Dagblaðið Vísir - DV - 06.06.2014, Blaðsíða 11

Helgarblað 6.–9. júní 2014 Fréttir 11
n Fundargerðabækur vélhjólasamtakana segja söguna frá stofnun til 2012 n Einar Ingi var kosinn út í „Bad standing“
Í
skýrslu greiningardeildar ríkis­
lögreglustjóra frá árinu 2008
þar sem lagt var mat á hættu á
hryðjuverkum og skipulagðri
glæpastarfsemi kemur fram að
lögreglan hafði talsvert miklar
áhyggjur af því að Hells Ang­
els næðu fótfestu á Íslandi. Þar
sagði að Hells Angels hefðu lengi
haft áhuga á því að ná fótfestu
á Íslandi og að Fáfnismeðlim­
ir hefðu sótt það fast að fá að­
ild. Þar var tilgreint að vélhjóla­
samtök á borð við Hells Angels
tengdust skipulagðri glæpastarf­
semi í nágrannaríkjum Íslands
og væru stöðugt að auka umsvif
sín og stækka markaðssvæði.
„Þau hafa löngum verið umsvifa­
mikil á sviði fjárkúgana, ofbeldis
og fíkniefnaviðskipta. Fyrir ligg­
ur að mörg þessara samtaka
tengjast einnig vopnasmygli,
skipulagningu vændis og man­
sali. Í nágrannalöndunum hefur
ítrekað komið til blóðugra upp­
gjöra þessara hópa,“ segir í skýr­
slunni. Á þessum tíma stöðvuðu
lögreglumenn komur erlendra
Hells Angels­meðlima ítrekað á
Keflavíkurflugvelli. Árið 2008 var
ljóst að Fáfnismönnum var full
alvara og vildu þeir gerast full­
gildir meðlimir. Fyrsta skrefið
var að gerast stuðningsklúbbur
deildar Hells Angels á Norður­
löndum og gekk það eftir.
„Íslenski vélhjólaklúbbur­
inn Fafner MC­Iceland (Fáfnir)
hefur nú gerst stuðningsklúbbur
Hells Angels. Þar með hefur
hópur manna, sem ítrekað hef­
ur komist í kast við lögin hér
á landi, stofnað til formlegra
tengsla við skipulögð, alþjóðleg
glæpasamtök,“ segir í skýrslunni.
Á næstu árum lagði lögreglan
mikla áherslu á að berjast „gegn
birtingarmynd skipulagðrar
glæpastarfsemi,“ eins og segir
í skýrslu ársins 2013 um sömu
mál. Lögregla lagði upp úr því
að stöðva komu Hells Angels­
meðlima en einnig að „raska
starfsemi þeirra.“ Greint er frá
því í skýrslunni að forystu­
kreppu hafi orðið vart innan ís­
lensku vítisenglasamtakanna og
að allt benti til þess að umsvif
klúbbsins væru minni en áður.
Skýrslan kom út eftir að Einar
Ingi Marteinsson, fyrrverandi
formaður Hells Angels, var kos­
inn út úr samtökunum í „Bad
standing.“
Þrátt fyrir þennan góða ár­
angur taldi lögreglan of snemmt
að hrósa happi. Eðlilegast væri
að horfa til þess að um millibils­
ástand væri að ræða og að líklegt
væri að reynt yrði að blása aftur
lífi í klúbbinn. Óttuðust lög­
reglan meðal annars átök milli
Outlaws­samtakanna og Hells
Angels. „Samkvæmt tiltækum
upplýsingum tengjast félagar í
þessum samtökum enn fíkni­
efnaviðskiptum, handrukkunum
og fjárkúgunum,“ segir í skýrslu
greiningardeildarinnar. n
Lögreglan vaktar
Telur líklegt að reynt verði að blása lífi í samtökin
MC Iceland MC
Iceland voru formlega
gerð að Hells Angels-
samtökum árið 2011.
Hilmar Leifsson var í Hells Angels til ársins 2012
Á
aðalfundi MC Iceland
árið 2010 er tekið fram í
fundargerðabók klúbbs­
ins að „Hilmar“ vilji halda í
meðlim sem var við það að
hætta í samtökunum. Fundurinn
var þann 8. október árið 2010. Hilm­
ar er fyrsta nafn á mætingarlista
fundarins en „ Hilmar“ sem um
ræðir er Hilmar Leifsson. Það stað­
festir fyrrverandi Hells Angels­
meðlimur. „Hilmar beitti sér gegn
mér í Hells Angels. Hann reyndi að
fá meðlimi klúbbsins upp á móti
mér en það gekk ekki hjá honum.
Hann var í samtökunum til 2012,“
segir Sigmundur Geir Helgason,
sem hætti í samtökunum þetta
sama ár.
Hann segir Hilmar hafa verið
í samtökunum til ársins 2012, en
Hilmar hefur áður haldið því fram
að hann hafi hætt þátttöku í öllu
því er tengdist MC Iceland og Fáfni
áður en vélhjólasamtökin urðu
formlega að Hells Angels, eða Vít­
isenglum. Fundargerðabækur
sem DV hefur undir höndum gefa
þó annað til kynna, en þar kemur
nafn Hilmars fyrir og staðfestir Sig­
mundur að um var að ræða Hilm­
ar Leifsson. DV hefur fjallað mikið
um Hilmar á undanförnum vikum
í tengslum við innheimtuaðgerðir á
bílaláni.
Stefndi DV
Árið 2013 stefndi Hilmar Leifsson
ritstjórum DV fyrir meiðyrði fyrir
að bendla hann við Hells Angels.
Í dómsal kom þó fram að Hilmar
hafði ekið um á mótorhjóli merktu
Hells Angels. „Já, það þótti sniðugt
á þeim tíma sem við vorum í Fáfni,“
sagði Hilmar. Hilmar var í mótor­
hjólasamtökunum Fáfni sem síð­
ar fengu inngöngu í Vítisengla. „Ég
hætti þegar þeir fóru í þetta inn­
gönguferli. Það var í kringum 2007,“
hefur mbl.is eftir Hilmari sem sagð­
ist hafa prófað að ganga í Fáfni því
hann hafði gaman af akstri mót­
orhjóla. „Ég hafði hins vegar ekki
áhuga á frekari samskiptum og alls
ekki að tengjast Hells Angels,“ sagði
Hilmar, en fundargerðabækurnar
afhjúpa tengsl hans við samtökin.
DV var sýknað af kröfum Hilm­
ars og honum var gert að greiða
sex hundruð þúsund krónur í
málskostnað.
Hilmar vill halda í meðlim
Á aðalfundinum 2010 kemur fram
að það er meðlimur sem Hilmar
vill halda í. Um er að ræða sama
meðlim og rætt er um hér til hliðar
sem settur var á „High alert“ þegar
hann, Ríkharður Ríkharðsson,
kvaddi samtökin og gekk í önnur.
Í dagbókarfærslunni segir: „Einar
Boom á að ræða við hann og Hilm­
ar líka. Hilmar vill halda í hann.“
Settur út af sakramentinu
Þann 5. janúar 2012 ber nafn Hilm­
ars aftur á góma. Þá er einn með­
limur Vítisengla orðinn „non
contact“ það er að segja hafði ver­
ið settur út af sakramentinu. Mál­
ið tengdist deilum við Hilmar og
kemur það skýrt fram í dagbókar­
færslunni en þar segir: Simbi [Sig­
mundur Geir, innsk. blm.] er non
contact út af málinu með Hilmari.
Billi talaði við Boom í S.O.D [Souls
of Darkness, innsk. blm.] um að
fara til Simba. Grímur fór til Simba.
Grímur fer ekki aftur þangað.“
Báðu Hilmar um aðstoð
Gegnumgangandi í dagbókunum
eru umræður bæði um húsnæði
Vítisengla við Móhellu í Hafnarfirði
og fyrirhugaða House of Pain húð­
flúrstofu sem samtökin hugðust
setja á laggirnar í Faxafeni í Reykja­
vík. Fjármálin varðandi Móhellu
eru ítrekað rædd, samningsumleit­
anir við bankann og hvernig best
sé að ganga frá því. House of Pain
var á teikniborðinu hjá samtökun­
um í langan tíma og er oft verið að
ræða um að stofnun stofunnar sé á
næsta leiti. House of Pain er raunar
alþjóðleg keðja á vegum Hells Ang­
els og hefðu íslensku samtökin rek­
ið stofuna undir sömu alþjóðlegu
merkjunum. Þar átti einnig að selja
varning sem tengdist samtökunum
og freista þess að stofna svokallað­
an varnarsjóð eða „Defence fund“.
Sjóðurinn átti að vera til halds og
trausts kæmi til þess að meðlim­
ir eða samtökin þyrftu að eiga í
kostnaðarsömum deilum, til dæm­
is ef kalla þyrfti til lögfræðinga.
House of Pain virðist aldrei hafa
náð að verða að veruleika þrátt fyrir
viðleitni og vinnu sem lögð var í að
koma henni á laggirnar.
Í janúar 2012 sat Einar Ingi Mar­
teinsson, formaður samtakanna,
í gæsluvarðhaldi. Það torveldaði
uppgang House of Pain enn frekar.
Þann 27. janúar 2012, á aðalfundi,
ræddu aðrir meðlimir að ræða þyrfti
við Hilmar Leifsson varðandi fjár­
mögnun til að kaupa eða leigja hús­
næði í Faxafeni. Í fundargerð þessa
fundar segir: „Ingvar og Óskar ræða
við Hilmar varðandi fjármögnun á
Faksafeninu [sic].“ Hilmar kom því
að innra starfi klúbbsins á þessum
tíma og virðast meðlimir hafa treyst
á hann varðandi aðstoð við fjár­
mögnun á verkefnum.
Hilmar inn eða út?
Í mars 2012 kemur nafn Hilmars aft­
ur fyrir í fundargerðabókinni. Þar
velta meðlimir því fyrir sér hvort
hann ætli að vera áfram meðlimur.
Þar segir einfaldlega: „Hilmar það
þarf að tala við hann inn eða út?“ og
tekin var ákvörðun um að tveir með­
limir, Steini og Óskar, tækju verk­
efnið að sér. Fundurinn var haldinn
þann 14. mars 2012 og er fyrir margt
sögulegur en um er að ræða fund­
inn þar sem ákveðið var að víkja
Einari Inga úr stöðu formanns líkt
og greint var frá hér til hliðar.
Tilraunir til að ná tali af Hilm­
ari Leifssyni báru ekki árangur á
fimmtudag. n
Var í Vítisenglum
Hilmar Leifsson var í
Vítisenglum til ársins
2012 samkvæmt
fundargerðabókum
Hells Angels á Íslandi.
MynD SIgtryggur ArI
„Hilmar
það þarf
að tala við hann
inn eða út?
Hells angelsDagbækurnar
– 1. hluti –
„Hilmar beitti
sér gegn mér í
Hells Angels“