Gerðir kirkjuþings - 1992, Blaðsíða 165

FJÖLSKYLDUÞJÓNUSTA KIRKJUNNAR
Laugavegi 13, 4. hæð 101 Reykjavík
að leggja sitt af mörkum. Að sjálfsögðu er FÞK eins og hún starfar í dag fyrlr
prestshjón og prestsfjölskyldur eins og aðrar fjölskyldur. Og prestsfjölskyldum
stendur önnur ráðgjafarþjónusta til boða hjá öðrum aðilum. Annað mál hvort hér sé
til umræðu að sálusorgari komi reglubundið í heimsókn inn á heimili prestsins og
eigi viðtal og stund með prestinum og fjölskyldu hans. Eða að prestur komi
reglubundið til einhvers eins sálusorgara sem hann velur sjálfur sem sennilega
væri betra fyrirkomulag.
Ég vil nú draga saman þær hugmyndir sem hér hafa lítillega verið reifaðar.
Varðandi handleiðslu fyrir presta:
1. Sérstakur símaviðtalstími hjá FÞK eingöngu ætlaður prestum. Kannski alla virka
daga, kl 9 -10 á morgnana. Opinn öllum prestum og þyrfti ekki að panta sérstaklega.
Kostnaður enginn aukalega.
2. Sérstakur vikuleour viðtalstími hiá FÞK frátekinn fyrir presta. Þeir sem vildu nýta
sér tímann þyrftu að láta vita fyrirfram. Kannski miðvikudaga kl 17-19. Lítill
aukakostnaður.
3. Heimsóknir til presta. Mætti hugsa sér sem handleiðsla varðandi stefnumarkandi
mál en nær ekki að vera handleiðsla varðandi tímabundinn sálgæsluverkefni.
Hverjum presti stæði til boða tvær heimsóknir á ári, 2-3 klst í senn. Kostnaður væri
talsverður fyrir FÞK vegna ferða og uppihalds, en væri prestum að kostnaðarlausu.
4. Handleiðsluhópar presta. 4-5 prestar kæmu reglubundið saman í hópi og einn
þeirra leiddi. Til að byrja með gæti hópurinn hist mánaðarlega, 3 klst í senn.Til að
byrja með yrði starfsfólk FÞK í hlutverki handleiðara, en unnið væri jafnhliða að því
að koma á fót námskeiðum fyrir þá sem vildu gerast handleiðarar. Kostnaður vegna
handleiðara væri greiddur af FÞK en ferðir presta einkum í dreifbýli yrði að leysa
sérstaklega.
5. Hvers kyns námskeiðahald oa fræðsla er miðaði að því að styrkja presta í
sálgæslustarfi ( og reyndar preststarfi almennt) Mætti þar nefna leiðbeiningar í
hjóna- og fjölskylduviðtölum, hvað beri að gera í sáttahlutverki í skilnaðarmálum auk
margs kyns annarra viðfangsefna sem tengjast sálgæsluverkefni prestsins. Kynning
á löggjöf og starfsreglum sem snerta okkar störf.... Hvað geta prestar gert og hvað
eiga þeir að gera til hjálpar og leiðbeiningar sóknarbörnum sínum? Hver er sérleiki
sálgæslunnar? Hver eru tengsl hennar við önnur störf prestsins? Hvað með
þagnarskyldu presta?.....
Þess háttar námskeiðahald gæti verið á vegum FÞK, PÍ, deilda innan PÍ.
Viðtöl - Ráðgjöf - Fræósla
160