Gerðir kirkjuþings - 1999, Síða 67

13. mál.
31. KIRKJUÞING. 1999.
Þski. 13.
Kirkjubæjarklaustri, að þar voru eignir innleystar fyrir verulegar íjárhæðir og jafnframt
unnið að lagfæringum.
Prestssetrið í Þykkvabæ var selt á árinu, en þar hafði prestakallið verið sameinað
nágrannaprestaköllum. Akveðið var að fresta sölu á prestssetrinu í Grindavík og er það nú
leigt út til næstu áramóta.
Fjárhagsstaða.
í tilefni af þessu er ástæða til að nefna að viðhald eigna Prestssetrasjóðs verður að
vera með þeim hætti að húsin séu á öllum tímum í góðu lagi og að ekki sé frestað
endumýjun eða lagfæringum af þeirri ástæðu að prestur beri sig ekki eftir viðhaldinu og
eða að hann hafi setið um langt árabil í embætti og því ástæðulaust að endumýja fyrr en
nýr prestur tekur við.
Þessi ásetningur er þó ekki ffamkvæmanlegur nema sjóðurinn hafi til umráða
nægjanlegt fjármagn til aðgerða. Lausafjárstaða Prestssetrasjóðs var og hefur verið mjög
slæm. Sjóðurinn er stöðugt að framkvæma og er mjög erfitt að vinda ofan af þeirri þörf.
Sjóðurinn hefur lengstum á þessu ári skuldað um 20 milljónir króna í yfirdráttarlánum og
auk þess verið með ógreidda reikninga á bilinu 5 til 10 milljónir misjafnt eftir mánuðum.
Ljóst er að með slíkan skuldahala getur stjóm sjóðsins ekki haldið áfram með
framkvæmdir þó þær séu mjög aðkallandi. Það að breyta þessum skammtímaskuldum í
langtímalán er ekki lausn því þá er búið að ráðstafa nánast öllu viðhaldsfé fyrirfram í
afborganir og vexti af þeim sömu lánum. Þessi staða er þrátt fyrir að sjóðurinn tók um 20
milljón króna lán til langstíma á síðasta ári.
Lögin um Prestssetrasjóð em með þeim eindæmum að rekstrarreikningur sjóðsins er
árlega gerður upp með margra milljóna tekjuafgangi, sem er vegna þess að söluverð
prestssetra er fært til tekna á meðan ný prestssetur em eignfærð. Þetta veldur því að
lausafé sjóðsins er minna en ekkert og hefur Ríkisendurskoðun vakið athygli á þessum
vanda við sína endurskoðun. Stjóm sjóðsins getur ekki tekið á þessum vanda nema að
stöðva allar framkvæmdir og vinna nánast það viðhald sem flokka má sem
neyðarráðstafanir á næstu tveimur til þremur árum. Ef slíkt er gert má ætla að prestar
gerðu uppreisn enda væm slík vinnubrögð ekki bjóðandi nokkmm manni. Það verður því
að leita til "eigenda" sjóðsins eftir auknu fé til prestssetra hvemig svo sem farið er að því.
Meðfylgjandi þessari skýrslu er ársreikningur sjóðsins fyrir árið 1998 og yfirlit yfir
viðhaldskostnað prestssetra frá l.janúartil 1. október 1999.
Afgreiðsla.
Framsögumaður fjárhagsnefndar Jóhann E. Bjömsson mælti fyrir áliti nefndarinnar
sem lagði til að skýrslan yrði afgreidd með eftirfarandi
ÁLYKTUN
Kirkjuþing 1999 samþykkir ársreikning ársins 1998 svo og íjárhagsáætlun hans fyrir
árið 2000.
Fjárhagsnefnd mælist til þess við stjóm prestssetrasjóðs að hún kanni eftirfarandi til
þess að auka tekjur sjóðsins:
63