Gerðir kirkjuþings - 1992, Page 113

fatlaðra og þroskaheftra hefur áherslan verið lögð á það að kynna þessu
fólki hvaða sóknarprestum það tilheyrir og það hvatt til þátttöku í
safnaðarstarfi.
7. Sálgæsla - sálusorgun
Mjög mikilvægur þáttur prestsstarfsins er sálgæsla. Sr. Guðný
Hallgrímsdóttir hefur leitast við að leiðbeina prestum í þeim efnum og
beina fötluðum og aðstandendum þeirra til síns sóknarprests. Þörfin er
mikil og erfitt hefur reynst að vísa frá óskum um sálgæslu, þar sem sérhver
kristinn maður ætti að ganga inn í vanda náunga síns, aðstoða hann við að
finna tilgang lífsins að nýju svo hann finni sig eiga hlutverki að gegna og
geti nýtt sér möguleika sína til lífs.
Það er samt sem áður oft álitamál hvort kalla skuli prest til í erfiðleikum
eða ekki. Það sem að endingu skiptir máli er að allir eigi val, að allir sitji
við sama borð og njóti sama réttar til þátttöku í samfélagi okkar.
Niðurstaða
Eins og fram kemur í meðfylgjandi verklýsingu er áhersla lögð á að
þjónandi prestar Þjóðkirkjunnar og aðrir starfsmenn hennar, sinni þessu
verkefni. Þess vegna er mikilvægt að kynningarstarf sé unnið og ráðinn sé
prestur eða djákni til að sinna því starfi.
Um næstu áramót er sá tími útrunninn sem Samtök fatlaðra vilja styrkja
þetta verkefni ijárhagslega. Við teljum hins vegar að verkefninu sé ekki
lokið; enn sé nokkuð í land að kynningarstarfi innan kirkjunnar sé á enda.
í því sambandi má nefna að kirkjuþing hefur samþykkt ályktun um aukna
þátttöku kirkjunnar í málefnum geðfatlaðra. Unnið er nú að þessu verkefni
á fræðsludeild Biskupsstofu. Takmarkið er að prestar og starfsmenn
kirkjunnar séu þess fullbúnir að sinna með sóma þessum sjálfsögðu
verkefnum. Þess vegna er enn um sinn brýn nauðsyn á fjárveitingu til
þessa starfs.
108