Glóðafeykir - 01.12.1987, Blaðsíða 72

72
GLÓÐAFEYKIR
löngum, en lét sem ekki væri og vann, þótt vafalaust væri á stundum
meir en máttinn hafði til.
Árið 1931, hinn 19. sept. kvæntist Ármann Sigurbjörgu Pétursdóttur
frá Skagaströnd. Börn þeirra eru þrjú: Haukur, verkam. á Akranesi,
Sigurður Helgi, pípulagningam. á Akureyri og Sigþrúður, húsfr. á
Akranesi.
Ármann Helgason var meðalmaður á vöxt og vel á fót kominn,
liðlegur í hreyfingum, grannleitur, dökkhærður, fríðleiksmaður í sjón.
Hann var glaður jafnan í viðmóti, greindarlegur í tali og hafði yndi af
að blanda geði við aðra. Hann var mikill trúleiksmaður, áhugasamur
um það, sem honum var falið að inna af hendi og glöggur á það, sem
gera þurfti. Ármann var vinsæll maður og mun öllum hafa verið hlýtt
til hans þeim er honum kynntust.
Herdís Bjarnadóttir, f. húsfr. á Minni-Reykjum í Fljótum o. v.,
andaðist hinn 16. febrúar 1947.
Hún var fædd að Fjalli í Kolbeinsdal 8. sept. 1888, dóttir Bjarna -
Reykja-Bjarna, Hesta-Bjarna, hins þjóðfræga tamningamanns, -
Jóhannessonar bónda á Reykjum í
Hjaltadal, Þorfínnssonar, og konu hans
Þórunnar Sigfúsdóttur bónda í Eyhildar-
holti, á Hellulandi o. v., Péturssonar bónda á
Þröm á Langholti o. v., Guðmundssonar, og
fyrri konu hans Ingibjargar Sigurðardóttur
bónda í Ási í Hegranesi, alsystur Ólafs
alþingism. í Ási.
Þriggja ára gömul fór Herdís í fóstur til afa
síns og ömmu. Jóhannesar á Reykjum og
Herdísar Bjarnadóttur, sem hún var heitin
eftir. Jóhannes andaðist 1894, en Herdís
ekkja hans bjó áfram á Reykjum og hjá
þessari ömmu sinni og alnöfnu ólst Herdis
upp fram undir tvítugsaldur. Hún stundaði
húsmæðranám í skóla Jóninnu Sigurðar-
dóttur á Akureyri, og var þar og við
saumanám, sem kom henni að miklum og
góðum notum síðar meir.
Herdís var tvígift. Árið 1910 gekk hún að eiga Benedikt kennara
Guðmundsson frá Hringveri á Tjörnesi norður. Bjuggu þau á Syðsta-
Mói í Fljótum 1912 - 1918, fóru þá búi sínu að Neðra-Haganesi en
bjuggu þar aðeins skamma stund, því að Benedikt andaðist 1919,
tæplega fertugur, en Herdís fór að Minni-Reykjum og gerðist þar