Glóðafeykir - 01.12.1987, Blaðsíða 31

GLÓÐAFEYKIR
31
Stefán einnig allvel leit
út, þess sagan getur.
Hér var frábær fjörubeit
flesta daga í vetur.
Einhverjir minntust á, að nú mundi Leirgerður þykkna undir belti,
svo margir hefðu þeir verið sem hefðu verið að kjá við hana um
sýslufundinn. Þá orti sekreterinn:
Ennþá Gerður, - ættum vér -
ótal börnin getur
sem að furða engin er
eftir þennan vetur.
En hver mun eiga hópinn þann?
Hvíslar margur dóni.
En bragnar segja að blóðprufan
beinist helst að Jóni.
Þessi vísa þarfnast ekki skýringa. Eftir Jón á Hofi.
Leiðsögn brjálar mæta menn
myrkvuð sálartýra.
Vegamálin eru enn
ekki þjál að skýra
Árið 1954 hófst sýslufundur 23. mars og sat nú Jón Bakkaskáld
fundinn, og var nú bjart yfir mönnum og gleði mikil. Orti sekreteri um
leið og hann settist niður og sendi til vinar síns.
Sýslufundur er settur enn
allt syngur með gleði tón.
Víða safnast að vaskir menn
úr Viðvíkurhreppi er Jón.
Aldursforseti okkar var
því æfin er býsna löng
Honum til vegs og virðingar
er veifa á hverri stöng.