Archaeologia Islandica - 01.01.1998, Qupperneq 65

Hofstaðir í mývatnssveit - Yfirlit 1991-1997
Mynd 3■ Við upphaf rannsókna á Hofstöðum 1992 - At the outset ofthe Hofstaðir excavation 1992.
Ljósm. / Photo: Adolf Friðriksson, FSI.
borði rannsóknarsvæðisins til að fá sem
gleggsta mynd af tóftunum áður en
grafið væri í þær. Arið 1992 var síðan
grafinn þverskurður yfir stóru tóftina.
Ekki bentu gripir sem komu í ljós við
rannsóknina (þ. á m. brýni, hnífur,
smíðagjall og naglar) til annars en að
hér væri um fornar bæjartóftir að ræða.
I sömu átt bendir tvöfalt kolagólf í
skálanum en það er af sömu gerð og
önnur gólf sem fundist hafa í tóftum
íslenskra íveruhúsa frá miðöldum. Þá
komu í ljós vel varðveitt gjóskulög er
skáru úr um aldur stóru tóftarinnar.
Hún er af afarstórum skála sem hefur
verið í notkun á 10. og/eða 11. öld.
Stór hola með gjalli og járnsora inni í
skálanum bendir til járnvinnslu, en
slík starfsemi fer tæplega saman við
heiðið helgihald eins og menn ímynda
sér það venjulega. Við þessa rannsókn
fundust einnig veggjarleifar skammt
vestan við skálatóftina. Þar eru því
fleiri byggingar, sem eru jafngamlar
eða eldri en skálatóftin.
Holan sunnan við tóftina var rann-
sökuð 1995. I rannsóknunum árin
1908 og 1965 fundust engar vísbend-
ingar um aldur holunnar, enda áttu
þær sér stað áður en flestar þær aldurs-
greiningaraðferðir sem nú eru notaðar
höfðu verið þróaðar. Til þessa höfðu
fræðimenn gengið út frá því sem vísu
að holan hefði verið í notkun á sama
tíma og skálatóftin norðan við hana.
Sýndu gjóskulög svo ekki varð um
65