Skírnir - 01.04.1993, Blaðsíða 256
250
GARYAHO
SKÍRNIR
W. G. Collingwood og Jón Stefánsson. A Pilgrimage to the Saga-
Steads of Iceland. W. Holmes, Ulverston 1899, x + 187 síður. Með fjölda
mynda, þar af eru þrettán í lit. Myndirnar í bókinni voru valdar úr nærri
300 vatnslitamyndum og teikningum frá ferð höfundanna um helstu
söguslóðir sumarið 1897. Fyrir fáeinum árum var gefið út glæsilegt rit
þar sem litprentuð er 161 mynd Collingwoods: Fegurð Islands ogfornir
sögustaðir. Svipmyndir og sendibréf úr Islandsför W. G. Collingwoods
1897. Haraldur Hannesson sá um útgáfuna ásamt fleirum. Orn og Ör-
lygur, Reykjavík 1988, 324 síður. Ritinu er fylgt úr hlaði með ítarlegum
inngangi, í því eru einnig prentaðar sextíu og fimm ljósmyndir frá þess-
um tíma og fjórtán bréf sem Collingwood skrifaði frá Islandi til fjöl-
skyldu sinnar. William Gershom Collingwood (1854-1932) var ritari og
ævisöguskrásetjari Johns Ruskin. Hann hafði ennfremur áhuga á nor-
rænum fræðum og fornleifafræði. Eiríkur Magnússon, samstarfsmaður
William Morris, hvatti Collingwood til að þýða Kormdks sögu. Coll-
ingwood réðst í það verk með aðstoð hæfileikaríks Islendings, Jóns Stef-
ánssonar (1862-1952), sem búsettur var í London. I framhaldi af því
samstarfi ákváðu þeir Jón að ferðast til Islands 1897 til að safna efni í bók
sína.
Ólíkar ástæður fyrir heimsóknum þessara fimmtán gesta hljóma
flestar kunnuglega. Waller, Oswald, Leith og Collingwood riðu um
söguslóðir, Watts og Howell klifu fjöll. Þeir síðarnefndu voru að vísu
brautryðjendur, hvor á sínu sviði: Watts fór þvert yfir Vatnajökul,
Howell komst fyrstur manna á Hvannadalshnjúk. Nokkrir gestanna áttu
stutta viðdvöl og heimsóttu helstu ferðamannastaði. Þeirra á meðal voru
Smith, Trollope og Banks. Fonblanque og Harley, tvær af fjórum kon-
um í þessum fimmtán manna hópi, höfðu mestan áhuga á að komast á
hestbak. Á þessum síðasta fjórðungi aldarinnar eru loks á ferðinni full-
trúar nýrrar „stéttar" sem hefur það markmið að gefa öðrum ferðalöng-
um góð ráð. I þessum hópi eru Sim, Coles, Charles Lock og William
Lock (tveir hinir síðastnefndu voru ekki skyldir).
Charles Lock hugðist skrifa tæmandi Islandshandbók handa verð-
andi ferðamönnum, enda er rit hans stútfullt af upplýsingum um áætlun
og ferðir gufuskipanna (þau voru orðin tvö árið 1878), kostnað fyrir
leiðsögn, leigu á hestum, verð á mat, húsnæði og öðru slíku. Þarna eru
líka sérhæfðar ráðleggingar ætlaðar veiðimönnum, fuglaskoðurum og
unnendum íslenskra fornsagna. Lock hvetur ferðamenn, til dæmis, til að
„heimsækja Bergþórshvol þar sem Njáll var brenndur og einnig dældina
þar sem morðingjarnir földu reiðskjóta sína, og litla mosaþembu sem
gengur undir nafninu Káratjörn [...] þar sem flóttamaðurinn slökkti eld-
inn í klæðum sínum“ (s. 319). Lock birtir níu leiðarlýsingar og er sú
fyrsta helguð eftirfarandi ferð: „Frá Reykjavík til Þingvalla, að Geysi,
Gullfossi, Heklu, um Njáluslóðir, að Eyrarbakka og til Krísuvíkur. Tólf