Glóðafeykir - 01.12.1987, Blaðsíða 24

24
GLÓÐAFEYKIR
-Og hvað var til ráða?
-Þá var mikið atvinnuleysi á Siglufirði, eins og allstaðar á þessum
árum. Eg var svo lánsamur að fá pláss á síldarskipi, línuveiðaranum
Ármanni frá Reykjavík. Skipstjóri var Gestur Guðjónsson frá
Siglufirði virtur og heppinn, afbrigða sjómaður og valmenni. Vertíðin
gekk vel, og mér tókst að greiða skuldir mínar.
Mér leið vel á sjónum og stundaði hann til 1940, lengst með Gesti,
fyrst á Ármanni, en síðar á litlum mótorbátum frá Siglufirði, sem voru
gerðir út á vetrarvertíð frá Suðurnesjum, Keflavík og Sandgerði. Það
var harðsótt sjómennska, einkum ferðirnar suður, sem famar voru
fyrstu dagana í janúar.
Ein slík ferð er mér minnisstæð. Við lögðum upp frá Siglufirði að
kvöldi 2. janúar á m/b Draupni (16 tonna). Hægur andvari var á af
norðri og snjómugga. Er við komum vestur fyrir Skaga, brast á
norðaustan garður með stórsjó og dimmviðri. Var þá tekin stefna
djúpt fyrir Strandir og Horn og síðan suður með Vestfjörðum, án þess
að hafa landkynningu. Þegar veðrið lægði og rofaði til, vorum við út af
Patreksfirði. Þar var legið í vari um nótt. Þess má geta, að engin
siglingatæki voru þá komin í fiskibáta, nema áttaviti og skriðmælir.
Sem betur fer eru nú slíkar ferðir aflagðar, skipin stærri og betur búin
tækjum, vinnuaðstaða og vistrými á aðra lund en þá, og er það vel. Nóg
mun samt reyna á þá tiltölulega fáu menn, sem enn eiga frumþáttinn í
að brauðfæða þjóðina, sem og aðrir þeir, er starfa að
undirstöðuatvinnugreinunum.
-Og svo festir þú ráð þitt?
-Já árið 1939 giftist ég fyrri konu minni, Hólmfríði
Guðmundsdóttur frá Reykjum í Ólafsfirði, f. 25. 7. 1913.
Mjög erfitt var um húsnæði á Siglufirði um þessar mundir, og
fengum við leigt eitt lítið herbergi með aðgangi að eldhúsi, er við
höfðum fram að áramótum.
Þá höfðum við eignast dóttur, sem er Erna Guðrún, nú húsmóðir á
Hofsósi. Henni komum við í fóstur til ömmu sinnar og afa á Reykjum,
en fórum bæði á vertíð í Sandgerði. Þegar heim kom um vorið, sat við
það sama í húsnæðis- og atvinnumálum á Siglufirði.
Brugðum við þá á það ráð að flytja að Grafargerði með Ernu litlu. I
Grafargerði bjuggu þá Steinþór bróðir minn og Sóley kona hans.
Bjuggum við bræður þar í félagi í nokkur ár og stunduðum sjóinn með,
á trillubáti, sem við áttum.
Þann 19. desember 1943 eignuðumst við dreng, Vilhjálm Hólm, sem