Peningamál - 01.02.2003, Síða 20

PENINGAMÁL 2003/1 19
tæplega 3% verðbólgu (eða 2,6% sé miðað við sama
ársfjórðung, þ.e. 2003:4). Samkvæmt spánni mun
verðbólga haldast nokkuð stöðug út spátímabilið, á
bilinu 2-2¼%. Spáð er 2% verðbólgu tvö ár fram í
tímann, sem er óbreytt frá síðustu spá. Verðbólga á
þessu og næsta ári verður því rúmlega 2%, sem er
aðeins undir verðbólgumarkmiði bankans en þó vel
ofan neðri þolmarka verðbólgumarkmiðsins. Spá
Í síðustu könnun meðal sérfræðinga á fjármálamarkaði
var sú forsenda gefin að ekki skyldi gert ráð fyrir
virkjunar- eða álversframkvæmdum. Niðurstöður
birtust í Peningamálum 2002/4. Í þetta skipti var svar-
endum hins vegar gefið sjálfdæmi um forsendur spár-
innar. Allir gerðu ráð fyrir framkvæmdum tengdum
álveri Alcoa og sumir reikna einnig með stækkun
Norðuráls á tímabilinu enda könnunin gerð áður en
nýlegur úrskurður setts umhverfisráðherra lá fyrir.
Fyrst sýnir taflan mat sérfræðinganna á verðbólgu-
horfum fyrir þetta og næsta ár. Eins og sjá má eru verð-
bólguspár fyrir árið í ár svipaðar spá Seðlabankans og
undir verðbólgumarkmiði hans. Hins vegar búast sér-
fræðingarnir við nokkru meiri verðbólgu árið 2004 en
bankinn, bæði yfir árið og á milli ársmeðaltala.
Í könnuninni voru sérfræðingarnir einnig spurðir
um horfur varðandi aðrar lykilstærðir efnahags-
framvindunnar. Athyglisvert er að sérfræðingarnir eru
bjartsýnni á hagvöxt en Seðlabankinn. Að meðaltali
spáðu þeir 2½% hagvexti í ár – sem er nokkur hækkun
frá spá sömu aðila í október sl. – og 3½% næsta ár. Spá
bankans nú er 1¾% fyrir 2003 og 3% 2004 og hefur
lítið breyst frá síðustu spá.
Fimm af sex sérfræðingum telja að gengi krón-
unnar styrkist lítillega næstu tólf mánuði en þegar litið
er tvö ár fram í tímann eru skoðanir skiptar. Almennt
gera þeir ráð fyrir sterkara gengi krónunnar til lengri
tíma en í síðustu spá. Af töflunni sést að markaðsaðilar
telja að nú sjái fyrir lok vaxtalækkana Seðlabankans og
hafa þar vafalaust í huga væntanlegar stórfram-
kvæmdir. Telja þeir stýrivextina komna í 6% eftir ár og
tæp 7% eftir tvö ár.
Að lokum benda niðurstöður könnunarinnar til
þess að sérfræðingarnir telji framtíðarhorfur á hluta-
bréfamarkaði betri en í síðustu spá. Búast þeir við
hækkun úrvalsvísitölu hvort sem litið er eitt eða tvö ár
fram á við. Mikill munur er þó á væntingum eins og
ráða má af hæstu og lægstu gildum. Skiptar skoðanir
eru einnig um fasteignaverð. Næstu tólf mánuði eru
spár frá 2% lækkun og upp í 5% hækkun en allir
reikna með hærra verði eftir tvö ár.
Yfirlit yfir spár sérfræðinga á fjármálamarkaði1
2003 2004
Meðaltal Hæsta gildi Lægsta gildi Meðaltal Hæsta gildi Lægsta gildi
Verðbólga (yfir árið) ............................................. 2,3 3,2 1,5 2,9 3,8 2,0
Verðbólga (milli ársmeðaltala) ............................. 2,1 2,8 1,5 2,6 3,7 2,0
Hagvöxtur ............................................................. 2,5 3,0 2,0 3,6 4,0 3,1
Eitt ár fram í tímann Tvö ár fram í tímann
Gengisvísitala erlends gjaldmiðils......................... 121,3 125,0 120,0 125,0 130,0 115,0
Stýrivextir Seðlabankans ...................................... 6,0 6,3 5,8 6,9 7,5 6,3
Langtímanafnvextir2 ............................................. 7,2 8,0 6,7 8,1 9,5 7,3
Langtímaraunvextir3 .............................................. 4,6 5,1 4,0 5,0 5,4 4,8
Úrvalsvísitala Aðallista ......................................... 8,4 12,0 3,7 13,6 26,0 5,0
Breyting fasteignaverðs ........................................ 3,1 5,0 -2,0 5,2 10,0 1,0
1. Taflan sýnir breytingar milli tímabila í % nema hvað varðar gengi og vexti. Sýnd eru þau gildi sem spáð er fyrir vexti (%) og gengisvísitölu
erlendra gjaldmiðla (stig). Þátttakendur í könnuninni eru greiningardeildir Búnaðarbanka Íslands, Íslandsbanka, Kaupþings, Landsbanka Íslands,
SPRON og Ráðgjöf og efnahagsspár. 2. Ávöxtunarkrafa í tilboðum viðskiptavaka í ríkisbréf (RIKB 07 0209). 3. Ávöxtunarkrafa í tilboðum viðskipta-
vaka í húsbréf (IBH 41 0315). Heimild: Seðlabanki Íslands.
Rammagrein 2 Könnun á mati sérfræðinga á fjármálamarkaði á horfum í efnahagsmálum