Dagblaðið Vísir - DV - 30.05.2014, Page 6

6 Fréttir Helgarblað 30. maí –2. júní 2014
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
Guðbjörg samdi
um Glitnismál
n Skriflegur samningur frá 2007 var til grundvallar hlutabréfasölu
G
uðbjörg Matthíasdóttir,
fjárfestir og eigandi Ísfé­
lagsins í Vestmannaeyjum,
hefur komist að samkomu­
lagi við slitastjórn Glitnis
um uppgjör vegna mála sem hún
átti útistandandi við bankann.
Þetta segir lögmaður hennar,
Sigur björn Magnússon: „Það er
búið að komast að samningum við
slitastjórnina og fella málið niður.“
Sigurbjörn segist ekki vilja nefna
upphæðina sem samningarnir
snúast um en segir að þeir hafi
verið liður í „stærra uppgjöri“.
Málið sem DV spurði Sigurbjörn
um var riftunarmál vegna hluta­
bréfaviðskipta Guðbjargar við
Glitni þann 26. september 2008,
örfáum dögum fyrir fall bankans.
Í þeim viðskiptum greiddi Glitnir
tæplega fjóra milljarða króna fyrir
1,7 prósenta hlut hennar í bank­
anum. Glitnir höfðaði málið til að
rifta umræddum viðskiptum.
Sagði engan
skriflegan samning
Fjallað var um söluna á hlutabréf­
unum fyrir Héraðsdómi Reykja­
víkur á mánudaginn en samkvæmt
því sem fram kom þar í máli Jó­
hannesar Baldurssonar, fyrrver­
andi framkvæmdastjóra hjá Glitni,
var ekki gerður skriflegur samn­
ingur við Guðbjörgu um sölurétt
á hlutabréfunum. Sagði Jóhannes
að tjón bankans af viðskiptunum
hefði verið „einhverjir milljarðar
eða hundruð milljóna“.
Samningur gerður árið áður
Þessu neitar Sigurbjörn í sam­
tali við DV. „Það var til skriflegur
samningur um söluréttinn. Það
var alveg skýrt, allt skriflegt í þeim
efnum. Þetta er rangt hjá Jóhann­
esi.“ Sigurbjörn segir að sá samn­
ingur hafi verið gerður ári áður, í
september 2007, þegar Guðbjörg
seldi þáverandi eiganda Glitnis,
FL Group, hlutabréf í Trygginga­
miðstöðinni. Guðbjörg fékk greitt
fyrir hlutabréfin í Tryggingamið­
stöðinni með reiðufé og eins með
hlutabréfum í Glitni sem bankinn
sölutryggði og hún hafði heimild
til að selja í lok september 2008.
Hafði tvo daga
DV hefur áður fjallað um samning
bankans og Guðbjargar, eða félags
í hennar eigu sem heitir Kristinn
ehf. Kristinn átti nærri 254 millj­
ónir hluta í Glitni þann 24. sept­
ember en samkvæmt samningn­
um sem gerður var í tengslum
við söluna á hlutabréfunum í
Tryggingamiðstöðinni þá mátti
Guðbjörg selja hlutabréfin dagana
25. til 27. september og varð bank­
inn að kaupa þau á ákveðnu gengi.
Slíkt fyrirkomulag heitir sölu­
trygging og tíðkaðist nokkuð í við­
skiptum með hlutabréf á Íslandi á
þessum tíma, til dæmis í viðskipt­
um Glitnis og Pálma Haraldssonar
með olíufélagið Skeljung. Að frá­
dregnum arðgreiðslum og þóknun
fékk Guðbjörg tæplega 3,5 millj­
arða króna í sinn hlut í þessum
viðskiptum.
Guðbjörg hélt hins vegar eftir
jafnstórum hluta í bankanum sem
hún svo tapaði þegar bankinn
hrundi nokkrum dögum síðar og
bréfin í honum urðu verðlaus.
Rannsökuðu þátt Glitnis
DV greindi frá því í ársbyrjun 2010
að embætti sérstaks saksóknara
hefði málið til rannsóknar. Þó var
ekki um ræða þátt Guðbjargar í því
heldur Glitnis þar sem ekki var til­
kynnt um viðskiptin á markaði líkt
og hefði átt að gera í svo stórum
hlutabréfakaupum. Bréfin voru
keypt af Guðbjörgu á meira en 100
prósent yfirverði, á genginu 32,18
þegar markaðsverðið var 15,19, er
hætt við því að tilkynning um slík
viðskipti hefði getað haft neikvæð
áhrif á hlutabréfaverð í bankanum
ef þau hefðu spurst út. n
Ingi Freyr Vilhjálmsson
ingi@dv.is
„Það var til skrif­
legur samningur
um söluréttinn.
Samdi við Glitni Guðbjörg Matthíasdóttir, útgerðarkona úr Eyjum, samdi við Glitni vegna mála sem voru útistandandi við bankann.
Barnaheill
safnar hjólum
Hjólasöfnun Barnaheilla – Save
the Children á Íslandi hófst
formlega á mánudag. Matthildur
Eggertsdóttir, fjögurra ára leik­
skólastúlka, var fyrst til að gefa
hjól, en hún kom með gamla
hjólið sitt í Sorpu á Sævarhöfða.
Þetta er í þriðja sinn sem
Barnaheill stendur fyrir söfnun á
notuðum reiðhjólum fyrir börn
og unglinga. Söfnunin stendur
til 15. júní og verður hjólum
safnað á endurvinnslustöðvum
Hringrásar og Sorpu á höfuð­
borgarsvæðinu.
Hjólin eru ætluð börnum
sem ekki eiga þess kost að kaupa
sér reiðhjól. Hægt er að sækja
um hjól hjá Félagsþjónustunni í
Reykjavík, Kópavogi, Hafnarfirði
og í Reykjanesbæ.
Væntingar
standa í stað
Fleiri eru svartsýnir en bjartsýnir
varðandi væntingar til efnahags­
og atvinnulífs. Þetta má lesa úr
nýrri væntingavísitölu Gallup
sem birt var í vikunni. Vísitalan
hækkaði um 1 stig í maí frá apríl
og mælist nú 83,6 stig. Í umfjöll­
un á vef Greiningar Íslandsbanka
kemur fram að hækkunin komi
í kjölfar töluverðrar lækkunar á
vísitölunni í apríl. „Við reiknuð­
um með að lækkunin í apr­
íl myndi ganga talsvert til baka í
maí, en ljóst er að það gekk ekki
eftir.“ Er látið að því að liggja að
verkföll framhaldsskólakennara
og verkföll grunnskólakennara
og flugfólks í maí hafi átt hlut að
máli.“
Tilmæli um samstarf
Samkeppniseftirlitið fylgist með fjölmiðlamarkaði
S
amkeppniseftirlitið beindi
ákveðnum sjónarmiðum til
fjölmiðlafyrirtækisins 365
og vefmiðilsins Eyjunnar
vegna samstarfs þeirra.
Þetta kemur fram í svari frá forstjóra
Samkeppniseftirlitsins, Páli Gunnari
Pálssyni, við fyrirspurn DV.
Eigandi Eyjunnar, Björn Ingi
Hrafnsson, stýrir nú sjónvarpsþætti
á Stöð 2 sem ber heitið Eyjan og er
þátturinn auglýstur á netmiðlinum.
Lítið hefur komið fram um hvað felst
nákvæmlega í samstarfinu en 365
hefur þó ekki keypt Eyjuna eftir því
sem næst verður komist.
Í svari Páls Gunnars segir að
stofnunin sé ekki með samstarfið til
skoðunar en hafi þó sett fram skoð­
anir um hvernig haga þyrfti samstarf­
inu til að það stæðist samkeppnislög:
„Samkeppniseftirlitið er ekki með
samstarf 365 og Eyjunnar til skoðun­
ar á þessu stigi. Áður hafa aðilar þó
snúið sér til eftirlitsins vegna máls­
ins. Af því tilefni kom Samkeppnis­
eftirlitið á framfæri sjónarmiðum
sem aðilar þyrftu að leggja til grund­
vallar við mat á því hvort samstarfið
stæðist samkeppnislög, enda er það
ávallt á ábyrgð aðila fyrirhugaðs
samstarfs að meta slíkt. Á þessu stigi
er eftirlitinu ekki kunnugt um hvort
eða með hvaða hætti tekið hefur ver­
ið tillit til þessara sjónarmiða. Engar
formlegar kvartanir hafa borist
vegna samstarfsins.“
DV greindi frá því í síðustu viku
að Samkeppniseftirlitið hefði kaup
365 á Konunglega kvikmyndafé­
laginu til skoðunar og tæki sér 120
daga í verkið. n ingi@dv.is
Samskipti vegna samstarfs
Samkeppniseftirlit Páls Gunnars
Pálssonar beindi tilmælum til
365 og Eyjunnar vegna samstarfs
fjölmiðlanna. Mynd SaMkeppnISeFtIRlIt