Glóðafeykir - 01.12.1987, Blaðsíða 69

GLÓÐAFEYKIR
69
bjuggu svo foreldrar Ingibjargar unz dagar Björns voru uppi, en hann
lézt 21. okt. 1956. Jóhanna, ekkja hans, lifír enn, áttræð að aldri, og
hefur nú dvalizt um hríð á Héraðssjúkrahúsi Skagfirðinga á
Sauðárkróki.
Hinn 16. nóv. 1938 giftist Ingibjörg Hrólfi bónda í Kolgröf á
Efribyggð Jóhmnesyrú og Maríu Guðmunds-
dóttur, síðar bústýru Helga bónda á Miðsitju
í Blönduhlíð Guðnasonar, sjá þátt um
Jóhannes í Glf. 1970, 11. h. bls.56. Hafði þá
Hrólfur búið í Kolgröf frá 1932 og lengstum
móti Bimi bróður sínum. Fór Ingibjörg
þegar til bús með Hrólfi og bjuggu þau í
Kolgröf til 1962, er þau seldu jörðina, sem
þau höfðu löngu keypt, brugðu búi og fóru
byggðum til Sauðárkróks, keyptu íbúðarhús
og áttu þar heima æ síðan. Hrólfur var góður
bóndi, Ingibjörg hyggin húsmóðir og
hallaðist þar í engu á. Síðustu árin allmörg
hefur Hrólfur verið starfsm. Kaupfél. Skagf.
Fimm urðu börn þeirra hjóna og lifa öll:
María, húsfr. á Akureyri, Jóhanna Bima,
húsfr. að Felli í Sléttuhlíð, Bragi Stefán, bifvélavirki á Sauðárkróki,
Sœmundur, rafvélavirki á Akureyri og Sigríður Björg, húsfr. í
Hveragerði.
Ingibjörg frá Kolgröf var naumlega meðalkona á vöxt, geðfelld í
sjón og raun, greind kona, glaðleg og hlý í viðmóti, fínleg að allri gerð.
Hún var góð eiginkona og góð móðir, félagslynd að eðli, en hljóðlát og
íhugul, gestrisin og góðviljuð, trúhneigð koma, vinsæl og vel metin af
öllum, er til þekktu.
Ingibjörg
Bjömsdóttir
Sigurður Ólafsson, fræðim. á Kárastöðum í Hegranesi, lézt hinn 27.
des. 1976.
Hann var fæddur að Hróarsdal í Hegranesi 29. okt. 1892. Foreldrar:
Ólafur, þá húsm. þar, Guðmundsson, albróðir Þorsteins á Víðivöllum,
sjá Glóðaf. 1970, 11. h. bls. 70, og kona hans Sigurbjörg Jónasdóttir
bónda og smáskammtalæknis í Hróarsdal, Jónssonar bónda þar,
Benediktssonar s.st., og 2. kona hans Elísabet Gísladóttir bónda á
Lóni í Viðvíkursveit o. v. Ingimundarsonar bónda á Litlahóli í sömu
sveit, Þorgrímssonar, og konu hans Önnu Halldórsdóttur bónda á
Höskuldsstöðum í Blönduhlíð, Brynjólfssonar.
Sigurður óx upp með foreldrum sínum, bernskuárin fyrstu í