Són - 01.01.2009, Qupperneq 96

BRAGI HALLDÓRSSON96
tvær; það er með öðrum orðum ekki lengur þörf á því að sækja efnið
í þær því að sagan er farin að lifa sjálfstæðu lífi í rímum. Samt biður
hann þjóðina að halda ekki „að ég hróður ætli minn / eldri ljóðum
betri“ (3) og jafnframt að misvirða ekki „kvæðalýti“ sín sem skýrist af
ungum aldri höfundar (6).
Næst er farið hratt yfir afrek Hjálmars og Örvar-Odds (8–12) þar
til þeir koma til Svíþjóðar til Hlöðs konungs sem á væna dóttur,
Ingibjörgu, sem er svo lýst:
36 Athyglisvert er að Ingibjörg er dóttir Hlöðs konungs í rímunni (13) og bak við það
faðerni kann að leynast einhver óljós endurómur frá Hlöðskviðu. Faðerni Ingi-
bjargar er annars mjög á reiki í sögum. Hún er dóttir Ingjalds konungs í einni gerð
Örvar-Odds sögu, Hlöðvers í einni gerð Hervarar sögu og Heiðreks konungs og stundum
er hún sögð dóttir Yngva eða Inga bæði í sögum og rímum. Þetta faðernismál
verður ekki útkljáð úr þessu.
15
Dóttur eina öðling snar
átti, greina sögur;
eðalsteina ekran var
andlitshrein og fögur.
16
Prýði fjáð var frúar sál
fríðum skráð af glósum,
íðilfáðu brúna bál
blíðu stráðu ljósum.
17
Kinnar slyngur reifði rar
rósahringur blóma;
heiti Ingibjargar bar
björkin fingra ljóma.
18
Öðrum bar af fljóðum frjáls
fegurð rara’ og blíða;
rjóða skara ekran áls
orðin var fulltíða.
Lýsingar á Ingibjörgu eru allar í svipuðum dúr þar sem hún er ímynd
kvenlegs yndisþokka og dyggða.36
Næst er lýst á hjartnæman hátt hvernig ást elskendanna kviknar
(19–22) áður en Angantýr og bræður hans koma og hefja upp
bónorð við Ingibjörgu (23–33). Þá játar Ingibjörg ást sína á Hjálmari
opinberlega fögrum orðum (36–39) og sú játning leiðir til ein-
vígisáskorunar sem Hjálmar og Oddur taka (40–46) og búa sig til
ferðar (47–53). Viðskilnaði elskendanna við Agnafit er síðan lýst í
harmrænu samtali þar sem viðkvæmur feigðargrunur Ingibjargar
brýst fram í ástleitnu augnaráði og tárum (54–81). Þetta er fyrra ris
rímunnar. Sjóferðarlýsingin til Sámseyjar er einkar myndræn (84–
86). Þessu næst er atburðum á Sámsey fyrir bardagann lýst nákvæm-
lega og inn á milli skotið samtölum Hjálmars og Odds, Angantýs og