinni og
Fjarðalaxi.
Eykur umsvif sín
og stjórnar FME
Fjórir mánuðir frá dauða Sævars
Ríkissaksóknari hefur ekki lokið rannsókn á atburðunum í Hraunbæ
R
annsókn ríkissaksóknara
á Hraunbæjarmálinu svo-
kallaða er enn ólokið sam-
kvæmt heimildum DV. Fjórir
mánuðir eru síðan Sævar Rafn Jón-
asson lést á heimili sínu í Hraun-
bæ og fékk ríkissaksóknari öll gögn
vegna málsins í hendur sínar í febr-
úar síðastliðnum.
DV hefur sent ríkissaksóknara
erindi og fyrirspurn um rann-
sóknina, en ekki fengið svör. Fyrir
lá að saksóknari tæki sér vikur til
að skoða gögnin en liðnar eru um
það bil sjö vikur síðan ríkissak-
sóknari fékk þau í hendurnar en
fjórir mánuðir frá andláti Sævars.
Samkvæmt heimildum DV vill fjöl-
skylda Sævars fá svör og bíður þess
óþreyjufull að fá upplýsingar um
það hvað nákvæmlega gerðist í
Hraunbæ þann 2. desember síðast-
liðinn þegar Sævar Rafn lést.
Eins og fram hefur komið lést
Sævar af skotsári sem hann hlaut
í átökum við sérsveit ríkislögreglu-
stjóra. Sævar, sem lengi hafði glímt
við andleg veikindi, hafði aðfara-
nótt 2. desember ítrekað hleypt af
skotvopni inni á heimili sínu og
voru lögreglumenn og sérsveitar-
menn kallaðir til og áttu að yfir-
buga hann. Þegar þeir reyndu að
fara inn í íbúðina særðust lögreglu-
menn eftir skot frá Sævari og var þá
ákvörðun tekin um að beita skot-
vopnum gegn Sævari. Þetta er í
fyrsta sinn sem einstaklingur deyr
eftir skot frá íslenskum lögreglu-
mönnum og vakti málið því eðlilega
mikla athygli. Fjölskylda manns-
ins hefur að auki gert alvarlegar
athugasemdir við það hvernig Sæv-
ari var sinnt, en hann bjó í íbúð á
vegum félagsþjónustu Reykjavíkur-
borgar. Telur fjölskyldan að hann
hafi ekki verið í stakk búinn til þess
að búa einn. Ríkissaksóknari hefur
því verið með málið til rannsóknar
til að kanna hvort öllum verklags-
reglum hafi verið fylgt í aðgerðum
lögreglunnar þennan dag. n
astasigrun@dv.is
Enn beðið Fjölskylda
Sævars bíður enn eftir
upplýsingum frá ríkis­
saksóknara um atburði
2. desembers í fyrra.
Ferðamenn
flykkjast
til Íslands
Hvert metið hefur rekið annað í
fjöldatölum um erlendra ferða-
menn sem koma hingað til
lands, eða allt frá því í ársbyrj-
un 2012. Greining Íslandsbanka
fjallaði um þetta á vef sínum í
vikunni og ályktaði að erlendum
ferðamönnum hér á landi muni
fjölga í það minnsta um 20
prósent í ár frá árinu 2013. Til
grundvallar þeirri ályktun liggja
til dæmis upplýsingar um fjölda
ferðamanna fyrstu mánuði
ársins og áætlaða flugumferð
um Keflavíkurflugvöll á næstu
mánuðum.
Brottfarir erlendra ferða-
manna frá landinu um
Keflavíkurflugvöll eru nú þegar
komnar upp í 165.200 á fyrstu
þremur mánuðum ársins, sem
er fjölgun upp á 35 prósent milli
ára. Tölur Isavia um úthlutuð
stæði yfir tímabilið 30. mars til
25. október, benda til þess að
flugumferð um völlinn verði 18
prósentum meiri á því tímabili
en hún var á sama tímabili í
fyrra. „Að því gefnu að tölur
Isavia endurspegli nokkuð vel
þá þróun sem verður á komum
erlendra ferðamanna hingað til
lands á næstu mánuðum, og að
hófleg fjölgun verði einnig á síð-
ustu tveimur mánuðum ársins,
má búast við að minnsta kosti
tuttugu prósenta fjölgun ferða-
manna milli ára,“ segir á vef
Greiningar Íslandsbanka.
Úrbæturnar
skiluðu góð-
um árangri
Nánast allir ökumenn voru til
fyrirmyndar þegar lögreglan var
við hraðamælingar á Nauthóls-
vegi í Reykjavík á þriðjudag. Það
er ánægjuleg nýbreytni, segir lög-
regla.
Fylgst var með ökutækjum
sem var ekið Nauthólsveg í
suðurátt, við leikskólann Öskju.
Á einni klukkustund, eftir hádegi,
fóru 93 ökutæki þessa akstursleið
og var þeim öllum nema einu
ekið á löglegum hraða, en þarna
er 50 kílómetra hámarkshraði.
Hinn brotlegi mældist á 60 kíló-
metra hraða, en meðalhraði allra
ökumanna var aðeins 31. Þess
ber að geta að við fyrri hraða-
mælingar lögreglu á þessum stað
hefur brotahlutfallið verið 14 til
26 prósent og hraðast ekið á 87
kílómetra hraða. Nú kveður við
annan tón og má þakka það úr-
bótum sem Reykjavíkurborg hef-
ur ráðist í, en komið hefur verið
fyrir hraðahindrunum, svonefnd-
um koddum, á Nauthólsvegi.