Són - 01.01.2009, Side 174

HAUKUR ÞORGEIRSSON174
þessum kvæðum er orðið í stöðu þar sem þess er að vænta að fyrra
atkvæði tvíkvæðs orðs sé langt. Þetta bendir til að ekki sé rétt að bæta
greini við orðið í Maríugráti. Ef til vill hefur orðið verið borið fram
édik að fornu en ítarlegri rannsóknir þyrfti áður en nokkuð væri um
það fullyrt.
Lokaorð
Hér hefur verið bent á nokkur atriði í nýju dróttkvæðaútgáfunni sem
sá sem þetta skrifar hefði heldur kosið að væru öðruvísi. En enginn
má skilja þessi skrif svo að í útgáfunni séu tómar ambögur eða að rit-
stjórum hennar séu sífellt mislagðar hendur. Þvert á móti er hér ærið
margt sem fengur er að. Sérstaklega sýna útgefendur natni og elju við
að tengja kristinn íslenskan kveðskap við helgirit í lausamáli og
samtímabókmenntir í Evrópu. Margt fleira mætti hrósa þeim fyrir
þótt hér hafi sjónum verið beint að veikari hliðum verksins. Það er
ljóst að þrátt fyrir nokkrar missmíðar mun enginn sem fjallar um
fornan kveðskap í framtíðinni geta gengið framhjá Skaldic Poetry of the
Scandinavian Middle Ages.
HEIMILDIR
Clunies Ross, Margaret. 2007. Skaldic Poetry of the Scandinavian Middle Ages.
Volume VII: Poetry on Christian Subjects. Turnhout, Brepols.
Skj = Finnur Jónsson. 1912–1915. Den norsk-islandske Skjaldedigtning A I-
II, B I-II. København.
Finnur Jónsson. 1924. Den oldnorske og oldislandske litteraturs historie III.
København.
Ordbog til rímur = Finnur Jónsson. 1926–1928. Ordbog til de af Samfund til
udg. af gml. nord. litteratur udgivne rímur samt til de af Dr. O. Jiriczek udgivne
Bósarimur. København.
Finnur Jónsson. 1931. Lexicon poeticum antiquæ linguæ septentrionalis: ordbog
over det norsk-islandske skjaldesprog. København.
Hreinn Benediktsson. 1979. Relational Sound Change: ‘vá’ > ‘vo’ in
Icelandic. Linguistics Method. Essays in Honor of Herbert Penzl. The Hague.
Jakob Benediktsson. 1960. Um tvenns konar framburð á ld í íslenzku,
Íslenzk tunga 2:32–50.
Jón Helgason. 1936–1938. Íslenzk miðaldakvæði. Islandske digte fra senmiddel-
alderen I.2–II. København.