Glóðafeykir - 01.12.1987, Blaðsíða 59

GLÓÐAFEYKIR
59
1943, er hún sleppti búi og flutti með sonum sínum til Sauðárkróks,
hélt heimili með þeim, vann við sauma og síðan í físki, meðan heilsa og
kraftar entust. Síðustu árin bjó hún með Inga, elsta syni sínum.
Þrír eru synir þeirra Maríu og Helga og allir á Sauárkróki: Ingi,
verkam., Gunnar, vélsmiður og Asgrímur. verslunarm. hjá K.S.
María Guðmundsdóttir var myndarkona í sjón. Hún var greind
kona, gædd mikilli atorku, miklu þreki og þolgæði, miklu trúartrausti,
vinsæl kona og virt af öllum, sem til hennar þekktu.
Jón Gíslason,bóndi að Miðhúsum í Blönduhlíð, varð bráðkvaddur
hinn 30 ágúst 1976.
Hann var fæddur á Minni-Ökrum í Blönduhlíð 15. okt. 1893, sonur
Gísla, síðar og lengst bónda í Miðhúsum, Þorfínnssonar, afkomanda
Jóns fjórðungslæknis í Viðvík, Péturssonar, og konu hans Guðrúnar
Jónsdóttur. Var Jón í Miðhúsum albróðir
Ama, föður síra Sigfúsar á Miklabæ, sjá
Glóðaf. 1972, 13. h. bls. 54 og Aðalbjargar,
Glf. 1979, 19. h. bls. 62.
A sjöunda aldursári fluttist Jón með
foreldrum sínum að Miðhúsum, ólst þar upp
í stórum og glaðværum systkinahópi og átti
þar heima til æviloka. Ungur maður var
hann í veturvist og kaupamennsku á
nokkrum bæjum, í Vallholti ytra, á
Silfrastöðum, í Réttarholti. Annað né lengra
fór hann eigi til heimandvalar.
Jón tók við búi árið 1920 og bjó þar
lengstum með Aðalbjörgu systur sinni. Þau
voru ákaflega samrýmd og samhent, sem og
að vísu systkinin öll. Hvorugt þeirra giftist né
átti börn, en árið 1927 tóku þau í fóstur
systurson sinn, Gísla, nú bónda í Miðhúsum, og gengu honum að öllu í
foreldrastað. Þrúður, móðir hans og systir þeirra, dó snemma árs 1928,
en alls voru systkinin 7, þau er upp komust.
Jón í Miðhúsum bjó snotru búi en eigi stóru, natinn við skepnur,
hestelskur og var á hestbaki síðasta kvöldið, sem hann lifði. Þau voru
frábærlega gestrisin, systkinin, og notalegt og gott með þeim að vera.
Jón gegndi ýmsum trúnaðarstörfum. Sat í hreppsnefnd a.m.k. 8 ár og
var jafnlengi fjallskilastjóri, mörg sumur varðmaður við Héraðsvötn á
vegum Sauðfjárveikivarna; þá var hann og fjölda ára fulltrúi á
Jón
Gíslason