Peningamál - 04.11.2015, Qupperneq 3

P
E
N
I
N
G
A
M
Á
L

2
0
1
5
•
4
3
Yfirlýsing peningastefnunefndar
4. nóvember 2015
Peningastefnunefnd Seðlabanka Íslands hefur ákveðið að hækka vexti
bankans um 0,25 prósentur. Meginvextir bankans, vextir á sjö daga
bundnum innlánum, verða því 5,75%.
Spáð er 4,6% hagvexti á þessu ári sem er um ½ prósentu meiri
vöxtur en gert var ráð fyrir í ágústspá bankans og hafa hagvaxtar-
horfur til næstu ára einnig batnað. Hagvöxturinn er einkum borinn
uppi af innlendri eftirspurn sem talin er aukast um ríflega 7% í ár.
Verðbólga hefur reynst nokkru minni að undanförnu en spáð
var í ágúst og er enn undir markmiði, sérstaklega ef horft er framhjá
húsnæðislið vísitölu neysluverðs. Stafar það einkum af meiri lækkun
alþjóðlegs hrávöru- og olíuverðs og hækkun á gengi krónunnar sem
hefur vegið á móti auknum verðbólguþrýstingi af innlendum toga.
Verðbólguhorfur til skamms tíma eru af ofangreindum ástæðum
töluvert betri en Seðlabankinn spáði í ágúst en til lengri tíma litið hafa
þær lítið breyst. Því er áfram spáð að miklar launahækkanir muni leiða
til þess að verðbólga fari yfir markmið er líður á næsta ár þegar dregur
úr áhrifum lítillar alþjóðlegrar verðbólgu. Verðbólga mun ekki nálgast
markmiðið á ný fyrr en á árinu 2018. Spáin byggist á þeirri forsendu að
aðhald peningastefnunnar sé hert samhliða því að framleiðsluspenna
og verðbólga aukast. Þá er einnig tekið mið af því að frumvarp til fjár-
laga felur í sér nokkra slökun á aðhaldi í ríkisfjármálum að teknu tilliti
til hagsveiflu.
Sterkari króna og hagstæðari alþjóðleg verðlagsþróun hefur
gefið svigrúm til að hækka vexti hægar en áður var talið nauðsynlegt.
Það breytir hins vegar ekki því að þörf er á auknu aðhaldi peninga-
stefnunnar á næstu misserum í ljósi vaxandi innlends verðbólguþrýst-
ings. Hve mikið og hve hratt það gerist ræðst af framvindunni og því
hvernig greiðist úr þeirri óvissu sem nú er til staðar í efnahagsmálum.
Töluverð óvissa er m.a. um miðlun peningastefnunnar um þessar
mundir þar sem áhrifa óvenju lágra alþjóðlegra vaxta hefur í vaxandi
mæli gætt hér á landi. Mótun peningastefnunnar mun einnig ráðast
af þróun lausafjárstöðu í tengslum við losun fjármagnshafta og af því
hvort öðrum stjórntækjum hagstjórnar verður beitt til þess að halda
aftur af eftirspurnarþrýstingi á komandi misserum.