Glóðafeykir - 01.12.1987, Blaðsíða 55

GLÓÐAFEYKIR
55
Stefánsdóttir. Þau slitu samvistum. Árið 1936 kvæntist hann
Ingibjörgu Arnadóttur prófasts á Stóra-Hrauni Þórarinssonar, hins
nafnkunna klerks. Lifir Ingibjörg mann sinn ásamt syni þeirra hjóna,
Arna, fiskimatsmanni á Sauðárkróki. Son átti Gunnar áður en hann
kvæntist Ingibjörgu, Helga Guðmund, forstöðumann vinnuhælisins á
Litla Hrauni. Stjúpsonur Gunnars, er hann gekk að öllu í föðurstað, er
Gísli Geir Hafliðason, rafvirkjameistari í Reykjavík.
Gunnar Guðmundsson var smiður góður og hafði ágæta
verkþekkingu. Á Reykjum reisti hann flest hús frá grunni, var og oft
kvaddur að heiman til þeirra starfa, er þekkingu og færni þurfti til að
inna af hendi. En með tilkomu mæðiveikinnar reið ólán yfir heimili og
efnahag, og þeim mun meira sem mjólkursölu varð eigi við komið
sakir vegleysis.
Gunnar á Reykjum - en svo var hann tíðum nefndur síðara hluta
ævinnar - var góður meðalmaður á vöxt, mikill á yfirbragð,
þróttmannlegur og djarfmannlegur, mikill hæfileikamaður og margt
vel gefið. Honum er svo lýst af kunnugum, að hann hafi verið
„óvenjulegt karlmenni í lund, harðfylginn, dugmikill og óvæginn
sjálfum sér og öðrum, hrjúfur á yfirborðinu en drenglyndur og hlýr,
þegar innar var leitað, óvenju heitur og einlægur trúmaður”. Gunnar
hafði ágæta söngrödd, hóf að syngja með Karlakór Reykjavíkur þegar
er hingað kom upp frá Noregi og hélt því áfram meðan dvaldist í
Reykjavík, var með í söngför kórsins til Noregs 1935, einnig í
Alþingishátíðarkórnum 1930. Gunnar var lífbjartur maður frá fyrsta
fari, en átti löngum við nokkra efnahagsörðugleika að etja og naut sín
eigi fyrir þær sakir svo sem efni stóðu til. En hann fór með hreinan
skjöld af þessum heimi, ef til vill svolítið iljasár.
Þórarinn Eymundsson, bóndi í Saurbæ á Neðribyggð, lést hinn 13.
ágúst 1976.
Hann var fæddur í Saurbæ 12. maí 1925, sonur Eymundar bónda
þar Jóhannssonar bónda s. st., Jóhannssonar bónda á
Hafgrímsstöðum í Tungusveit, Jóhannssonar á Minna-Grindli í
Fljótum, Tómassonar bónda þar, Sigurðssonar, - og konu hans
Ástríðar Jónsdóttur bónda á Krithóli Eyjólfssonar, en kona Jóns og
móðir Ástríðar var Ingibjörg Björnsdóttir, er áður var gift Árna
Jónssyni skálds á Víðimýri. Jóhann í Saurbæ, faðir Eymundar, föður
Þórarins, var albróðir Guðjóns á Nýlendi, sjá Glóðaf. 1977, 18. h. bls.
58.
Þórarinn ólst upp í Saurbæ með foreldrum sínum. Faðir hans
andaðist á fimmtugasta aldursári í ársbyrjun 1942. Ástríður bjó áfram